އެމެރިކާގައި ޖާސޫސްކުރި ޗައިނާ ދެ މީހަކު ޖަލަށް

Oct 31, 2026, 1:22 PM
ފޮޓޯ: ރޮއިޓާސް

ފޮޓޯ: ރޮއިޓާސް

އެމެރިކާގެ އަސްކަރިއްޔާގައި މަސައްކަތްކުރާ މީހުން ރެކްރޫޓްކޮށް، ޗައިނާގެ ސަރުކާރަށް ޖާސޫސްކޮށްދޭން އުޅުނުކަމަށް އިއުތިރާފުވި ޗައިނާގެ ދެ މީހަކު އެމެރިކާގައި ޖަލަށް ލައިފިއެވެ.

އުމުރުން 40 އަހަރުގެ ލައިރެން "ރަޔަން" ލައި އާއި 39 އަހަރުގެ ޔުއާންސޭ ޗެން، 30 މަސްދުވަހަށް ޖަލަށްލުމަށާއި، ޖަލުން މިނިވަންވުމަށްފަހު ތިން އަހަރު ދުވަހުގެ މުއްދަތަށް ކޯޓުގެ ބެލުމުގެ ދަށުން ފާރަވެރިވުމަށް ހުކުމްކޮށްފައިވާ ކަމަށް އެމެރިކާގެ ޑިޕާޓްމަންޓް އޮފް ޖަސްޓިސް (ޑީއޯޖޭ) އިން ހުކުރު ދުވަހު ނެރުނު ބަޔާނެއްގައި ބުނެފައިވެ އެވެ.

އެމެރިކާގެ ގައުމީ ސަލާމަތާ ގުޅުންހުރި މައުލޫމާތު ހޯދުމަށްޓަކައި، "ޑެޑް ޑްރޮޕް" ނުވަތަ ފައިސާ ދީގެން މުއާމަލާތްކުރާ އުސޫލުން މި ދެ މީހުން މަސައްކަތްކޮށްފައިވާ ކަމަށް ވެސް އެ ބަޔާނުގައިވެ އެވެ.

އެމެރިކާގެ އެސިސްޓަންޓް އެޓާނީ ޖެނެރަލް ފޯ ނޭޝަނަލް ސެކިއުރިޓީ ޖޯން އޭ އައިޒަންބާގް ވިދާޅުވި ގޮތުގައި، މި ދެ މީހުން ވަނީ އެމެރިކާގެ ގައުމީ ސަލާމަތަށް ނުރައްކާކުރުމަށާއި، ޗައިނާގެ އިންޓެލިޖެންސް އޮޕަރޭޝަންތަކަށް އެހީތެރިވުމަށްޓަކައި އެމެރިކާގެ ތެރޭގައި ދިގު މުއްދަތަކަށް، ފުޅާދާއިރާއެއްގައި ރޭވުންތަކެއް ހިންގާފަ އެވެ.

ކޯޓުގެ ލިޔެކިޔުންތަކުން އެނގޭ ގޮތުގައި، ލައި އާއި ޗެން ޗައިނާގެ ބޭރުގެ ޖާސޫސީ އިދާރާ ކަމަށްވާ މިނިސްޓްރީ އޮފް ސްޓޭޓް ސެކިއުރިޓީގެ އެޖެންޓުންގެ ގޮތުގައި މަސައްކަތް ކުރަން ފަށާފައިވަނީ 2021 ވަނަ އަހަރުގެ މެއި މަހުގެ ތެރޭގަ އެވެ.

ޓޫރިސްޓް ވިސާއެއްގައި އެމެރިކާއަށް އައި ލައި، އެމެރިކާގެ ދާއިމީ ރެސިޑެންޓެއް ކަމަށްވާ ޗެން މި ރޭވުމުގެ ތެރެއަށް ވެއްދި އެވެ. އަދި ޗެންއަށް އޭނާގެ ހޭންޑްލާ ނުވަތަ އިރުޝާދުދޭ މީހާގެ ފަރާތުން ސީދާ އަމުރުތައް ލިބެން ފެށުމާ ހަމައަށް، ލައި މަސައްކަތް ކުރީ ޗެން އާއި ޗައިނާގެ އިންޓެލިޖެންސް އޮފިސަރުންނާ ދެމެދު މުއާމަލާތްކުރާ މެދުވެރިއެއްގެ ގޮތުގަ އެވެ.

މީގެ އިތުރުން ޗެން އާއި ލައި ވަނީ އެހެނިހެން ގޮތްގޮތުން ވެސް ޖާސޫސީ މަސައްކަތްތައް ކޮށްފަ އެވެ. އޭގެ ތެރޭގައި ކަނޑުގެ ސިފައިންގެ މަރުކަޒުތަކާއި، އަސްކަރިއްޔާއަށް އަލަށް ގުޅޭ މީހުންނާއި، ހިދުމަތުގައި ތިބި ސިފައިންގެ ފޮޓޯ ނެގުން ހިމެނެ އެވެ. އަދި ޗެން ވަނީ އެމެރިކާގެ ނޭވީ މުވައްޒަފެއްގެ އަމިއްލަ މައުލޫމާތު އެއްކޮށް، ޖާސޫސީ ބޭނުމަށް އަމާޒުކުރެވިދާނެ އަސްކަރީ މުވައްޒަފުންގެ ވަނަވަރުތައް ތަފްސީލީ ގޮތެއްގައި ބަލަހައްޓާފަ އެވެ.

