އެލިއާ އާއި ޔަމަހާ ޖަޕާނުގެ ޓެކްނިކަލް އެކަޑަމީ ގުޅިގެން ރާއްޖޭގައި ހިންގާ ޔަމަހާ ޓެކްނިކަލް ޓްރެއިނިންގެ ފަސް ވަނަ ޕްރޮގްރާމް ފަށައިފި އެވެ.
އެ ޓްރެއިނިންއަކީ ޔަމަހާ ޓެކްނިކަލް އެކަޑަމީން ޖަޕާނުގައި އާންމު ގޮތެއްގައި ޔަމަހާގެ ޑިސްޓްރިބިއުޓަރުންނަށް ދޭ ޔަމަހާ ބޭސިކް އަދި ބޮރޯންޒް ލެވެލް ޓްރެއިނިންތަކެވެ.
"ޓްރެއިނިންގެ މައިގަނޑު މަގްސަދަކީ މެކޭނިކުންގެ ތަޖުރިބާ އިތުރަށް ފުރިހަމަމަ ކުރުމާއި ޔަމަހާ އައުޓްބޯޑް އިންޖީނަށް ބޭނުންވާ ސާވިސް، ތަޖުރިބާ ލިބިފައިވާ މެކޭނިކުން މެދުވެރިކޮށް ރާއްޖޭގެ ކޮންމެ ކަންކޮޅަކަށް ވެސް ފޯރުކޮށްދިނުން," އެލިއާއިން ބުންޏެވެ.
އެ ޕްރޮގްރާމުގައި އެކި އިދާރާތަކުންނާއި އަމިއްލަ ކުންފުނިތަކުން މެކޭނިކުން ބައިވެރި ކޮށްފައިވެ އެވެ.
ދެ ބެޗަކަށް ބަހާލައިގެން ކުރިއަށް ގެންދެވުނު މި އަހަރުގެ ޓްރެއިނިން ޕްރޮގްރާމް ކުރިއަށް ގެންދިޔައީ ޔަމަހާ ސަޓިފައިޑް އަދި ތަޖުރިބާކާރު އެލިއާގެ ސީނިއާ މެކޭނިކުންގެ ޓީމުންނެވެ.
އެލިއާއިން ބޭއްވި ޓްރެއިނިން ޕްރޮގްރާމުގެ ތެރެއިން
މި އަހަރަކީ ޔަމަހާ އާއި އެލިއާގެ ގުޅުމަށް 50 އަހަރު ފުރޭ ރަންޔޫބީލް އަހަރެވެ.
ގިނަ އަދަދެއްގެ ބަޔަކު ޔަމަހާގެ ތަފާތު ޓްރެއިނިންތަކުން ތަމްރީނުވެފައިވާއިރު މިދިޔަ މަހު ބޯޓު އޮޕަރޭޓަރުންގެ ތަމްރީން ޕްރޮގްރާމުގައި ވެސް 63 ބައިވެރިޔަކު ތަމްރީނުކުރި އެވެ.
އެލިއާއިން ރާއްޖެއަށް ތައާރަފްކުރާ ޔަމަހާ އައުޓްބޯޑު އިންޖީނުގެ ކޮންމެ މޮޑެލްއަކީ ރާއްޖޭގެ ކަނޑުތަކުގައި ޓެސްޓުކުރުމަށް ފަހު ރާއްޖެއަށް ތައާރަފްކުރެވިފައިވާ، އެއަށްފަހު ވެސް ގެންނަން ޖެހޭ ކޮންމެ ބަދަލެއް ގެނެވި ރާއްޖޭގެ މާހައުލަށް އެކަށޭނެ ގޮތަށް ފަރުމާ ކުރެވުމުން، ކަސްޓަމަރުންގެ އިތުބާރު ހޯދާފައިވާ އިންޖީނެކެވެ.
"ސްޕެއާ ޕާޓްސް ޔަމަހާގެ ރާއްޖޭގެ ސޯލް ޑިސްޓްރިބިއުޓާ އެލިއާއިން ލިބެން ހުރުމަކީ ޔަމަހާގެ ކަސްޓަމަރުންނަށް ލިބޭ ވަރަށް ބޮޑު ހިތްހަމަޖެހުމެއް،" އެލިއާއިން ބުންޏެވެ.
ޒަމާނީ އަދި ތަޖުރިބާކާރު އުފެއްދުންތައް ޔަމަހާއިން ތައާރަފް ކުރަމުންދާއިރު އެލިއާގެ މަގްސަދަކީ މި ސިނާއަތުގައި ވިހާ ވެސް ގިނަ ދިވެހި މެކޭނިކުން ތަމްރީނު ކުރެވިފައި ތިބުން ކަމަށް އެ ކުންފުނިން ބުންޏެވެ.
