ދުނިޔޭގައި ހުރި އެންމެ ދުވަސްވީ މީހާ މަރިއާ ބްރަންޔަސް 117 އަހަރުގައި މަރުވެއްޖެ އެވެ.
ސްޕެއިންގެ ނާސިން ހޯމްއެއްގައި މަރިއާ މަރުވީ ނިދީގައި އޮއްވާ ކުއްލި ގޮތަކަށް ކަމަށް އެ ނާސިން ހޯމްއިން ވަނީ ބުނެފަ އެވެ.
"އޭނާ މަރުވީ މަރުވާން ބޭނުންވި ގޮތަށް. އެއީ ނިދީގައި އޮވެ އެއްވެސް ވޭނެއް ނާޅައި،" މަރިއާގެ ދަރިފުޅު "އެކްސް" ގައި ބުންޏެވެ.
މަރުވުމުގެ ކުރިން މި ހަފްތާގެ ކުރީކޮޅު މަރިއާ ބުނީ އޭނާގެ މަރު ކައިރިވެފައިވާ ކަމަށާއި އެއްވެސް މީހަކު މަރުވުމުން އެކަމާ ހިތާމަކުރަން ނޭދޭ ކަމަށެވެ.
ސެން ފްރެންސިސްކޯ، ކެލިފޯނިއާއަށް މަރިއާ އުފަންވީ މާޗު، 4، 1907 ގަ އެވެ. އޭނާގެ އުމުރުން އެންމެ ހަތް އަހަރުން ފެށިގެން ދިރިއުޅެމުން ދިޔައީ ސްޕެއިންގެ ކެޓަލޯނިއާގަ އެވެ.
މަރިއާއަށް ވަނީ އޭނާގެ އުމުރުގައި ސްޕެނިޝް ފްލޫ ޕެންޑެމިކް، ސްޕެއިންގައި 1936 އިން 1939 އަށް ހިނގި ދާހިލީ ހަނގުރާމަ އަދި ކޮވިޑް-19 ގެ ކާރިސާއާ ކުރިމަތިލާފަ އެވެ.
މަރިއާއަށް މިދިޔަ އަހަރުގެ ޖެނުއަރީ މަހު ދުނިޔޭގެ އެންމެ ދުވަސްވީ މީހާގެ ލަގަބު ލިބުނީ އެ ލަގަބު ކުރިން ލިބިފައިވާ ފްރާންސްގެ ޖީން ކެލްމެންޓް 122 އަހަރުގައި މަރުވުމާ ގުޅިގެންނެވެ.