ކޯޓުގައި މި ދެ މީހުން ވެސް ވަނީ ކުށަށް އިއުތިރާފުވެފަ އެވެ. މި ދެ މީހުން ހައްޔަރުކޮށް ދައުވާ އުފުލާފައިވަނީ 2025 ވަނ އަހަރުގެ ޖޫން މަހުގެ ތެރޭގަ އެވެ.

އޮގަސްޓް މަހުގެ ފަހުކޮޅު އެމެރިކާގެ ރައީސް ޑޮނަލްޑް ޓްރަމްޕް ވިދާޅުވީ ޗައިނާއިން އެމެރިކާއަށް ޖާސޫސްކުރާކަން އެނގިވަޑައިގަންނަވާ ކަމަށާއި، ނަމަވެސް "އަހަރެމެން ވެސް އެމީހުންނަށް ޖާސޫސްކުރަން" ކަމަށެވެ.

ކޮމެންޓް

ފަހުގެ ޚަބަރު

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

ޓްރަމްޕް ފިލިޕީންސަށް ވަޑައިގެންފި

އެމެރިކާގެ ރައީސް ޑޮނަލްޑް ޓްރަމްޕް އޭޝިއާއަށް ކުރައްވާ ދަތުރުފުޅުގައި ފިލިޕީންސަށް ވަޑައިގެން، އިންޑިއާ، ޖަޕާން އަދި އޮސްޓްރޭލިއާ ހިމެނޭ ކުއަޑް ގްރޫޕުގެ ލީޑަރުންނާ ބައްދަލުކުރައްވައިފިއެވެ. މި ބައްދަލުވުމުގައި އިންޑޯ-ޕެސިފިކް ސަރަހައްދުގެ އަމާންކަމާއި ގުޅުން ބަދަހިކުރުމާ ގޮތުން މަޝްވަރާކުރެއްވިއިރު، އެމެރިކާގެ އަމާޒަކީ ޗައިނާގެ ނުފޫޒު ކުޑަކޮށް މި ގައުމުތަކާއެކު އޮންނަ އިގްތިސާދީ އަދި ޓެކްނޮލޮޖީގެ ގުޅުން ވަރުގަދަކުރުމެވެ.

ހަގިން ފޭސްއަށް ދިން ހަމަލާއާ ގުޅިގެން ދައުވާކޮށްފި

އެކަށީގެންވާ ރައްކާތެރިކަމުގެ ފިޔަވަޅުތަކެއް ނެތި އޭއައި މޮޑެލްތައް ތަރައްގީކޮށް އާންމުން ނުރައްކަލަށް ހުށަހެޅި ކަމަށް ބުނެ، ކެލިފޯނިއާގެ އެޓާނީ ޖެނެރަލް އޯޕަންއޭއައިއާ ދެކޮޅަށް ދައުވާ އުފުލައިފިއެވެ. މި ދައުވާގެ މައިގަނޑު އަސާސަކީ އޯޕަންއޭއައިގެ އެޖެންޓުންތަކެއް "ހަގިން ފޭސް" ގެ ނިޒާމަށް ވަދެ ދިން ހަމަލާއަކަށްވާއިރު، މިއީ އެމެރިކާގެ ސްޓޭޓަކުން އޭއައި ކުންފުންޏަކާ ދެކޮޅަށް ކުރި ފުރަތަމަ ދައުވާއެވެ.

އިންޑިއާ: އޭއައި ބޭނުންކޮށް ބިމާއި މަގުގެ މައްސަލަތަކަށް ހައްލު

އިންޑިއާގެ ސްޓާޓްއަޕްތަކުން އޭއައި ބޭނުންކޮށްގެން ބިމުގެ ރެކޯޑުތައް ބެލެހެއްޓުމާއި، މަގުތަކުގައި ހުންނަ ވަޅުގަނޑުތައް ދެނެގަތުން ފަދަ އިޖުތިމާއީ ބޮޑެތި މައްސަލަތަކަށް އަންނަނީ ހައްލު ހޯދައިދެމުންނެވެ. މީގެ އިތުރުން ސިއްހީ ދާއިރާގައި ލެބް ރިޕޯޓުތައް ތަރުޖަމާކުރުމާއި ބަލިމަޑުކަން ދެނެގަތުމަށް ވެސް މި ޓެކްނޮލޮޖީގެ އެހީގައި ލުއިފަސޭހަ ނިޒާމުތަކެއް ވަނީ ގާއިމުކޮށްފައެވެ.

Newsletter

Get the latest news delivered straight to your inbox