ދުޅަހެޔޮ ދިރިއުޅުމަކަށް ލޯބިކުރާ ފަރާތްތަކަށް މިއީ އުފާވެރި ހަބަރެކެވެ. ސޮނީ ސްޕޯޓްސް އިން، ކޮންސިއާޖް ގްރޫޕާއި ހައިޕް ޖިމް ގުޅިގެން "ސްޓެޕް އަޕް ޗެލެންޖް" ރަސްމީކޮށް ފަށައިފިއެވެ.
މިއީ މުޖުތަމައުގެ މެދުގައި ހަރަކާތްތެރި ދިރިއުޅުމެއް އާލާކޮށް، ކަސްރަތަށް ދޭ ސަމާލުކަން އިތުރުކުރުމަށް ފެށި އެއް މަސްދުވަހުގެ ފިޓްނަސް ހަރަކާތެކެވެ.
މި މަހުގެ 5 އިން އަންނަ އޭޕްރީލް 5 ގެ ނިޔަލަށް ކުރިއަށްދާ މި ޗެލެންޖުގެ އަމާޒު ވަރަށް ސާފެވެ. 30 ދުވަހުގެ ތެރޭގައި މަދުވެގެން 50 ކިލޯމީޓަރު ފުރިހަމަކުރުމެވެ. އެއީ ހިނގުމުން ކަމުގައި ވިޔަސް، ޖޮގިން ނުވަތަ ދުވުމުން ކަމުގައި ވިޔަސް ހެވެވެ.
ބައިވެރިންގެ މި ހުރިހާ ހަރަކާތްތަކެއް 'ސްޓްރާވާ' (Strava) މެދުވެރިކޮށް ސޮނީ ސްޕޯޓްސް އެޕުން ޓްރެކް ކުރެވެމުންދާނެ އެވެ.
ލަނޑުދަނޑި ހާސިލްކުރާ ބައިވެރިންގެ ތެރެއިން އެންމެ ކުރީގައި އުޅޭ ގަދަ 10 ބައިވެރިންނަށް އޮތީ މާ ފޯރިގަދަ މަރުހަލާއެކެވެ.
އެއީ "ހައިޕް ގޭމްސް" އެވެ. މިއީ ބައިވެރިންގެ ބާރާއި، ކެތްތެރިކަން އަދި ނަފުސާނީ ހިތްވަރު ވަޒަންކޮށްލުމަށް ބާއްވާ ހާއްސަ ފިޓްނަސް މުބާރާތެކެވެ. މި ގޭމްސްތަކަށްފަހު ހޮވޭ އެންމެ މޮޅު ތިން ބައިވެރިންނަށް ކަނޑައެޅިފައިވަނީ އަގުހުރި އިނާމުތަކެކެވެ.
- 1 ވަނަ އިނާމު: ބާލީ، ކުއާލަލަމްޕޫރު، ޖަކާޓާ، ބެންކޮކް ނުވަތަ ހެނޯއީ - މީގެ ތެރެއިން ބޭނުން ގައުމަކަށް ދިޔުމަށް ދެކޮޅު ޓިކެޓް.
- 2 ވަނަ އިނާމު: ސޮނީ ސްޕޯޓްސް އިން ވިޔަފާރިކުރެވޭ 5,000 ރުފިޔާގެ ވައުޗަރެއް.
- 3 ވަނަ އިނާމު: ހައިޕް ޖިމްގެ 1 އަހަރު ދުވަހުގެ މެންބަރޝިޕް.
މި ޗެލެންޖުގައި ބައިވެރިވާނެ ސޮނީ ސްޕޯޓްސްގެ އިންސްޓަގްރާމް ޕޭޖުން ލިބޭނެ އެވެ.
