ބަހަނާ ނުދައްކައި އަވަހަށް މާލީ ހިސާބުތައް ހާމަ ކުރޭ: އަމީރު

ކުރީގެ ފިނޭންސް މިނިސްޓަރު އިބްރާހިމް އަމީރު: ބަހަނާ ނުދައްކައި އަވަހަށް މާލީ ހިސާބުތައް ހާމަ ކުރުމަށް ގޮވާލެއްވި -- ފޮޓޯ: މިރާޝް ނާޝިމް / އަދަދު

ކުރީގެ ފިނޭންސް މިނިސްޓަރު އިބްރާހިމް އަމީރު: ބަހަނާ ނުދައްކައި އަވަހަށް މާލީ ހިސާބުތައް ހާމަ ކުރުމަށް ގޮވާލެއްވި -- ފޮޓޯ: މިރާޝް ނާޝިމް / އަދަދު

ސަޕްލިމެންޓްރީ ބަޖެޓް ހުށަހެޅުމަށް ބަހަނާ ނުދައްކައި ވީހާ ވެސް އަވަހަށް މާލީ ހިސާބުތައް ހާމަ ކުރުމަށް ކުރީގެ ފިނޭންސް މިނިސްޓަރު އިބްރާހިމް އަމީރު މިއަދު ގޮވާލައްވައިފި އެވެ.

އަމީރު "އަދަދު" އަށް ވިދާޅުވީ މި އަހަރު ދައުލަތުގެ ބަޖެޓުން 50 ބިލިއަނެއްހާ ރުފިޔާ ހަރަދުކުރިއިރު ރަށްރަށުގެ ޕްރޮޖެކްޓްތައް ހުއްޓި ރައްޔިތަކަށްވީ ފައިދާއެއް ނުވެ، ސަޕްލިމެންޓްރީ ބަޖެޓް ހުށަހެޅުމަށް މާލީ ހިސާބުތައް އާންމުނުކޮށް ދެއްކީ ހުސް ބަހަނާ ކަމަށެވެ.

"ބަޖެޓް ހުސްވެގެން ދިޔައިރު ރާއްޖޭގައި އެއްވެސް ކަމެއް ނުވޭ. ރައްޔިތުން ބުނަނީ ހުރިހާ ރަށެއްގެ ހުރިހާ ޕްރޮޖެކްޓެއް އޮތީ ހުއްޓިފައޭ. ހުރިހާ ސެކްޓާއެއްހެން އޮތީ ހުއްޓިފައި. 50 ބިލިއަނެއްހާ ރުފިޔާގެ ބަޖެޓެއް ހުސްވެގެން، ސަޕްލިމެންޓްރީ ބަޖެޓް ހުށަހަޅަންވީ ސަބަބުތައް ކިޔައިދޭންވީ. އެކަން އޮޅުވާލަންވެގެން ހުރިހާ ވާހަކަތަކެއް ދެއްކީ،" އަމީރު ވިދާޅުވި އެވެ.

މިދިޔަ ފަސް އަހަރު ދައުލަތުގެ ފިސްކަލް ޕޮލިސީ ހިންގީ މާލިއްޔަތު ގާނޫނާއި މާލިއްޔަތު ގަވާއިދާ އެއްގޮތަށްކަން ފާހަގަކުރައްވާ އަމީރު ވިދާޅުވީ މައްސަލައެއް އޮތްނަމަ އެ މައްސަލަ ބަލައި ތަފާސް ހިސާބުތައް އާންމުކުރާހާ ދުވަސްވެފައިވާ ކަމަށެވެ.

"ޖޫން މަހުން ފެށިގެން މިހާތަނަށް އެތައް މަހެއް ވެގެން ދިޔައިރު ތަފާސް ހިސާބުތައް ޝާއިއު ނުކުރެވެންޏާ ވަރަށް ބޮޑު މައްސަލައެއް އެއީ. [ސަރުކާރުގެ] ނާގާބިލުކަން އެނގެނީ. ބަލަން ޖެހޭ މައްސަލަވިއްޔާ ބެލުމަށްފަހު ތަފާސް ހިސާބުތައް ޝާއިއުކުރާހާ ދުވަސްވެއްޖެ،" އަމީރު ވިދާޅުވި އެވެ.

ރާއްޖޭގެ ބަޖެޓް ޕްރޮސެސް އޮންނަ ގޮތުން ވެރިކަން ނިމޭ އަހަރު ހުންނަ ބިލުތައް އޭރު އޮންނަ ސަރުކާރަކުން ނުދައްކާ ކަމަށާއި އެ ބިލުތައް ދައްކަނީ އަބަދުވެސް ޖެހިގެން އަންނަ ސަރުކާރުން ކަމަށް އަމީރު ވިދާޅުވި އެވެ.

އެގޮތުން، ރައީސް އަބްދުﷲ ޔާމީންގެ ވެރިކަން ނިމުނުއިރު ހުރި ބިލުތަކަށް ކުރީގެ ރައީސް އިބްރާހިމް މުހައްމަދު ސޯލިހުގެ ވެރިކަމުގައި ފައިސާތައް ދެއްކިކަން ފާހަގަ ކުރައްވާ އަމީރު ވިދާޅުވީ 2019 ގެ ބަޖެޓުގައި އެ ފައިސާތައް ދައްކަން ތިން ބިލިއަނެއްހާ ރުފިޔާ ޖެހި ކަމަށެވެ.

"2018 ގައި އެމްޑީޕީ ސަރުކާރުން ވެރިކަމާ ހަވާލުވިއިރު ބިލުތަކަށް ފައިސާ ނުދައްކާ ހުރި. މައްސަލައަކަށް ނަހަދައި 2019 ގެ ބަޖެޓުގައި ކުރީ ސަރުކާރުގެ ޑެޓް ދެއްކުމަށާއި ޕޯސްޓް ކޮށްފައި ހުރި ބިލުތައް ދެއްކުމަށް ތިން ބިލިއަނެއްހާ ރުފިޔާ ހުންނާނެ ޖަހާފައި. އެއީ ރާއްޖޭގެ ބަޖެޓް ޕްރޮސެސް އޮންނަ ގޮތުން އެކަން ކުރާ ގޮތް،" އަމީރު ވިދާޅުވި އެވެ.

އަމީރު ކުރިން ލަފާ ކުރެއްވި ގޮތުގައި ދައުލަތުގެ ބަޖެޓް މި އަހަރު 57 އަށް ބިލިއަން ރުފިޔާއަށް އަރާނެ އެވެ. އެއީ ފާސްކުރި ބަޖެޓަށްވުރެ 8 ބިލިއަން ރުފިޔާގެ އިތުރުވުމެކެވެ. ސަބަބުތަކެއް ގޮތުގައި އަމީރު ކުރިން ފާހަގަ ކުރެއްވީ ހަރަދުގެ ރިފޯމްތައް ފަސްވެ، ސަރުކާރުން ކުރާ ހަރަދުތައް އިތުރުވެ، ސިޔާސީ މުވައްޒަފުންގެ އަދަދު އިތުރުވުމެވެ.

ފިނޭންސް މިނިސްޓަރު ޒަމީރު، ސަޕްލިމެންޓަރީ ބަޖެޓެއް ހުށަހަޅަން ޖެހޭ ކަން ހާމަކުރައްވަމުން، މިއަދު ވިދާޅުވީ ބެލެވޭ ގޮތުގައި ސަޕްލިމެންޓަރީ ބަޖެޓުގެ ގޮތުގައި ހުށަހަޅަން ޖެހޭނީ ފަސް ބިލިއަން ރުފިޔާ އެވެ. އަދި މިހާރު މަސައްކަތް ކުރެވެމުންދަނީ އެ މިންވަރުގައި ސަޕްލިމެންޓު ހިފަހައްޓަން ކަމަށް އޭނާ ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox