ގއ. ކޮލަމާފުށިން ތިން މީހަކު ވެގެން ދެ ކިލޯގެ މާވަހަރު މިއަދު ހޮވައިފި އެވެ. ޖުމުލަ ތިން މާވަހަރު އެ ރަށުން ހޮވި ކަމަށް އެ ރަށު ކައުންސިލުން ބުނެ އެވެ.
ކޮލަމާފުށި ކައުންސިލްގެ ރައީސް އިބްރާހިމް ވަހީދު "އަދަދު" އާ ވާހަކަ ދައްކަވަމުން ވިދާޅުވީ މާވަހަރުތައް ހޮވީ ރަށުގެ ފުށްޓަރު ފަރާތުން ކަމަށެވެ. އެއީ އަސްލު މާވަހަރުތަކެއްތޯ މިހާރު ޔަގީން ކުރުމުގެ މަސައްކަތް ކުރަމުންދާ ކަމަށް ވެސް އޭނާ ވިދާޅުވި އެވެ.
"ތިން މީހަކު ވެގެން ހޮވީ ރަށުގެ ފުށްޓަރު ފަރާތުން. ފުރަތަމަ އެކަކަށް ފެނިގެން ހޮވީ. ދެން ދެ މީހަކު ވެގެން އައިސް އެތި އެތިކޮޅު އެތަނުން ހޮވީ. އެ އެއްޗެެހި އެމީހުން ގެންގޮސް ސައްހަ އެއްޗެއްތޯ އެބަ ބަލާ،" މުހައްމަދު ވަހީ ވިދާޅުވި އެވެ.
މާވަހަަރަކީ އަތަރު ނުވަތަ ސެންޓު ހަދަން ފެށުމަށް ބޭނުން ކުރާ އެއްޗެވެ. މާވަހަރުގައި މާ ބޮޑު ވަހެއް ނެތް ނަމަވެސް، އަތަރުގައި މާވަހަރު ބޭނުން ކުރާ ސަބަބީ، އަތަރުގައި ހިމެނޭ ވަސްތައް ގިނަ ދުވަހަށް ދެމެހެއްޓުމަށެވެ.
މާވަހަރު ހޮވި މީހުންގެ ބަހެއް އަދި ލިބިފައެއް ނުވެ އެވެ.
މީގެ ކުރިން ވެސް ރާއްޖޭގެ އެކި ސަރަހައްދުތަކުން މިގޮތަށް މާވަހަރު ފެނިފައިވެ އެވެ. އަދި ވަރަށް ބޮޑެތި އަގުތަކުގައި ވެސް މާވަހަރު ވިއްކާފައި އެބަހުއްޓެވެ.
