ސެންޓްރަލް އޭޝިއާ ވޮލީބޯލް އެސޯސިއޭޝަން (ކާވާ) ވިމެންސް ޗެލެންޖް ކަޕުގައި ރާއްޖޭގެ ވޮލީ އަންހެން ޓީމަށް ލިބުނު ކާމިޔާބީ ބިގްމޭންއިން ހިންގާ "ބޮލީވުޑް" ރެސްޓޯރެންޓުގައި ފާހަގަކޮށްފި އެވެ.
ވޮލީ ޓީމުގެ ކުޅުންތެރިންނާއި، އޮފިޝަލުންގެ އިތުރުން ވޮލީ އެސޯސިއޭޝަންގެ އިސްވެރިން ބައިވެރިވި އެ ހަފްލާގައި އިންޑިއާގެ އެކި ކެއުންތައް އިންސާފުކޮށްލުމުގެ ފުރުސަތު ލިބިގެންދިޔަ އެވެ.
ވޮލީ ޓީމުން ބުނީ ހީކުރި ވަރަށް ވުރެ ރަނގަޅަށް ކެއުމުގެ އިންތިޒާމުތައް ހަމަޖެއްސިކަން ފާހަގަކޮށް ކުރެވުނު ތަޖުރިބާއާ މެދު ހިތްހަމަޖެހޭ ކަމަށެވެ.
ވޮލީ އަންހެން ޓީމަށް ލިބުނު ކާމިޔާބީ ފާހަގަކުރުން -- ފޮޓޯ: ބޮލީވުޑް
ބޮލީވުޑްގެ މެނޭޖްމަންޓުން ބުނީ ވޮލީ ޓީމަށް ކުރިއަށް އޮތް މުބާރާތްތަކުގައި ވެސް ހިތްވަރު ދިނުމުގެ ގޮތުން ޓީމުގައި ހިމެނޭ ކުޅުންތެރިންނާއި، އޮފިޝަލުންނަށް ހާއްސަ ޑިސްކައުންޓެއް ދިނުމަށް ނިންމާފައިވާ ކަމަަށެވެ.
މާވެޔޮ މަގުގައި ހުންނަ ބޮލީވުޑް ރެސްޓޯރެންޓަކީ އިންޑިއާގެ އެކި ކެއުންތަކަށް ހާއްސަ ރެސްޓޯރެންޓެކެވެ.
އެގޮތުން ރަހަ މީރު އެކި ބިރިޔާނީތަކާއި، ބަޓާ ޗިކަން، ޗިކަން ޓިއްކާ މަސާލާ، ޑާލް ފްރައި، އާލޫ ފްރައި، އެގް ކަރީ، ޕަރާޓާ އަދި ނާން ވެސް ލިބެ އެވެ.
އޭގެއިތުރުން އެކި ކަހަލަ ބިރިޔާނީ ކޮމްބޯތަކާއި ފިހުނު އެކި ވައްތަރުގެ ކުކުޅު ވެސް ލިބެ އެވެ.
