އައިކޮމް އިން އެންގުމުންވެސް ފަލަސްތީނު ޓެލެތޯނުން ލިބުނު ފައިސާ ހަވާލުކުރިކަމުގެ ލިޔުން ސަރުކާރުން ނުދިން

ފަލަސްތީނާއެކު ދިވެހިން ނަމުގައި ކުރިއަށް ގެންދިޔަ ޓެލެތޯނަށް ރައީސްގެ ދެ ކަނބަލުން ފައިސާ ހަދިޔާކުރައްވަނީ --- ފޮޓޯ: ރައީސް އޮފީސް

ފަލަސްތީނާއެކު ދިވެހިން ނަމުގައި ކުރިއަށް ގެންދިޔަ ޓެލެތޯނަށް ރައީސްގެ ދެ ކަނބަލުން ފައިސާ ހަދިޔާކުރައްވަނީ --- ފޮޓޯ: ރައީސް އޮފީސް

ފަލަސްތީނުގެ ރައްޔިތުންނަށް އެހީވުމަށް ދައުލަތުގެ މީޑިއާ ޕީއެސްއެމްއިން ބޭއްވި ޓެލެތޯނުން ލިބުނު 19 މިލިއަން ރުފިޔާއަށްވުރެ ގިނަ ފައިސާ ޔުނައިޓެޑް ނޭޝަންސް ރިލީފް އެންޑް ވޯކްސް އެޖެންސީ ފޯ ޕަލަސްޓައިން ރެފިއުޖީސް (އަންރުއާ) އާ ހަވާލުކުރި ލިޔުން ދޭން ސަރުކާރުން ދެކޮޅު ހަދައިފި އެވެ.

މި ފައިސާ އަންރުވާއަށް ދިން ކަމަށް ސަރުކާރުން އިއުލާނުކުރީ އޮގަސްޓު 20، ގަ އެވެ. އެކަން ކުރިކަމުގެ ލިޔުން ހޯދުމަށް މައުލޫމާތު ހޯދާ ލިބިގަތުމުގެ ހައްގުގެ ދަށުން މި ނޫހުން ވާނީ ހަމަ އެދުވަހު ފޮރިން މިނިސްޓްރީގައި އެދިފަ އެވެ.

ނަމަވެސް، ގާނޫނުން މައުލޫމާތު ދިނުމަށް ދޭ މުއްދަތުތައް ފާއިތުވެ ގޮސް، މި މައްސަލާގައި އިންފޮމޭޝަން ކޮމިޝަނަރުގެ އޮފީސް (އައިކޮމް) އިން ވަނީ ދެ އަޑުއެހުމެއްވެސް ބާއްވާފަ އެވެ. އޭގެތެރެއިން އޮކްޓޯބަރު 9، ގައި ބޭއްވި ބައްދަލުވުމުގައި އައިކޮމް އިން ވަނީ މައުލޫމާތު ދިނުމަށް ފަސް ދުވަހުގެ މުއްދަތެއް ފޮރިން މިނިސްޓްރީއަށް ދީފަ އެވެ.

އެ އަޑުއެހުމުގައި ބައިވެރިވި ފޮރިން މިނިސްޓްރީގެ އޮފިޝަލު ވިދާޅުވީ އެ މުއްދަތުގެ ކުރިންވެސް މައުލޫމާތު ދެވިދާނެ ކަމަށާއި މައުލޫމާތު އެ ވުޒާރާގައި ހުރި ކަމަށެވެ. އަދި މައުލޫމާތު ނުދިނުމަކީ ވުޒާރާގެ ވިސްނުން ނޫން ކަމަށް ތަކުރާރުކޮށް ވިދާޅުވި އެވެ.

ނަމަވެސް، އެ މުއްދަތުގައި ފޮރިން މިނިސްޓްރީން އެއްވެސް ޖަވާބެއް ދީފައެއް ނުވެ އެވެ.

މި މައްސަލާގައި ދެވަނައަށް ބޭއްވި އަޑުއެހުމުގައި އައިކޮމް އިން ވަނީ މައްސަލަ ބަލާ ނިންމާ، ފަސް ދުވަހުގެ ތެރޭ އެ ލިޔުން މި ނޫހާ ހިއްސާކުރުމަށް އަންގާފަ އެވެ. އޮކްޓޯބަރު 17، ގައި ދިން އެ މުއްދަތު ހަމަވީ މިދިޔަ ބުރާސްފަތި ދުވަހަށެވެ.

އަޑުއެހުމުގައި އަދި މުއްދަތު ހަމަވުމުން މި ނޫހާ ފޯނުން ވާހަކަ ދައްކަމުން ފޮރިން މިނިސްޓްރީގެ އޮފިޝަލުން އަދި އިންފޮމޭޝަން އޮފިސަރު ވަނީ މި މައުލޫމާތު ހިއްސާކުރާނެ ކަމަށާއި ލަސްވަނީ އިދާރީ ބައެއް ހުއްދަތައް ހޯދަން ޖެހޭތީ ކަމަށް ބުނެފަ އެވެ.

ނަމަވެސް، މި ހަބަރު ޕަބްލިޝް ކުރުމާ ހަމައަށްވެސް ފޮރިން މިނިސްޓްރީން އެ ލިޔުން އަދި ހުށަހެޅި އާރުޓީއައި އަށް އެއްވެސް ޖަވާބެއް ދީފައެއް ނުވެ އެވެ. އައިކޮމް ގެ ނިންމުމާ ދެބަސްވެ، މި މައްސަލަ އެ ވުޒާރާއިން ކޯޓަށް ހުށަހެޅި ކަމުގެ މައުލޫމާތެއްވެސް މިހާތަނަށް ލިބިފައެއް ނުވެ އެވެ.

ޖޫން 12، ގައި ކުރިއަށްގެންދިޔަ ޓެލެތޯނުން ލިބުނު 19،309،468.02ރ. ފިނޭންސް މިނިސްޓްރީ އާއި މޯލްޑިވްސް މަނިޓަރީ އޮތޯރިޓީ (އެމްއެމްއޭ) މެދުވެރިކޮށް، ސީދާ އަންރުއާގެ އެކައުންޓަށް ޖަމާކޮށްފައިވާ ކަމަށް ފޮރިން މިނިސްޓްރީން ބުނީ އެ ފައިސާ ހަވާލުކުރުން ލަސްވާ ކަމަށް ބުނެ ސޯޝަލް މީޑިއާގައި އަދި ނޫސްތަކުގެ ހަބަރުތައް ޖަހަން ފެށުމުންނެވެ.

ސަރުކާރުން އިސް ނަގައިގެން މިފަދަ ޓެލެތޯނެއް ބާއްވާ ފަލަސްތީނުގެ ރައްޔިތުންނަށް އެހީވުމަށް ނިންމީ އިޒްރޭލުން ގާޒާގައި ހިންގަމުންދާ ނަސްލުހޭދުކުރުމުގެ ސަބަބުން ކުރިމަތިވެފައިވާ އިންސާނީ ކާރިސާއާ ގުޅިގެންނެވެ.

މި ޓެލެތޯނުގައި ހުޅުވި ފަންޑަށް ރައީސް މުއިއްޒުގެ ދެ ކަނބަލުންގެ އިތުރުން ވަޒީރުންނާއި މަޖިލިސް މެންބަރުން އަދި ސަރުކާރުގެ ކުންފުނިތަކުންވެސް ފައިސާ ހަދިޔާކުރި އެވެ.

ނަމަވެސް، އެ ފައިސާއިން ފަލަސްތީނުގެ ރައްޔިތުންނަށް އެހީތެރިކަމެއް ލިބޭނެ ތާރީހެއް މިހާތަނަށް ސާފެއް ނުވެ އެވެ. އަންރުވާއިންވެސް މި ފައިސާއާ ގުޅޭ އެއްވެސް ތަފުސީލެއް ހާމައެއް ނުކުރެ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox