ގަމުގައި ޓޫރިޒަމަށް 130 އެނދު ތަރައްގީ ކުރަން އަފީފުގެ ކާސާ ހޯލްޑިންސްއިން ޝައުގުވެރިވޭ: ފައިސަލް

އައްޑު ގަން އެއާޕޯޓު -- ފޮޓޯ: އިއުޖާޒު އަލީ

އައްޑު ގަން އެއާޕޯޓު -- ފޮޓޯ: އިއުޖާޒު އަލީ

އައްޑޫގައި އެއާޕޯޓު އޮތް ގަމުގައި ޓޫރިޒަމް އަށް 130 އެނދު ތަރައްގީކުރުމުގެ އެ އެއާޕޯޓު ހިންގާ އެއް ހިއްސާދާރު، ޗަމްޕާ ހުސައިން އަފީފުގެ ކާސާ ހޯލްޑިންސްއިން ފާޅުކޮށްފައިވާ ކަމަށް ޓޫރިޒަމް މިނިސްޓަރު އިބްރާހިމް ފައިސަލް ރޭ ވިދާޅުވެއްޖެ އެވެ.

އައްޑޫ ޓޫރިޒަމް ޕްރޮމޯޓުކުރުމަށް ތައްޔާރުކުރި ހާއްސަ ލޯގޯ އާއި ބްރޭންޑިން އިފުތިތާހުކުރަން ބޭއްވި ހަފުލާގައި ފައިސަލް ވިދާޅުވީ ދެކުނުގެ ހަތަރު އަތޮޅު، އަދި މިހާރު ޓޫރިޒަމް ނެތް ހުރިހާ ސަރަހައްދުތަކެއްގައި ޓޫރިޒަމް ތަރައްގީ ކުރުމަކީ މި ސަރުކާރުގެ ވައުދެއް ކަމަށާއި، އެކަމަށް މަސައްކަތް ކުރަމުން ގެންދާ ކަށެވެ.

މި ސަރުކާރުގެ އަމާޒަކީ ތަރައްގީކުރާ އައްސޭރި ޓޫރިޒަމް މަޝްރޫއާ އެކު އައްޑޫ އަށް 6،000 އެނދު އިތުރުކުރުމެވެ.

އެ މަޝްރޫއުގެ އިތުރުން ހަންކެޑެ މަޝްރޫއު އާއި ކާސާ ހޯލްޑިންއިން ޝައުގުވެރިކަން ފާޅުކޮށްފައިވާ މަޝްރޫއު ނިމުމުން، މިހާރު ބަންދުކޮށްފައިވާ ޝަންގްރިއްލާ ރިސޯޓު ވެސް ހުޅުވަން ބާރަކަށް ވެގެންދާނެ ކަމަށް ފައިސަލް ވިދާޅުވި އެވެ.

"އައްޑޫ އެއާޕޯޓު ކޮމްޕެނީގެ އެއް ހިއްސާދާރު، ކާސާ ކޯލްޑިން މެނޭޖްމެންޓާއެކީ ވަރަށް މަޝްވަރާކުރިން. އެ ބޭފުޅުން ވެސް ބޭނުންވޭ އައްޑޫ ގަމުގައި ހަތޭކަ ތިރީހަކަށް އެނދު ޑިވެލޮޕްކުރަން. އެހެން ނަމަވެސް އޭގެ ތެރެއިން އެބަ ހުރި ދިވެހި ސަރުކާރުން، އަޅުގަނޑުމެން ކޮށްދޭންޖެހޭ ކަންތައްތަކެއް. އެ މަސައްކަތް ޓޫރިޒަމް މިނިސްޓްރީން އެބަކުރޭ،" ފައިސަލް ވިދާޅުވި އެވެ.

އައްޑޫ އިންޓަނޭޝަނަލް އެއާޕޯޓު ކުންފުނީގެ 30 ޕަސެންޓު ހިއްސާ އޮންނަނީ ކާސާ ހޯލްޑިން އަށެވެ. އަނެއް 70 ޕަސެންޓު އޮންނަނީ ދިވެހި ސަރުކާރަށެވެ.

އަތޮޅުތަކަށް ޓޫރިޒަމް ގެންދިޔުމަށް އޮތް އެންމެ ބޮޑު ހުރަހަކީ ދަތުރުފަތުރު އުނދަގޫވުން ކަމަށާއި، ނަމަވެސް މިހާރު އައްޑޫގެ ތަރައްގީ އަށް ހުރި ޓޫރިޒަމް މަޝްރޫއުތަކާއެކު ޒިޔާރަތްކުރާ މީހުން އިތުރުވެ، ދަތުރުފަތުރު ވެސް އެ އަތޮޅަށް އަގުހެޔޮވެ، ފަސޭހަ ވެގެންދާނެ ކަމަށް ފައިސަލް ފާހަގަ ކުރެއްވި އެވެ.

"އައްޑޫ، ފުވައްމުލަށް، ގއ، ގދ އަތޮޅުގެ ޓޫރިޒަމް ތަރައްގީކުރަން ކުރަންޖޭ ހުރިހާ މަސައްކަތްތަކެއް އަޅުގަނޑުމެން ވަރަށް އިހްލާސްތެރިކަމާއެކީ ކުރުމުގެ ނިޔަތުގައި މިތިބީ،" ފައިސަލް ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox