މަޖިލީހަށް ކުރިން ހާޒިރު ނުވެވުމުން ހައިދަރު މައާފަށް އެދިވަޑައިގެންފި

ހައުސިން މިނިސްޓަރު ޑރ. އަލީ ހައިދަރު: މަޖިލީހަށް ހާޒިރު ނުވެވުމުން ވަނީ މައާފަށް އެދިފައި -- ފޮޓޯ: އަދަދު ފައިލް

ހައުސިން މިނިސްޓަރު ޑރ. އަލީ ހައިދަރު: މަޖިލީހަށް ހާޒިރު ނުވެވުމުން ވަނީ މައާފަށް އެދިފައި -- ފޮޓޯ: އަދަދު ފައިލް

ރައްޔިތުންގެ މަޖިލީހަށް ހާޒިރުވާން މިދިޔަ ހަފުތާގެ ހޯމަ ދުވަހު ހައުސިން މިނިސްޓަރު ޑރ. އަލީ ހައިދަރުއަށް އެންގުމުން ވެސް ހާޒިރުވެވަޑައި ނުގެންނެވުމުން މިއަދު މަޖިލީހުގައި އޭނާ މައާފަށް އެދިއްޖެ އެވެ.

ގަލޮޅު އުތުރު ދާއިރާގެ މެންބަރު މުހައްމަދު އިބްރާހިމް ކުރެއްވި ތިން ސުވާލަށް ޖަވާބު ދެއްވަމުގެ ކުރިން ހައިދަރު ވިދާޅުވީ މިދިޔަ ހަފްތާގައި މަޖިލީހަށް ހާޒިރު ނުވެވުނީ ދިމާވި ކުއްލި އާއިލީ ކަމަކާހެދި ކަމަށާއި އެކަމަށްޓަކައި މަޖިލީހުގެ މެންބަރުންނާއި މަޖިލިސް ރައީސްގެ ކިބައިން މައާފަށް އެދޭ ކަމަށެވެ.

"އަޅުގަނޑަށް ދިމާވި ކުއްލި ކަމަކާހެދި ނާދެވުނީތީ އަޅުގަނޑު އެ މައްސަލަ ސިޓީއެއްގެ ޒަރީއާއިން ރައްޔިތުންގެ މަޖިލިސްގެ ރައީސްއަށް އަޅުގަނޑު ފޮނުވިން. އެހެންވީމަ އަޅުގަނޑު މެންބަރުންގެ އަރިހުންނާއި އިއްޒަތްތެރި މަޖިލީހުގެ ރައީސްގެ އަރިހުން ވަރަށް ބޮޑަށް ނިހާޔަތަށް މައާފަށް އެދެން އަޅުގަނޑަށް ނާދެވުނީތީ،" ހައިދަރު ވިދާޅުވި އެވެ.

މިދިޔަ ހޯމަ ދުވަހު މަޖިލީހަށް ހޯމަ ދުވަހު ވަޑައިނުގެންނެވި ނަމަވެސް އެ ދުވަހު މިނިސްޓަރު ގަޑިއަށް އޮފީހަށް ވަޑައިގެން މަސައްކަތުގައި އުޅުއްވި އެވެ.

އެ ޖަލްސާއަށް ހައިދަރު ވަޑައިނުގެންނެވިއިރު، މިދިޔަ ޖުލައި 16، ގައި ބޭއްވި ޕެޓިޝަން ކޮމިޓީއަށް ވެސް އޭނާ ވަޑައިނުގަންނަވަ އެވެ. އެ ދުވަހު ވެސް އޭނާ ވަޑައިގެންނެވީ ކެބިނެޓު ބައްދަލުވުމަކަށެވެ.

މަޖިލީހުގައި އަމަލުކުރާ އުސޫލަކީ މެންބަރަކު މިނިސްޓަރަކާ ސުވާލެއް ކުރައްވާ ނަަމަ، މަޖިލީހުގެ އިދާރާއިން އެ ސުވާލު، މިނިސްޓަރަށް ލިއުމުން ފޮނުއްވައި، ޖަވާބުދެއްވަން ތައްޔާރުވެވަޑައިގެންނެވުމަށް 14 ދުވަހުގެ މުހުލަތެއް ދިނުމަށް ފަހު ޖަވާބު ދެއްވަން އެޖެންޑާ ކުރުމެވެ.

ގާނޫނުއަސާސީގެ 98 ވަނަ މާއްދާގެ ހ. ގައި ބުނެފައިވާ ގޮތުން ވަޒީރުންގެ މަޖިލީހުގެ މެންބަރުން މަޖިލީހަށް ހާޒިރު ކުރުމަކީ އެ މަޖިލީހަށް ލިބިގެންވާ ބާރެކެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox