އިސްތިއުފާ ދެއްވާނެކަމުގެ އިޝާރާތަކާއެކު ޝަމީމް ދެއްވީ ނުފޫޒުގައި ނުޖެހޭ ކަމުގެ ޔަގީންކަން

އިސްތިއުފާ ދެއްވާނެކަމުގެ އިޝާރާތަކާއެކު ޝަމީމް ދެއްވީ ނުފޫޒުގައި ނުޖެހޭ ކަމުގެ ޔަގީންކަން

ޕްރޮސެކިއުޓަ ޖެނެރަލްގެ މަގާމުން ދުރުކުރުމަށް ރައްޔިތުންގެ މަޖިލީހުގެ ޖުޑިޝަރީ ކޮމިޓީން ފާސްކޮށްފައިވާތީ މަގާމުން އިސްތިއުފާ ދެއްވާނެ ކަމުގެ އިޝާރާތެއް ދެއްވައި، ޕީޖީގެ މަގާމުގައި ހޭދަ ކުރި ދުވަސްވަރު އެއްވެސް ނުފޫޒެއްގައި ޖެހިފައިނުވާނެކަމުގެ ޔަގީންކަން ހުސެއިން ޝަމީމް ދެއްވައިފި އެވެ.

ޖުޑީޝަރީ ކޮމިޓީއަށް ޖަވާބުދާރީވުމަށް ފަހު ޕީީޖީ އޮފީހުގައި ބޭއްވި ނޫސްވެރިންގެ ބައްދަލުވުން ފައްޓަވަމުން ވެސް ޝަމީމް ވިދާޅުވީ "އަޅުގަނޑު ދިޔުމުގެ ކުރިން ނޫސްވެރިންނާ ބައްދަލުކޮށްލާފައި ޕާސަނަލީ ވަރަށް ބޮޑަށް ޝުކުރު ދަންނަވަން" ކަމަށެވެ.

ނޫސްވެރިންގެ ގިނަ ސުވާލުތައް އަމާޒުވީ ވެސް މި ސަރުކާރާއި ކުރީގެ ސަރުކާރުން ޝަމީމަށް ނުފޫޒުތަކެއް ފޯރުވަން މަސައްކަތް ކުރި ކަމަށް ދެކެވޭ ވާހަކަތަކާއި ޝަމީމް ދެން މަގާމުން އަމިއްލައަށް އިސްތިއުފާ ދެއްވާނެތޯ އެވެ.

އެ ސުވާލުތަކުގެ ޖަވާބުގައި ޝަމީމް ވިދާޅުވީ އޭނާއަކީ އެއްވެސް އިރެއްގައި "މަގާމު ބޭނުންވެގެން" އުޅޭ ބޭފުޅެއް ނޫން ކަމަށެވެ. އަދި ރާއްޖޭގެ ސިޔާސީ މަސްރަހުގެ ކަންކަމަށް އިޝާރާތް ކުރައްވައި، މަގާމުން ދުރުކޮށްފާނެ ހާލަތެއް އައިސްދާނެ ކަން އަބަދުވެސް ދަނެގެން މަސައްކަތް ކުރި ކަމަށް ޝަމީމް ވިދާޅުވި އެވެ.

"މިއީ އިތުބާރު ނެތިގެން ހިނގާ ކަމެއް ނޫން. މިއީ މުޅިން އެހެން ގޮތަަކަށް ހިނގާ ކަމެކޭ. އެއީ ރާއްޖޭގެ ކަންކަން އަދި ހިނގާ ގޮތޭ. އެކަމުގައި ޝަކުވާއެއް ވެސް ނެތޭ،" ޝަމީމް ވިދާޅުވި އެވެ. "އަޅުގަނޑު މި އޮފީހުގައި ޑެޕިއުޓީއަކަށް އުޅުނު ދުވަސްވަރު ވެސް ޕީޖީއެއް އިސްތިއުފާ ވެސް ދިން، އެ ކަން އަޅުގަނޑު ގަބޫލު ކުރަމޭ."

އޭނާއަށް ނުފޫޒު ފޯރުވަމުން އަބަދުވެސް އެކި ދިމަދިމާލުން މަސައްކަތްކޮށްފައިވާ ކަމަށް ޝަމީމް ވިދާޅުވި އެވެ. ނަމަވެސް ޝަމީމަށް ނުފޫޒު ނުފޯރުވޭނެ ކަން ނުފޫޒު ފޯރުވަން މަސައްކަތް ކުރަން އުޅެފައިވާ ކޮންމެ މީހަކަށް ވެސް އެނގޭނެ ކަމަށް ޝަމީމް ވިދާޅުވި އެވެ.

އޭގެ އިތުރުން ޝަމީމް ވިދާޅުވީ އޭނާގެ ގާނޫނީ ފަންނުގެ ދިގު ކެރިއަރުގައި ނަން ހަޑިވާނެ އެއްވެސް ކަމެއް ކޮށްފައިނުވާނެ ކަމަށެވެ. ނުފޫޒުގައި ޖެހެން ބޭނުން ނުވާ އެންމެ ބޮޑު ސަބަބަކީ ވެސް އެއީ ކަމަށް އޭނާ ވިދާޅުވި އެވެ.

"އަޅުގަނޑު ވެސް ބޭނުމެއް ނޫން، މި ދާއިރާގައި މަސައްކަތް ކުރާތާ 20 އަހަރު ދުވަހު މަސައްކަތް ކުރުމަށް ފަހު އަޅުގަނޑު ވެސް ބޭނުމެއް ނުވާނެ ނޫންތޯ، މައްސަލައެއްގައި ނުފޫޒެއްގައި ޖެހިގެން އަޅުގަނޑުގެ ކަން ކިލަނބުވާނެ ގޮތަކަށް ކަމެއް ކުރަން،" އޭނާ ވިދާޅުވި އެވެ.

މިދިޔަ ރިޔާސީ ދައުރުގައި އެމްޑީޕީގެ ސުޕަ މެޖޯރިޓީގެ ރައްޔިތުންގެ މަޖިލީހާއި އެމްޑީޕީގެ ސަރުކާރެއް އޮތް އިރު އެ ޕާޓީއަށް ނިސްބަތްވާ ބައެއް އިސް ބޭފުޅުންނަށް ވެސް ދައުވާކުރި ކަން ޝަމީމް ފާހަގަ ކުރެއްވި އެވެ.

"އެމްޑީޕީގެ ވަޒީރުންނަށް، އެމްޑީޕީގެ މަޖިލިސް މެންބަރުންނަށް ވެސް ދައުވާކޮށްފައިވާނެ، އަޅުގަނޑަށް ނުފޫޒު ފޯރާނަމަ އެ ކަން އެ ގޮތަކަށް ނުވެސް ހިނގާނެ ނޫންތޯ،" ޝަމީމް ވިދާޅުވި އެވެ.

ނަމަވެސް އެ ދައުވާތައް ފަހުން ވަނީ އަނބުރާ ގެނެސްފަ އެވެ. އޭގެ ތެރޭގައި ކުރީގެ ޓުއަރިޒަމް މިނިސްޓަރު އަލީ ވަހީދުގެ މައްޗަށް އުފުލި ޖިންސީ ގޯނާގެ ދައުވާ އާއި ކުރީގެ ޔޫތު މިނިސްޓަރު އަހުމަދު މަހުލޫފުގެ މައްޗަށް އުފުލި ހިޔާނާތުގެ ދައުވާ އާއި ކުރީގެ މެންބަރު އަލީ ރިޒާގެ މައްޗަށް އުފުލި ހިއުމަން ޓްރެފިކިންގެ ދައުވާ ހިމެނެ އެވެ.

ޝަމީމް ވިދާޅުވީ މަގާމު ދޫކޮށް ވަޑައިގަންނަވާއިރު ރަނގަޅު ފެންވަރުގެ ހިދުމަތެއް ރައްޔިތުންނާއި ނޫސްވެރިންނަށް ވެސް ލިބޭ ފަދަ މުއައްސަސާއަކަށް ޕްރޮސެކިއުޓާ ޖެނެރަލްގެ އޮފީސް ބަދަލު ކުރެވިފައިވާ ކަމަށެވެ.

"ދުނިޔޭގެ ފެންވަރުގެ މުއައްސަސާއެއް ގޮތުގައި ރައްޔިތުންނާއި ނޫސްވެރިންނަށް ހިދުމަތާއި މައުލޫމާތު ހަލުވި ދުވެއްޔެއްގައި ލިބޭ ގޮތަށް ވަނީ ހަމަޖައްސާފައި، ދެން މި ކަންކަން ގެންދާނީ އެހެން މީހަކު، އެކަމަކު މީގެ މައިގަނޑު ފައުންޑޭޝަން އެ ވަނީ އަޅާފައި،" އޭނާ ވިދާޅުވި އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox