ގްލޯބަލް އިސްލާމިކް ފައިނޭންސްގައި އެލިއާއަށް އެވޯޑެއް ލިބިއްޖެ

ގްލޯބަލް އިސްލާމިކް ފައިނޭންސްގައި އެލިއާއަށް އެވޯޑެއް ލިބުން -- ފޮޓޯ: އެލިއާ

ގްލޯބަލް އިސްލާމިކް ފައިނޭންސްގައި އެލިއާއަށް އެވޯޑެއް ލިބުން -- ފޮޓޯ: އެލިއާ

ގްލޯބަލް އިސްލާމިކް ފައިނޭންސް އެވޯޑުގެ "އެކްސެލެންސް އެވޯޑް - ނޮން ބޭންކް އިސްލާމިކް ފައިނޭންސިން" އެވޯޑް އެލިއާ އިންވެސްޓްމަންޓްއަށް ލިބިއްޖެ އެވެ.

ވިލާ ނޯޓިކާ ޕެރެޑައިޒް އައިލޭންޑް ގައި ބޭއްވި އެ ވޯޑް ހަފްލާގައި އެލިއާގެ ފަރާތުން އެވޯޑާ ހަވާލުވީ އެލިއާ މާކެޓިންގެ މެނޭޖަރު އަހުމަދު އަސީލް އެވެ.

ރާއްޖޭގައި ފުޅާ ދާއިރާއެއްގައި ވިޔަފާރި ކުރަމުން އަންނަ އެލިއާއިން އަންނަނީ ވިޔަފާރީގެ 60 އަހަރު ކާމިޔާބު ފުރުން ފާހަގަކުރަމުންނެވެ.

Advertisement

ލަކުޑި އާއި ހާޑްވެއާގެ ވިޔަފާރިން ފެށުނު އެލިއާގެ ވިޔަފާރި ފުޅާވެ، 1974 ގައި އެލިއާ އިން ރާއްޖެއަށް ތައާރަފު ކުރި ޔަމަހާ އައުޓްބޯޑު އިންޖީނު ވެގެންދިޔައީ ރާއްޖޭގެ ކަނޑު ދަތުރުފަތުރު ކުރުމުގެ ދާއިރާއިން އިންގިލާބެއް ގެނެސްދިން ކަމަކަށެވެ.

އެލިއާއިން ބުނީ ރާއްޖޭގެ އެންމެ މަގުބޫލު އައުޓްބޯޑް އިންޖީނުގެ ގޮތުގައި ޔަމަހާ ވޭތުވެދިޔަ 50 އަހަރު ދެމިއޮތީ ފެންވަރު ރަނގަޅު އާފްޓާ ސޭލްސް ސާވިސްއެއް މެދުނުކެނޑި ފޯރުކޮށްދޭތީ ކަމަށާއި އެ ރޮނގުން ރާއްޖޭގެ އިންސާނީ ވަސީލަތް ތަރައްގީ ކުރުމަށް ގިނަ މަސައްކަތްތަކެއް ކުރާ ކަމަށެވެ.

އެލިއާއިން 2013 ގައި ތައާރަފްކުރި "އެލިއާ އިޖާރާ މޮޑެލް" އަކީ ރާއްޖޭގައި ޕްރައިވެޓް ކުންފުންޏަކުން ތައާރަފްކުރި ފުރަތަމަ އިސްލާމިކް ފައިނޭންސިން (އިންސްޓޯލްމަންޓް) ސްކީމެވެ.

ގްލޯބަލް އިސްލާމިކް ފައިނޭންސްގައި އެލިއާއަށް އެވޯޑެއް ލިބުން -- ފޮޓޯ: އެލިއާ
ގްލޯބަލް އިސްލާމިކް ފައިނޭންސްގައި އެލިއާއަށް އެވޯޑެއް ލިބުން -- ފޮޓޯ: އެލިއާ

ގްލޯބަލް އިސްލާމިކް ފައިނޭންސްގައި އެލިއާއަށް އެވޯޑެއް ލިބުން -- ފޮޓޯ: އެލިއާ

އެލިއާއިން 2017 ގައި ބައިއުލް ތަގްސީތު ތައާރަފުކޮށް، އެ ސްކީމްގެ ދަށުން ސައިކަލު ގަންނަ ފަރާތްތަކަށް ފުރަތަމަ ޑައުން ޕޭމަންޓް ދެއްކުމުން، ސައިކަލު ގަންނަ މީހާގެ ނަމުގައި ސައިކަލު ރަޖިސްޓްރީ ކުރުމުގެ އިތުރުން "ސީ" ބޯޑުގެ ބަދަލުގައި "ޕީ" ބޯޑުގައި ސައިކަލު ދޫކުރަން ފެށި އެވެ.

އެލިއާގެ އިސްލާމިކް ފައިނޭންސިން ސްކީމްތައް ޑިޒައިން ކުރެވިފައި ވަނީ އެލިއާގެ ޝަރީއާ އެޑްވަޒަރީ ކޮމިޓީގެ ލަފަ އާއި މަޝްވަރާގެ މަތިންނެވެ.

އެލިއާގެ އެޑްވަޒަރީ ކޮމިޓީގައި ހިމެނެނީ ޕްރޮފެސާ ޑރ. އާއިޝަތު މުނީޒާ، އައްޝައިހް ޑރ. އަލީ ޒާހިރު ބިން ސައީދު ގާސިމް އަދި އައްޝައިހް އަހުމަދު ސަމީރު އެވެ.

އެލިއާގެ އިސްލާމިކް ފައިނޭންސިން ސްކީމްތައް ތައާރަފް ކުރުމުގެ ކުރިން، އެލިއާގެ ޝަރީއާ އެޑްވަޒަރީ ކޮމިޓީން މުވައްޒަފުންނަށް އަމާޒުކޮށް، އެ ސްކީމުގެ ތަފްސީލްތައް އޮޅުންފިލުވައި ދިނުމަށް ހާއްސަ ތަމްރީން ޕްރޮގްރާމްތަކެއް ހިންގާފައިވެ އެވެ.

އެއީ އިސްލާމީ ޝަރީއަތާ އެއްގޮތްވާ މާލީ ހައްލުތައް ކަސްޓަމަރުންނަށް ފަސޭހަކަމާއެކު ފޯރުކޮށްދިނުމަށް މުވައްޒަފުން ތަމްރީނު ކުރުމަށް ކުރެވުނު މަސައްކަތެއް ކަމަށް އެލިއާއިން ބުންޏެވެ.

އެލިއާގެ ޝަރީއާ ފައިނޭންސިން ސްކީމަކީ ޒަމާނީ ވިޔަފާރީގެ އުސޫލުތަކާއި އިސްލާމީ ރިވެތި އާދަތަކަށް އެލިއާއިން ދޭ އަހައްމިއްޔަތުގެ ހެއްކެއް ކަމަށާއި ރާއްޖޭގެ އިސްލާމިކް ފައިނޭންސިން ދާއިރާއަށް އެލިއާއިން ކޮށްފައިވާ މުހިންމު ހިދުމަތެއްގެ އިތުރުން، އެލިއާގެ ވިޔަފާރިއަށް ދިވެހިން ކުރާ އިތުބާރަށް އެމުނުނު އިތުރު ބޮޅެއް ކަމަށެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox