ބީޑަބްލިއުއެފަށް ގޮންޖަހަން ނޫޅެން، ބީއޭއެމް އިން ވަނީ އޮޅުވާލައިފައި: ތޮލާލް

ބީޑަބްލިއުއެފަށް ގޮންޖަހަން ނޫޅެން، ބީއޭއެމް އިން ވަނީ އޮޅުވާލައިފައި: ތޮލާލް

ބެޑްމިންޓަން ވޯލްޑް ފެޑެރޭޝަން (ބީޑަބްލިއުއެފް) އަށް ގޮންޖަހައި އެއްވެސް ކަމެއް ކުރަން ވިސްނާފައި ނުވާނެ ކަމަށާއި ހަގީގަތުގައި، ރާއްޖޭގެ ބެޑްމިންޓަންގެ ކަންކަން ރަނގަޅު ނުކުރެވިގެން އުޅޭ އެންމެ ބޮޑު ސަބަބަކީ ބެޑްމިންޓަން އެސޯސިއޭޝަން އޮފް މޯލްޑިވްސް (ބީއޭއެމް) އިން އެކި ފަރާތްތަކަށް މައުލޫމާތު ދިނުމުގައި ކަންކަން އޮޅުވާލާތީ ކަމަށް ކޮމިޝަނާ އޮފް ސްޕޯޓްސް، މުހައްމަދު ތޮލާލް ވިދާޅުވެއްޖެ އެވެ.

މި މަހުގެ 15 ވަނަ ދުވަހު ތޮލާލް ވަނީ، ބެޑްމިންޓަން އެސޯސިއޭޝަން ހިންގުން، ސްޕޯޓްސް ކައުންސިލްގެ ދަށަށް ގެންނަން ނިންމައިފަ އެވެ. ބެޑްމިންޓަން އެސޯސިއޭޝަނުން މި ކަމުގެ މައުލޫމާތު، ބެޑްމިންޓަން ދުނިޔޭގެ ޖަމިއްޔާ، ބީޑަބްލިއުއެފް އަށް ދިނުމުން، އެ ޖަމިއްޔާ އިން މޯލްޑިވްސް އޮލިމްޕިކް ކޮމިޓީ އަށް، މި މަހު 20 ވަނަ ދުވަހު، ފޮނުވާފައިވާ ލިޔުމެއްގައި ވަނީ، ސްޕޯޓްސް ކޮމިޝަނަރުގެ އެންގުމާ އެއްގޮތަށް ބެޑްމިންޓަން ހިންގުން، ސްޕޯޓްސް ކައުންސިލް ދަށަށް ގެންގޮސްފިނަމަ، ރާއްޖެ އަށް ފިޔަވަޅު އަޅާނެ ކަމަށެވެ.

"އަދަދު ސްޕޯޓްސް" އަށް ދެއްވި އިންޓަވިއުއެއްގައި ތޮލާލް ވިދާޅުވީ، ބީޑަބްލިއުއެފް އިން ފޮނުވި އެ ސިޓީ އަކީ އިންޒާރެއްގެ ގޮތުގައި ނުދެކޭ ކަމަށެވެ. އަދި ހަގީގަތުގައި އެއީ ބެޑްމިންޓަން އެސޯސިއޭޝަނުގައި މި ހުރި މައްސަލަތައް ހައްލުކުރަން ކޮށުނު އުންމީދީ މަގެއް ކަމަށް ތޮލާލް ދެކިލައްވަ އެވެ.

Advertisement

"ހަގީގަތުގައި އަޅުގަނޑުމެން މި ކަންކަން ކުރަނީ، ބީޑަބްލިއުއެފަށް ގޮންޖަހާފައި ކަމެއް ކުރާކަށެއް ނޫން. އަސްލު އަޅުގަނޑުމެން މި މަސައްކަތް ކުރަނީ، މީގެ ބެޑްމިންޓަން ކުޅޭ އެންމެންގެ ހައްގު ހިމާޔަތްކުރެވޭނެ ހައްލެއް ހޯދަން، އެހެން ނަމަވެސް، އެކަން ކުރަން މި ވަގުތު އެންމެ ބޮޑު ހުރަހެއް ކުރިމަތިވެފައި އޮތީ، ބެޑްމިންޓަން އެސޯސިއޭޝަނުން މި ކަންކަން ހިނގާ ގޮތުގެ ސައްހަ މައުލޫމާތު ނުދީ އޮޅުވާލާތީ،" ތޮލާލް ވިދާޅުވި އެވެ.

ބީޑަބްލިއުއެފް އިން ފޮނުވާފައިވާ ލިޔުމުގައި، އަންގާފައިވަނީ، މިހާރު އޮތް ބެޑްމިންޓަން އެސޯސިއޭޝަނުގެ އެންމެ ފަހުގެ އިންތިހާބީ ލީޑަޝިޕުން އެސޯސިއޭޝަން ހިންގުމުގެ މަސައްކަތް ކުރާއިރު، ބީޑަބްލިއުއެފް އާއި މޯލްޑިވްސް އޮލިމްޕިކް ކޮމިޓީ އަދި ބީއޭއެމްގެ ލީޑަޝިޕް އެކުލަވާލާ ތިން މެމްބަރުންގެ އެޑް ހޮކް ކޮމިޓީ އަކުން މި އަހަރުގެ ނިޔަލަށް މަސައްކަތްކޮށް، ހުރި މައްސަލަތަކަށް ހައްލެއް ލިބޭނެ ގޮތަށް އިންތިހާބަކާ ހަމައަށް ދިއުމަށެވެ.

"ހަގީގަތުގައި އަޅުގަނޑުމެން ސަޖެސްޓްކުރަނީ (ލަފާދެނީ) ތިން މެމްބަރުންގެ ކޮމިޓީއެއްގެ ބަދަލުގައި، ފަސް މެމްބަރުންގެ ކޮމިޓީއެއް ހަދައިގެން ކުރިއަށްދާން. އެއީ އަޅުގަނޑުމެންނަށް ފެންނަ ގޮތް. އެކަމަކު، މީގެ ބީޑަބްލިއުއެފް އިން އެދެނީ ތިން މެމްބަރުންގެ ކޮމިޓީއަކުން ކުރިއަށް ގެންދަން ވެއްޖިއްޔާ، އެ ގޮތް ވެސް ރަނގަޅު، ހައްލެއް ހޯދުން ބޭނުމަކީ،" މި ސަރުކާރުންް މިނިސްޓަރު ފެންވަރުގައި ސްޕޯޓްސް ކޮމިޝަނަރަކަށް އައްޔަނުކޮށްފައިވާ ތޮލާލް ވިދާޅުވި އެވެ.

ބީޑަބްލިއުއެފްގެ މި އެންގުމާ އެއްގޮތަށް އަަމަލުކުރުމަށްޓަކައި، ބެޑްމިންޓަން އެސޯސިއޭޝަނުން ވަނީ ސިވިލް ކޯޓަށް މައްސަލަ ހުށަހަޅައިފަ އެވެ. މާދަމާ މެންދުރު ފަހަށް ސިވިލް ކޯޓުގައި ތާވަލުކޮށްފައިވާ އެ މައްސަލަ އަކީ، ކޮމިޝަނާ އޮފް ސްޕޯޓްސް އިން ސްޕޯޓްސް ކައުންސިލާ ބެޑްމިންޓަން އެސޯސިއޭޝަން ހިންގުން ހަވާލުކުރަން ނިންމާފައިވާ ނިންމުމަށް އަމަލުކުރަން ފަސްކުރުމުގެ ވަގުތީ އަމުރަކަށެެވެ.

ތޮލާލް ވިދާޅުވީ، ކޯޓަށް މި މައްސަލަ ގެންދިއުމަކީ ހަގީގަތުގައި، ގޯސް މައުލޫމާތެއް ބެޑްމިންޓަން އެސޯސިއޭޝަނުން ބީޑަބްލިއުއެފަށް ދީގެން އުޅުމުން އައިސްފައިވާ ކަމެއް ކަމަށެވެ. ހަގީގަތުގައި ބީޑަބްލިއުއެފަށް ބެޑްމިންޓަން އެސޯސިއޭޝަނުން މައުލޫމާތު ދީފައިވަނީ އެހެން މަގުސަދުތަކެއް އޮވެގެން ވަކި ކަންތައްތަކެއް ހާސިލްކުރަން ކަމަށް ބެލެވުމުގެ ޖާގައޮތް ކަމަށް ވެސް ތޮލާލް ވިދާޅުވި އެވެ.

ބެޑްމިންޓަން އެސޯސިއޭޝަންގެ މިހާރު އޮތް ލީޑަޝިޕްގެ މުއްދަތު، މި އަހަރުގެ މާޗް މަހަށް ހަމަވެފައި އޮތްއިރު، މިދިިޔަ ތިން ދައުރުގެ ރައީސް، މޫސާ ނާޝިދު (މޫސަ) ވަނީ މިދިޔަ މަހު، މަގާމުން އިސްތިއުފާ ދީދަ އެވެ.

ތޮލާލް ވިދާޅުވީ، ބެޑްމިންޓަން އެސޯސިއޭޝަންގެ އެންމެ ފަހުން އޮތް ހިންގާ ކޮމިޓީގެ މުއްދަތު ހަމަވުމުން، އެ ކޮމިޓީގެ މުއްދަތު އިތުރުކޮށްދޭން އެ އެސޯސިއޭޝަނުން ހުށަނާޅާ ކަމަށެވެ.

ބެޑްމިންޓަނާ ގުޅޭ ކަންކަން ރަނގަޅު މަގުން ކުރިއަށް ގެންދިއުމަށް ގަސްދުކޮށް، ބެޑްމިންޓަން އެސޯސިއޭޝަނަށް ތަކުރާރުކޮށް، އަސާސީ ގަވާއިދުގެ ކަންކަން ނިންމައި، އިންތިހާބެއް ބާއްވަން ދިން ހުރިހާ ފުރުސަތެއްގައި ވެސް، ކޮމިޝަނުން ދިން ލަފަޔަށް ބެޑްމިންޓަން އެސޯސިއޭޝަނުން ދިނީ "ބީރު ކަންތަފެއް" ކަމަށް ތޮލާލް ފާހަގަކުރެއްވި އެވެ.

"ނުވަ ވަރަކަށް މަސް މި ވަނީ، މި ކަމުގައި ދެ ފަރާތް ވާހަކަ ދެކެވިގެން ކަންކަން ކުރެވޭތޯ މި ބަލަނީ، އަދިވެސް ބެޑްމިންޓަން އެސޯސިއޭޝަނުން މި ކަން ރަނގަޅުކުރަން ބޭނުންވާ ތަނެއް ނުފެނޭ. ބެޑްމިންޓަން އެސޯސިއޭޝަންގެ ހިންގުމުގެ މައްސަލަ މުޅި އެ ކުޅިވަރު ކޮމިއުނިޓީ އެ ފާހަގަކުރަނީ، ކުޅުންތެރިންނަށް މުސާރަ ނުދޭ ވާހަކަ އާއި ކަންކަން އިންސާފުން ބޭރުން ކުރާ ވާހަކަ. މިއީ، ހަގީގަތުގައި ވާހަކަ ދައްކައިގެން ހައްލު އަންނަން ޖެހޭ ކަންކަން،" މޯލްޑިވްސް އޮލިމްޕިކް ކޮމިޓީ (އެމްއޯސީ)ގެ ނައިބު ރައީސަކަށް ވެސް މަސައްކަތް ކުރެއްވި ތޮލާލް ވިދާޅުވި އެވެ.

އޭނާ ވިދާޅުވީ، ބެޑްމިންޓަން އެސޯސިއޭޝަންގެ ލީޑަޝިޕުން މީގެ ކުރިން ވެސް އުޅުނީ، ސްޕޯޓްސް ކޮމިޝަނުން ދިން ލަފަޔަށް ބެލުމެއް ނެތި އިންތިހާބު ބާއްވަން ކަމަށާއި ހަގީގަތުގައި އިންތިހާބު ނުބޭއްވީ އެންޓި ކޮރަޕްޝަން ކޮމިޝަން (އޭސީސީ) އިން ބަލަމުން އަންނަ ބެޑްމިންޓަން އެސޯސިއޭޝަންގެ މައްސަލައާ ގުޅިގެން އިންތިހާބު ނުބާއްވަން އެންގުމުން ކަމަށެވެ.

ރިވައިވަލް ސްޕޯޓްސް ކްލަބުން ވަނީ، މީގެ އެއް ދުވަސް ކުރިން، އޭސީސީ އަށް ބެޑްމިންޓަން އެސޯސިއޭޝަނާ ގުޅޭ މައްސަލަ އެއް ހުށަހަޅައިފަ އެވެ. އެ ގޮތުން، ރިވައިވަލް އިން ހުށަހެޅީ، ގައުމީ ބެޑްމިންޓަން ޓީމުގެ ނިބާލް އަހުމަދަށް ޕެރިސް އޮލިމްޕިކްސް ސްކޮލަޝިޕުން ލިބުނު ފައިސާ އަށާއި ގައުމީ ބެޑްމިންޓަން ޓީމުގެ ދެކުނު ކޮރެއާގެ ކޯޗު، ޖަންގް ކީ ޔޫންގެ މުސާރަ އަށް އެސޯސިއޭޝަނުން ހިޔާނާތްވެފައިވާތީ، އެ މައްސަލަތައް ބެލުމަށް އެދި އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox