ބަންކަރިންގެ ހިދުމަތް ފަށަން ސަރުކާރުގެ ބޮޑު ވަފުދެއް ހޯރަފުއްޓަށް

އެސްޓީއޯގެ ބަންކަރިން ހިދުމަތުގައި ބޭނުންކުރާ ބޯޓުތައް: މި ދެ ބޯޓު މިހާރު އޮތީ ރާއްޖޭގައި ބަނދަރުކޮށްފައި -- ފޮޓޯ: މެރިން ޓްރެފިކް

އެސްޓީއޯގެ ބަންކަރިން ހިދުމަތުގައި ބޭނުންކުރާ ބޯޓުތައް: މި ދެ ބޯޓު މިހާރު އޮތީ ރާއްޖޭގައި ބަނދަރުކޮށްފައި -- ފޮޓޯ: މެރިން ޓްރެފިކް

މާލީ ދަތިކަން އިންތިހާއަށް ކުރިމަތިވެފައިވާ މި ދަނޑިވަޅުގައި، ބުރާސްފަތި ދުވަހު ބަންކަރިންގެ ހިދުމަތް ފަށަން ސަރުކާރުގެ ބޮޑު ވަފުދެއް ހޯރަފުއްޓަށް ދާން ނިންމާފައިވާކަން އެނގިއްޖެ އެވެ.

ހަފުލާތަކަށް ކުރާ ހަރަދު ކުޑަކުރުން ނުވަތަ ނުބޭއްވުން ހިމެނޭ ގޮތަށް ސަރުކާރުގެ ހިންގުމުގެ ޖުމުލަ ހަރަދު ކުޑަކުރަން އަޅާ ފިޔަވަޅުތައް ޖޫން މަހު ރައީސުލްޖުމްހޫރިއްޔާ އިއުލާނު ކުރެއްވި އެވެ. ނަމަވެސް ބަންކަރިންގެ ހިދުމަތް ފެށުމަށް ހޯރަފުށީގައި ބާއްވާ ރަސްމިއްޔާތަށް މާލެއިން ދާ ވަފުދުގައި 80 މީހުން ހިމެނޭކަން، އިންތިޒާމުތައް ހަމަޖެއްސުމަށް ހޯރަފުށީ ކައުންސިލުން ތައްޔާރުކޮށްފައިވާ ލިޔުމުން އެނގެ އެވެ.

އެ ރަސްމިއްޔާތަށް ރައީސް ޑރ. މުހައްމަދު މުއިއްޒު ވަޑައިގަތުމަށް ހަމަޖެހިފައިވާކަން ރައީސް އޮފީހުން ހާމަ ނުކުރެ އެވެ. ނަމަވެސް އަދަދު ނޫހަށް ލިބިފައިވާ ހޯރަފުށީ ކައުންސިލްގެ ލިޔުމެއްގައިވާ ގޮތުން ބަންކަރިންގެ ހިދުމަތް ފެށުމަށް ރައީސް މުއިއްޒު ވަޑައިގަންނަވާނީ ބުރާސްފަތި ދުވަހު ހަވީރު އެވެ.

"ރައީސް ވަޑައިގަންނަވާ ވާހަކަ ކައުންސިލަށް އެނގެވީ އެމްޕީ (ހޯރަފުށީ ދާއިރާގެ މެންބަރު އަލީ މޫސާ). އެހެންވެ، އަޅުގަނޑުމެން އެކަމަށް ތައްޔާރު މިވަނީ. ރައީސް އޮފީހަކުން ރަސްމީކޮށް އަދި އަންގާފައެއް ނެތް ރައީސް ބައިވެރިވެވަޑައިގަންނަވާ ކަމެއް،" ހޯރަފުށީ ކައުންސިލްގެ މެންބަރަކު ވިދާޅުވި އެވެ.

ބަންކަރިންގެ ހިދުމަތް ފެށުމުގެ ކުރިން ސަރުކާރުގެ އިދާރާތަކާ ގުޅިގެން ފުރިހަމަ ކުރަން ޖެހޭ ކަންތައްތައް އެސްޓީއޯގެ ސީއީއޯ އަދި މެނޭޖިން ޑިރެކްޓަރު ޝިމާދު އިބްރާހިމް ނިމުނު އަހަރުގެ އެ ކުންފުނީގެ އަހަރީ ރިޕޯޓަށް ދީފައިވާ މެސެޖުގައި ވިދާޅުވެފައިވެ އެވެ.

"[ބަންކަރިން] އޮޕަރޭޝަންތައް ފެށުމުގެ ކުރިން، ސަރުކާރުގެ އިދާރާތަކުގެ އެހީއާއެކީ ފުރިހަމަ ކުރަން ޖެހޭ ބައެއް ކަންކަން އެބަހުރި. އޭގެ ތެރޭގައި އިހަވަންދިއްޕޮޅު އަތޮޅުގެ މެރިން ޗާޓު އަދާހަމަ ކުރުމާއި، ފަޔާ އެންޑް ރެސްޕޮންސް ޕްލޭނެއް އެކުލަވާލުމާއި، ބަންކަރިންއާ ގުޅޭ އައިއެމްއޯ މުއާހަދާތަކެއް ތަސްދީގުކުރުން ހިމެނޭ," އޭނާ ވިދާޅުވެފައިވެ އެވެ.

ނަމަވެސް އެ ކަންކަމެއް ފުރިހަމައެއް ނުވެ އެވެ.

އުތުރުގައި އޮންނަ އެއިޓް ޑިގްރީ ޗެނަލުން ކޮންމެ ދުވަހަކު ހުރަސްކުރާ ބޯޓުތަކަށް ބަންކަރިންގެ ހިދުމަތް ދޭން އުތުރުގައި ދެ ބޯޓު ބާއްވަ އެވެ. އ

އެ ހިދުމަތް އިފުތިތާހުކުރުމުގެ ގޮތުން ބުރާސްފަތި ދުވަހު ތެޔޮ އަޅާނީ އެމްއެސްއެސް އިން އޮޕަރޭޓު ކުރާ ވައިސީ ބެރިއާއަށެވެ. އެ ބޯޓަކީީ ކޮލަމްބޯ އާއި މާލެއާ ދެމެދު ދަތުރު ކުރާ އުޅަނދެކެވެ. 1100 ކޮންޓޭނަރު އުފުލުމުގެ ގާބިލުކަން ހުންނަ އެ ބޯޓުން މަހެއްގެ މައްޗަށް 200 ޓަނުގެ ތެޔޮ ބޭނުން ކުރާ ކަމަށް އެސްޓީއޯއިން ބުންޏެވެ.

އެއިޓު ޑިގްރީ ޗެނަލުން ދަތުރުކުރާ ބޯޓުތަކުގެ އެއް ޕަސެންޓު ރާއްޖޭގެ ބަންކަރިންގެ ހިދުމަތް ބޭނުން ކުރިޔަސް އަހަރަކު 400 މިލިއަން ޑޮލަރު ވަންނާނެ ކަމަށް އިކޮނޮމިކް މިނިސްޓަރު މުހައްމަދު ސައީދު އިއްޔެ ވެސް ވިދާޅުވި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox