ޓެކްސް ބޮޑު ކުރަން ރިސޯޓު އޯނަރުން ނުރުހިދާނެ، އެކަމަކު އެއީ ގައުމު ސަލާމަތް ކުރަން ކުރަންޖެހޭ ކަމެއް: ފަލާހު

މެޖޯރިޓީ ލީޑަރު ފަލާހު: ވިދާޅުވީ ދައުލަތުގެ އާމްދަނީ އިތުރު ކުރަން ޓެކްސް ބޮޑު ކުރަންޖެހޭ ކަމަށް -- ފޮޓޯ: މަޖިލިސް

މެޖޯރިޓީ ލީޑަރު ފަލާހު: ވިދާޅުވީ ދައުލަތުގެ އާމްދަނީ އިތުރު ކުރަން ޓެކްސް ބޮޑު ކުރަންޖެހޭ ކަމަށް -- ފޮޓޯ: މަޖިލިސް

ޓީޖީއެސްޓީ އާއި ގްރީން ޓެކްސް ބޮޑު ކުރަން ރިސޯޓު އޯނަރުން ނުރުހިދާނެ ކަމަށާއި ނަމަވެސް "ގައުމު ސަލާމަތް ކުރަން" ދައުލަތަށް ލިބޭ އާމްދަނީ އިތުރު ކުރަންޖެހޭ ކަމަށް ވެރިކަން ހިންގާ ޕީއެންސީގެ ޕީޖީ ގްރޫޕުގެ ލީޑަރު އިބްރާހިމް ފަލާހު މިއަދު ވިދާޅުވެއްޖެ އެވެ.

ޓުއަރިޒަމް ގާނޫނަށް އިސްލާހު ގެނެސް، ޓީޖީއެސްޓީ 16 ޕަސެންޓުން 17 ޕަސެންޓަށް އަދި ގްރީން ޓެކްސް ހަ ޑޮލަރުން 12 ޑޮލަރަށް ބޮޑު ކުރަން ހުށަހަޅާފައި އޮތް ބިލަށް ވާހަކަ ދައްކަވަމުން ފަލާހު ވިދާޅުވީ، އެއީ ގައުމަށްޓަކައި ގެންނަންޖެހޭ ހެޔޮ ބަދަލެއް ކަމަށެވެ.

"ވެދާނެ މިއީ ފަހަރެއްގައި ފަތުރުވެރިކަމުގެ ދާއިރާގައި މަސައްކަތް ކުރާ ރިސޯޓު އޯނަރުންނާއި ނޫނީ އެ ނޫން ވެސް އެ ދާއިރާގައި މަސައްކަތް ކުރާ ބޭފުޅުންނަށް އެންމެ ހިތްގައިމު ކަމަކަށް ނުވެދާނެ [ޓެކްސް ބޮޑުކުރުން]،" ފަލާހު ވިދާޅުވި އެވެ. "މި ރާއްޖެއަށް، ދައުލަތަށް ލިބޭ އާމްދަނީ އިތުރު ކުރުމަކީ އަޅުގަނޑު ގަބޫލު ކުރާ ގޮތުގައި މިއަދު ކޮންމެހެން ވެސް ގައުމު ސަލާމަތް ކުރުމަށްޓަކައި ކުރަންޖެހިފައިވާ ކަމެއް."

Advertisement

ޓެކްސް ބޮޑު ކުރުމުގެ ބިލަށް ރިސޯޓު އޯނަރުން ނުރުހިދާނެ ކަމަށް ފަލާހު ވިދާޅުވީ، މީދޫ ދާއިރާގެ މެންބަރު އަހުމަދު ސިޔާމް މުހައްމަދަށް ރައްދެއް ދެއްވުމަށް ކަމަށް ބެލެވެ އެވެ. ފަލާހު ވާހަކަ ދެއްކެވީ ސިޔާމަށް ފަހެވެ. ސިޔާމަކީ ރާއްޖޭގައި އެންމެ ފުޅާ ދާއިރާއެއްގައި ރިސޯޓު ހިންގާ އެކަކެވެ. ސިޔާމް މިއަދު ވިދާޅުވީ، ދައުލަތުގެ ހަރަދުތައް ކުޑަނުކޮށް ޓެކްސް ބޮޑު ކުރުމަކީ ލިބޭނެ ގެއްލުމެއް ކަމަށެވެ.

"މި ގައުމަށް ލާރި ވެސް ލިބޭ. މި ގައުމަކީ ސައުތު އީސްޓް އޭޝިޔާގައި އޮތް އެންމެ، ހަގީގަތުގައި ބުނާ ނަމަ އެންމެ މުއްސަނދި ގައުމު ވެސް މެ ޓެކްސްގެ ބޮލަކަށް ޖެހޭ މިންވަރުން ބަލާއިރު. އެހެން ނަމަވެސް އަޅުގަނޑުމެންނަށް މި ލިބޭ ޓެކްސްގެ ތެރެއިން، ފަސް ބިލިއަން ޑޮލަރު ލިބޭ ކަމަށްވަންޏާމު ދެ ބިލިއަން ޑޮލަރު ކޮންމެ އަހަރަކު މި އަޅާލަނީ ކަނޑަށް،" ސިޔާމް ވިދާޅުވި އެވެ.

އެ ބިލަށް ވާހަކަ ދެއްކެވި ވެރިކަން ހިންގާ ޕީއެންސީއަށް ނިސްބަތްވާ ކާށިދޫ ދާއިރާގެ މެންބަރު މުމްތަޒިމް އިބްރާހިމް އާއި މިލަންދޫ ދާއިރާގެ މެންބަރު ހަސަން މުފީދު އާއި ތިނަދޫ އުތުރު ދާއިރާގެ މެންބަރު ސައުދުﷲ ހިލްމީ އާއި މަތިވެރި ދާއިރާގެ މެންބަރު ހަސަން ޒަރީރު ވަނީ އިސްލާހުތަކަށް ތާއީދު ކުރާ ކަމަށް ވިދާޅުވެފަ އެވެ.

އެ މެންބަރުން ވިދާޅުވީ ޓީޖީއެސްޓީ އާއި ގްރީން ޓެކްސް ބޮޑު ކުރުމުން ދިވެހި ރައްޔިތުންނަށް އެއިން އަސަރެއް ނުކުރާނެ ކަމަށެވެ. އަދި ޓީޖީއެސްޓީ އާއި ގްރީން ޓެކްސް ބޮޑު ކުރުމުން، ދައުލަތުގެ އާމްދަނީ އިތުރުވެ، ލޯނު ނުނަގައި، ގައުމު ހިންގޭނެ ކަމަށް ވެސް އެ މެންބަރުން ވިދާޅުވި އެވެ.

"މިއީ މިވަގުތަށް ވަރަށް މުހިންމު ބިލެއް. ހާއްސަކޮށް އަޅުގަނޑުމެންގެ އިގްތިސާދު މިވަގުތު އޮތް ގޮތުން، ދިވެހިންގެ ޖީބަށް ބުރަ ނުވާނެ ގޮތަކަށް އާންމު ރައްޔިތު މީހާއަށް އުނދަގޫނުވާނެ ގޮތަކަށް އާމްދަނީ އިތުރުވާނެތީ، މި ބިލު އަޅުގަނޑުމެންނަށް މުހިންމުވަނީ،" ސައުދުﷲ ވިދާޅުވި އެވެ.

ނަމަވެސް އެ ބިލަށް ވާހަކަ ދެއްކެވި އެމްޑީޕީގެ ހުރިހާ މެންބަރުން ވެސް ވާހަކަ ދެއްކެވީ ބިލާ ދެކޮޅަށެވެ. އޭގެ ތެރޭގައި މައިނޯރިޓީ ލީޑަރު އިބްރާހިމް ނާޒިލް އާއި ވައިކަރަދޫ ދާއިރާގެ މެންބަރު ހުސެއިން ޒިޔާދާއި ކެންދޫ ދާއިރާގެ މެންބަރު މައުރޫފް ޒާކިރު ހިމެނެ އެވެ.

"އަޅުގަނޑަށް ހަމަ ޔަގީން ކަށަވަރު ޓެކްސް ބޮޑު ކުރުމާ ގުޅިގެން މި ރާއްޖެއަށް އަންނަ ޓުއަރިސްޓުންގެ އަދަދު، އެރައިވަލްސްތައް ބޮޑުތަނުން މަދުވެގެންދާނެ. މީގެ ފައިދާ ކުރާނީ ކައިރި ހުރި އަވައްޓެރި ގައުމުތަކަށް އިއްޒަތްތެރި ރައީސް. އެބޭފުޅުން އެ އަތް ޖަހަނީ މިހާރު،" ނާޒިލް ވިދާޅުވި އެވެ.

ސަރުކާރުން ހުށަހަޅާފައިވާ އެ ބިލުގައި ކަނޑައަޅާފައި ވަނީ ޖޫން، 2025، އިން ފެށިގެން ޓީޖީއެސްޓީ 16 ޕަސެންޓުން 17 ޕަސެންޓަށް ބޮޑު ކުރުމަށެވެ. އަދި ޖެނުއަރީ، 2025، އިން ފެށިގެން ގްރީން ޓެކްސް ހަ ޑޮލަރުން 12 ޑޮލަރަށް އިތުރު ކުރަން ވެސް އެ ބިލުގައި ހުށަހަޅާފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox