ރިޓަޔާކުރިޔަސް އިނިއެސްޓާ ހުރީ ފުޓްބޯޅައާ ދުރުވާ ގޮތަކަށް ނޫން

Oct 9, 2024, 10:29 AM
ރިޓަޔާކުރިޔަސް އިނިއެސްޓާ ހުރީ ފުޓްބޯޅައާ ދުރުވާ ގޮތަކަށް ނޫން

ބާސެލޯނާ (އޮކްޓޫބަރު 9) - ސްޕެއިނާއި ބާސެލޯނާގެ ލެޖެންޑް، އަންދްރެސް އިނިއެސްޓާ، ފުޓްބޯޅަ ކުޅުމުން ރިޓަޔާކުރި ނަމަވެސް، ފުޓްބޯޅައާ ދުރުވުމުގެ ވިސްނުމެއް ނެތް ކަމަށް ބުނެފި އެވެ.

މި މަހު އަށް ވަނަ ދުވަހު، އިނިއެސްޓާ، 40، ފުޓްބޯޅައިން ރިޓަޔާކުރާނެކަން ކުރިން ވެސް އޮތީ މީޑިއާގައި އާންމުވެފަ އެވެ. ބާސެލޯނާގައި އެކަމަށް އިއްޔެ ބޭއްވި ހާއްސަ އިވެންޓެއްގައި، އިނިއެސްޓާ ބުނީ، މިއީ ހަޔާތުގައި އެންމެ ހިތްދަތި އެއް ނިންމުން ކަމަށެވެ.

"ދަނޑުމަތީގައި އަހަރެންގެ ހުރިހާ ކަމެއް މި ނިމުނީ. ފުޓްބޯޅައާ ދުރުގައި އަހަންނަށް ނުހުރެވޭނެ. އަހަރެންގެ ދިރިއުޅުމުގެ ބައެއް މިއީ، އަހަރެންގެ ދިރިއުޅުމުގެ ބައެއްގެ ގޮތުގައި ކުރިއަށްދާނީ ވެސް،" ލޮލުން ކަރުނަ ފޮހެމުން، އިނިއެސްޓާ ބުންޏެވެ.

ރިޓަޔާކުރުމަށް ފަހު، ދެން ފެންނާނީ ފުޓްބޯޅައިގެ ކޮން ރޯލަކުން ކަމެއް އިނިއެސްޓާ ބުނެފައިނުވެ އެވެ.

މިދިޔަ ސީޒަނުގައި ދުބާއީގެ އެމިރޭޓްސް ކްލަބަށް ކުޅުނު އިނިއެސްޓާ، އެހެން ޓީމަކާ ގުޅުމަށް ޓްރެއިނިންތައް އަމިއްލަ އަށް ކުރިއަށް ގެންދިޔަ ނަމަވެސް، މިހާރު އޭނާގެ ފިޓްނަސް ލެވަލާއި ކޯޗުންނާއި މަޝްވަރާ ކުރުމަށް ފަހު ނިންމީ ރިޓަޔާކުރުމަށެވެ. އިނިއެސްޓާ، ރިޓަޔާކުރީ، ބާސެލޯނާގެ ސީނިއާ ޓީމަށް 2002 ވަނަ އަހަރު ފުރަތަމަ ސީޒަން ކުޅުނު ފަހުން، ފުޓްބޯޅައިގެ އެންމެ މަތީ ފަންތީގައި 23 ސީޒަން ހޭދަކުރުމަށް ފަހު އެވެ.

ބާސެލޯނާގެ ސީނިއާ ޓީމަށް 16 އަހަރު ކުޅެދިން އިނިއެސްޓާ އަކީ އެ ކްލަބްގެ ތާރީހުގައި ވެސް ހާއްސަ ކުޅުންތެރިއެކެވެ. ގިނަ ކާމިޔާބީތަކެއް ހޯދާފައިވަނީ ބާސެލޯނާގައި ހުރެ އެވެ. ބާސެލޯނާ ދޫކޮށް އިނިއެސްޓާ، 2018 ވަނަ އަހަރު ބަދަލުވީ، ޖަޕާނުގެ ޖޭ ލީގުގެ ކްލަބް، ވިސެލް ކޯބޭ އަށެވެ. ފަސް އަހަރު އެ ޓީމަށް ކުޅުމަށް ފަހު، މިދިޔަ އަަހަރު ގުޅުނީ އެމިރޭޓްސް ކްލަބްއާ އެވެ.

"މި ކަރުނަތަކަކީ ކުޑަކުޑަ އަވަށެއްގެ ކުޑަ ކުއްޖެއް ފުޓްބޯޅަ އަށް ޖެހުނު ލޯތްބެއްގައި ހާސިލްކުރަން ބޭނުންވި ކަންކަން ހާސިލްކޮށް، ދެކުނު ހުވަފެންތައް ވެސް ހަގީގަތަކަށް ހަަދައި، އެކަން ނިންމާލާއިރު ފަހުރުވެރިކަމާ އެކު އޮހޮރިގެންދާ ކަރުނަ،" އިނިއެސްޓާ ބުންޏެވެ.

ބާސެލޯނާގައި ޖުމްލަ އެކު، 22 އަހަރު ހޭދަކުރި އިނިއެސްޓާ ވަނީ އެ ޓީމަށް 29 ތަށި ހޯދައިދީފަ އެވެ. އޭގެ ތެރޭގައި ހަތަރު ޗެމްޕިއަންސް ލީގާއި ނުވަ ސްޕެނިޝް ލީގު ހިމެނެ އެވެ.

ސްޕެއިނުން 2010 ވަަނަ އަހަރު ފީފާ ވޯލްޑް ކަޕް ޗެމްޕިއަންކަން ހޯދި ގޯލު ޖެހި އިނިއެސްޓާ ވަނީ ސްޕެއިން ޓީމާ އެކު، 2008 ވަނަ އަހަރާއި 2012 ވަނަ އަހަރުގެ ޔޫރޯ ވެސް ކާމިޔާބުކޮށްފަ އެވެ. އެންމެ ފުރަތަމަ 2006 ވަނަ އަހަރު ސްޕެއިން ޓީމަށް ކުޅެން ފެށި، އިނިއެސްޓާ ގައުމީ ޓީމުން ރިޓަޔާކުރީ 2018 ވަނަ އަހަރުގެ ފީފާ ވޯލްޑް ކަޕުން ސްޕެއިން ކެޓުމުންނެވެ. ގައުމީ ޓީމަށް، 131 މެޗު ކުޅެދިން އިނިއެސްޓާ އަކީ ސްޕެއިނަށް ހަތަރު ވަނަ އަށް އެންމެ ގިނަ މެޗު ކުޅެދިން ކުޅުންތެރިޔާ އެވެ. އިނިއެސްޓާ އަށް ވުރެން ގިނަ މެޗު ސްޕެއިނަށް ކުޅެދިނީ، އިކާ ކަސިއަސް، ސާޖިއޯ ރާމޯސް އަދި ޒަވީ ހެނާންޑޭޒް އެވެ.

ފްރާންސް ފުޓްބޯލް އިން ދުނިޔޭގެ އެންމެ މޮޅު ފުޓްބޯޅަ ކުޅުންތެރިޔާ އަށް ދޭ ބެލޮންޑިއޯ އެވޯޑް، ފީފާއާ ގުޅިގެން 2010 ވަނަ އަހަރު ދިންއިރު، އިނިއެސްޓާ އަށް ލިބުނީ ދެ ވަނަ އެވެ. ފީފާ އިން ހޮވާ ދުނިޔޭގެ ޑްރީމްޓީމުގައި އިނިއެސްޓާ ވަނީ ޖެހިޖެހިގެން ނުވަ އަހަރު ހިމެނިފަ އެވެ. އެއީ، 2009 އިން 2017އާ ދެމެދުގަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox