ފުވައްމުލަކު ސިޓީގައި ކުރިއަށްދިޔަ މަކިޓާ 15 ވަނަ ގައުމީ ޖޫނިއާ ޗެމްޕިއަންޝިޕުގައި ވާދަކުރި ސާއިދު ސްޕޯޓްސްގެ އެތުލީޓުން ރަނގަޅު ކާމިޔާބީތަކެއް ހޯދާ މުބާރާތް ނިންމާލައިފި އެވެ.
މި ފަހަރުގެ ޖޫނިއާ މުބާރާތުގައި ސާއިދު ސްޕޯޓްސްގެ ފަރާތުން، 14 އަންހެން އެތުލީޓުންނާއި އަށް ފިރިހެން އެތުލީޓުން ވާދަކުރި އެވެ.
މި މުބާރާތް ސާއިދު ސްޕޯޓްސް އިން ނިންމާލީ ޖުމްލަ 11 މެޑައްޔާ އެކުގަ އެވެ. އޭގެ ތެރޭގައި ހަތަރު ކެޓަގަރީގެ ރަން މެޑަލް ވެސް ހިމެނެ އެވެ.
ރަން މެޑަލް ހޯދި އެތުލީޓުން:
- އަންޑަ 13 - 1000 މީޓަރު ދުވުން: ކްލާރާ
- އަންޑަ 15 - 1500 މީޓަރު ދުވުން: މުލާމް
- އަންޑަ 15 - 100 މީޓަރު ދުވުން: އުލްވާން
- އަންޑަ 15 - ޓްރިޕަލް ޖަމްޕް: މަލީކާ (މީޓް ރެކޯޑް)
ރިހި މެޑަލް ހޯދި އެތުލީޓުން:
- އަންޑަ 15 - 1500 މީޓަރު ދުވުން: އިޒްޔާން
- އަންޑަ 15 - 1500 މީޓަރު ދުވުން: ތާނާ
- އަންޑަ 15 - 800 މީޓަރު ދުވުން: ތާނާ
- އަންޑަ 15 - 800 މީޓަރު ދުވުން: އިޒްޔާން
- އަންޑަ 15 - 200 މީޓަރު ދުވުން: އުލްވާން
ލޯ މެޑަލް ހޯދި އެތުލީޓުން:
- އަންޑަ 15 - ހައި ޖަމްޕް: މަލްކާ
- އަންޑަ 15 - 400 މީޓަރު ދުވުން: މަލީސާ
- އަންޑަ 15 - 800 މީޓަރު ދުވުން: މަލްކާ
މީގެ އިތުރުން މި ފަހަރުގެ މުބާރާތުގެ 20 އަހަރުން ދަށުގެ 800 މީޓަރު ދުވުން, 1500 މީޓަރު ދުވުން އަދި 5000 މީޓަރު ދުވުމުން ރަން މެޑަލް ހޯދި އާއިޝް އަކީ ވެސް ސާއިދު ސްޕޯޓްސް އިން ތަމްރީނު ހަދަމުން އަންނަ އެތުލީޓެކެވެ. އެކަމަކު، މި ފަހަރުގެ ޖޫނިއާ .މުބާރާތުގެ 20 އަހަރުން ދަށުގެ ކެޓަގަރީގައި ސާއިދު ސްޕޯޓްސް ބައިވެރި ނުވާތީ އާއިޝް ވާދަކުރީ ރައުހަތު ސްޕޯޓްސްގެ ޓީމާއެކުގަ އެވެ.
މީގެ އެއް އަހަރު ކުރިން، 2022 ވަނަ އަހަރު ބޭއްވި ޖޫނިއާ ޗެމްޕިއަންޝިޕްގެ އެއް ވަނަ ފިރިހެން އެތުލީޓަކީ ސާއިދު ސްޕޯޓްސްގެ އަހުމަދު ވިސާމް އެވެ.
މި ފަހަރުގެ ޖޫނިއާ މުބާރާތުގައި، 29 ޓީމަކުން 868 އެތުލީޓުން ވާދަކުރި އެވެ.
