ގޯތިތައް "ފޭރިގަތުން" ހުއްޓުވުމަށް މުޒާހަރާއަށް ނުކުންނަން ގުޅީފަޅު ސިޓިޒެންސް އެސޯސިއޭޝަނުން ގޮވާލައިފި

މިދިޔަ ސަރުކާރުގެ ބިންވެރިޔާ ސްކީމުގެ ދަށުން ދޫކުރި ގޯތިތަކުގެ ގުރުއަތު ނެގުމުގެ ތެރެއިން: މާލޭ ސަރަހައްދުން ގޯތި ދޫކުރީ 40 އަހަރު ފަހުން-- ފޮޓޯ: އަދަދު

މިދިޔަ ސަރުކާރުގެ ބިންވެރިޔާ ސްކީމުގެ ދަށުން ދޫކުރި ގޯތިތަކުގެ ގުރުއަތު ނެގުމުގެ ތެރެއިން: މާލޭ ސަރަހައްދުން ގޯތި ދޫކުރީ 40 އަހަރު ފަހުން-- ފޮޓޯ: އަދަދު

ރައްޔިތުންގެ މަޖިލީހުގައި ކޮންމެ ދުވަހަކު ބަހުސް ކުރަމުންދަނީ މާލެ ރައްޔިތުންނަށް ދީފައިވާ ގޯތިތައް ނުދީ ވާނެ ގޮތެއް ވޭތޯ ބަލަން ކަމަށާއި ގޯތިތައް އަތުލުމަށް މަޖިލިސް މެންބަރުން ކުރާ މަސައްކަތް ހުއްޓުވުމަށް މުޒާހަރާއަށް ނުކުތުމަށް ގުޅީފަޅު އެސޯސިއޭޝަނުން ގޮވާލައިފި އެވެ.

ގުޅީފަޅު ސިޓިޒެންސް އެސޯސިއޭޝަންގެ ރަސްމީ އެކްސް އެކައުންޓުން ކުރި ޕޯސްޓެއްގައި ބުނީ ކޮންމެ ދުވަހަކު މަޖިލީހުގައި މެންބަރުން ބަހުސް ކުރަމުންދަނީ ގޯތިތައް ނުދީ ވާނެ ގޮތެއް ވޭތޯ ބަލަން ކަމަށާއި އެންމެފަހުން އިއްޔެ މަޖިލީހުގެ ތަޅުމުގައި ގޯތިތައް އަތުލަން ގޮވައިލި ގޮވައިލުން ކުށްވެރި ކުރާ ކަމަށެވެ.

"40 އަހަރު ފަހުން ހިތަށް ލިބުނު ފިނިކަން މިއަދު ފޭރިގަންނަން އެކުރާ މަސައްކަތް އަޅުގަނޑުމެން ގުޅީފަޅު ރައްޔިތުންގެ އެސޯސިއޭޝަނުްގެ ފަރާތުން ހަރު އަޑުން ކުށްވެރި ކުރަން، އަދި ގޯތިތައް ފޭރެން މަޖިލިސް މެންބަރުން އެ ކުރާ މަސައްކަތް ހުއްޓުވުމަށް މުޒާހަރާއަށް ނުކުތުމަށް ގުޅީފަޅުން ގޯތި ލިބިލެއްވި އެންމެހައި ބޭފުޅުންގެ އަރިހުން އެދެން،" އެ އެސޯސިއޭޝަންގެ ޕޯސްޓުގައި ލިޔެފައިވެ އެވެ.

Advertisement

ގުޅީފަޅު އެސޯސިއޭޝަނުން މިފަދަ ޕޯސްޓެއް ކޮށްފައި މިވަނީ، އިއްޔެ އޮތް މަޖިލީހުގެ ޖަލްސާގައި ފަޅުން ގޯތި ދޭ ގާނޫނެއް ނެތް ކަމަށާއި އެ ވާހަކަ ދެއްކުމުގެ ބަދަލުގައި ފަޅުން ދީފައިވާ ގޯތިތައް އަތުލަން ޖެހޭ ކަމަށް ވެލިދޫ ދާއިރާގެ މެންބަރު މުހައްމަދު އައްބާސް ގޮވައިލުމާ ގުޅިގެންނެވެ. އޭނާއަކީ ސަރުކާރަށް ތާއީދުކުރާ އެމްޑީއޭގެ މެންބަރެކެވެ.

އެމްޑީއޭގެ ނައިބު ރައީސްގެ މަގާމުގައި ވެސް ހުންނެވި އައްބާސް ވިދާޅުވީ ގޯތިތައް ދީފައި ހުރީ ގާނޫނާ ހިލާފަށް ކަމަށެވެ. އަދި، ގޯތިތައް ދީފައި ހުރީ ރަނގަޅަށް ކަމަށް ހަދައިގެން އެ ހުރިހާ ގޯތިތަކެއް ދޭން އުޅެނީ ކީއްކުރަންތޯ އޭނާ ސުވާލު އުފެއްދެވި އެވެ.

އައްބާސް މަޖިލީހުގެ ތަޅުމުގައި ދެއްކެވި ވާހަކަ ކުށްވެރިކޮށް ގުޅީފަޅު ސިޓިޒެންސް އެސޯސިއޭޝަނުން ކުރި ޕޯސްޓުގައި ބުނީ ގޯތިތަކާ ކުޅުމަކީ ލެޔާ ކުޅުން ކަމަށެވެ. އަދި، ދެން މަޑުން ނުތިބޭނެ ކަމަށް ވެސް އެ އެސޯސިއޭޝަނުން ބުނެފައިވެ އެވެ.

"މިހާރު އެ ކުޅުއްވަނީ ލެޔާ، ދެން މަޑުމަޑުންނެއް ނުތިބޭނަން، ހުރިހާ ބޭފުޅުން ވެސް ނުކުންނަވާ ގޯތިތައް ދިފާއު ކުރައްވާ،" އެސޯސިއޭޝަނުގެ ޕޯސްޓުގައި ބުނެފައިވެ އެވެ.

ފަޅުން ގޯތި ދިން ކަމަށް ވެރިކަން ކުރާ ޕީޕަލްސް ނޭޝަނަލް ކޮންގްްރެސް (ޕީއެންސީ) ގެ ލީޑާޝިޕްގެ ބޭފުޅުން ގެންދަވަނީ ތަކުރާރުކޮށް އެކި ތަންތަނުގައި ވިދާޅުވަމުންނެވެ. މާލެ ސަރަހައްދުން ގޯތި ދޫކުރި ގޮތަކީ މި ފަހުގެ ތާރީހެއްގައި ހިންގި އެންމެ ބޮޑު ހިޔާނާތް ކަމަށް ވެސް ޕީއެންސީން ވަނީ ބުނެފަ އެވެ.

"ހުޅުމާލެ އާއި ގުޅީފަޅާއި ގިރާވަރުފަޅުން އެބަ އޮތް ޖުމުލަ 9،100 ގޯތި ދޫކޮށްފަ، ގޯތި ލިސްޓެއް ހަދާފައި. ސަރުކާރަކުން އެ އެއްޗެއް ބަހާލާއިރުގައި އަޅުގަނޑު ގަބޫލު ކުރާ ގޮތުގައި ޒިންމާދާރު ސަރުކާރުތަކުން އަމަލުކުރަން ޖެހޭ އުސޫލުތަކާއި ހަމަތަކާ ހިލާފަށް، އަޅުގަނޑު ދަންނަވާނީ މި ފަހުގެ ތާރީހެއްގައި ހިންގި އެންމެ ބޮޑު ހިޔާނާތުގެ ގޮތުގައި ސިފަކުރަނީ،" ޕީއެންސީގެ ޕީޖީ ލީޑަރު އިބްރާހިމް ފަލާހު އޮގަސްޓު 12, ގައި ވިދާޅުވެފައިވެ އެވެ.

ބިންވެރިޔާ ސްކީމުގެ ދަށުން މިދިޔަ ސަރުކާރުގައި މާލެ ރައްޔިތުންނަށް 9،003 ގޯތި ދޫކުރި އެވެ. ބިންވެރިޔާ ސްކީމުން ދޫކުރި ގޯތިތައް ހުންނަނީ ހުޅުމާލޭ އާއި ގުޅީފަޅާއި ގިރާވަރު ފަޅުންނެވެ. އެއީ ހުޅުމާލެއިން ދޫކުރާ 1351 ގޯއްޗާއި ގުޅީފަޅުން ދޫކުރާ 2219 ގޯއްޗާއި ގިރާވަރުފަޅުން ދޫކުރާ 5433 ގޯއްޗެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox