ބ. އޭދަފުށީގެ ކްލަބް ކޮމްބިނޭޝަން (ސީސީ) އިން އިންތިޒާމްކޮށްގެން ބާއްވާ އިންޓަ ރިސޯޓް ކްރިކެޓް މުބާރާތުގެ ފުރަތަމަ މެޗުތަކުން އަމިއްލަ މޯލްޑިވްސް އާއި ދުސިތު ތާނީ މޯލްޑިވްސް އިން މޮޅުވެއްޖެ އެވެ.
އަށް ޓީމު ވާދަކުރާ މި ފަހަރުގެ މުބާރާތް ކުރިއަށްދަނީ އަށް އޯވަރަށެވެ.
އޭދަފުށީ ދަނޑުގައި ކުޅުނު ފުރަތަމަ މެޗުގައި، އަމިއްލަ މޯލްޑިވްސް އިން ބައްދަލުކުރީ، މިލައިދޫ މޯލްޑިވްސްއާ އެވެ. މި މެޗުން މިލައިދޫ އިން ތިން ވިކެޓަށް 60 ލަނޑު ހެދިއިރު، އަމިއްލަ އިން ވަނީ ތިން ވިކެޓަށް 61 ލަނޑު ހަދައި މެޗުން މޮޅުވެފަ އެވެ.
މެޗުގެ މޮޅު ކުުޅުންތެރިއަކަށް ހޮވުނީ، އަމިއްލަ ޓީމުގެ އަބޫ ސައީދު މަމޫން އެވެ.
ދެ ވަަނަ މެޗުގައި އެންމެ ފަހުގެ ޗެމްޕިއަން، އަމިއްލަ އިން ކުޅެން އަރައި، ހަ ވިކެޓަށް 94 ލަނޑު ހެދި އެެވެ. ޖަވާބުގައި ދުސިތުން ކުޅެން ނުކުމެ، ދެ ވިކެޓަށް ވަނީ 95 ލަނޑު ހަދައި މެޗުން މޮޅުވެފަ އެވެ.
މި މެޗުގެ މޮޅު ކުޅުންތެރިއަކަށް ހޮވިފައިވަނީ، ދުސިތުގެ އެލް. ޖީ. އަޝަން މަަދުޝަންކަ އެވެ.
މި މުބާރާތުގައި، ގްރޫޕް އޭގައި ހިމެނެނީ، މިލައިދޫ، އަމިއްލަ، ފިނޮޅު އަދި އަނަންތަރާ އެވެ. އަދި ގްރޫޕް ބީގައި ހިމެނެނީ، ދުސިތު، ސޮނޭވާފުށި، ރޯޔަލް އައިލެންޑް އަދި އަވަނި+ފަރެސް އެވެ.
މާދަމާ ހަވީރު ކުޅޭ ފުރަތަމަ މެޗުގައި، ފިނޮޅު ކުޅޭނީ އަނަންތަރާއާ އެވެ. ދެ ވަނަ މެޗުގައި، ރޯޔަލް ބައްދަލުކުރާނީ އަވަނިއާ އެވެ. ފުރަތަމަ މެޗު، 15:00 ގައި ފަށާއިރު، ދެ ވަަނަ މެޗު ފަށާނީ 16:30 ގަ އެވެ.
