ސަރުކާރުގެ ހާރިޖީ ސިޔާސަތު ބައްޓަން ކުރާނީ ޕޯޑިއަމްތަކުގައެއް ނޫން: އާޒިމާ

ސަރުކާރުގެ ހާރިޖީ ސިޔާސަތު ބައްޓަން ކުރާނީ ޕޯޑިއަމްތަކުގައެއް ނޫން: އާޒިމާ

ސަރުކާރުގެ ހާރިޖީ ސިޔާސަތު ބައްޓަންކުރާނީ ޕޯޑިއަމްތަކުގައި ނޫން ކަމަށް ކުރީގެ ބަންޑާރަނައިބު އާޒިމާ ޝަކޫރު ވިދާޅުވެއްޖެ އެވެ.

ޕޮލިސީއެމްވީ އިން ގާނޫނުއާސާސީ ރިވިއު ކުރުމުގެ މަސައްކަތް ފަށަން ރޭ ބޭއްވި ފޯރަމެއްގައި އާޒިމާ ވިދާޅުވީ ހާރިޖީ ސިޔާސަތުތައް ޕޯޑިއަމްތަކުގައި ބައްޓަންކުރާނަމަ އެއީ ގައުމީ ސަލާމަތަށް ބޮޑު މައްސަލައެއް ކަމަށާއި އެފަދަ ވާހަކަތައް ދައްކަން ޖެހޭނީ ސްޓްރެޓެޖިކް ރޫމްތަކުގައި ކަމަށެވެ.

ރާއްޖެއަކީ ތިންވަނަ ދުނިޔޭގެ ގައުމެއް ނޫންކަން ފާހަގަކުރައްވާ އާޒިމާ ވިދާޅުވީ މިއަދު ރާއްޖެއަކީ ބައިނަލްއަގުވާމީ ގާނޫނުގެ ތެރޭގައި އަމިއްލަ ހައްގު ހޯދަން ނުކުމެ އޮތް ގައުމެއް ކަމަށާއި އެހެންކަމުން ހާރިޖީ ސިޔާސަތަކީ އިލްމީ މީހުން ސްޓްރެޓެޖިކް ރޫމްތަކުގައި ދައްކަން ޖެހޭ ވާހަކަތަކެއް ކަމަށެވެ.

Advertisement

"މިއީ ނެޝަނަލް އިންޓްރެސްޓަށް ހުރި މައްސަލައެކޭ. މިއީ ގައުމީ ސިޔާސަތަށް ހުރި މައްސަލައެކޭ. އަޅުގަނޑުމެންގެ އޮށްޓަރެއް ނެތްކަން، އަޅުގަނޑުމެންގެ ވިސްނުން ނެތްކަން، އަޅުގަނޑުމެންގެ ސްޓްރެޓެޖީ ނެތްކަން އަޅުގަނޑުމެންގެ ޕޯޑިއަމްތަކުގެ ތެރޭގައި ބޭރު މީހުންނަށް ކިޔައިދޭކަށް ނުޖެހޭ. ހަމަ ރަނގަޅަށް މި ދެންނެވީ. ވަރަށް އަސަރާއެކު މި ވާހަކަ މި ދެންނެވީ،" އޭނާ ވިދާޅުވި އެވެ.

އޭގެ އިތުރުން ރާއްޖެއަށް އެހީވާ ގައުމުތަކާ ނިކުމެ ޕަބްލިކްގައި ޖެހިގަންނަން ނުޖެހޭ ކަމަށާއި އެ ގައުމުތަކާ އެކު މަސައްކަތް ކުރަން އެނގޭނެ ތައުލީމީ މީހުން ރާއްޖޭގައި އެބަ ތިބި ކަމަށް ވެސް އާޒިމާ ވިދާޅުވި އެވެ.

އެއްވެސް ގައުމެއްގެ ފަސްޓް ޕޮލިސީއެއްގެ މާނައަކީ ނެޝަނަލް އިންޓްރެސްޓް ބާއްވާފައި ނެޝަނަލް އިންޓްރެސްޓްގެ ބައުންޑްރީގެ ބޭރުން އެ ގައުމަށް އިހްތިޔާރު ދިނުން ނޫން ކަމަށާއި އެއީ އެއްވެސް ހާލެއްގައި ރާއްޖެ ނުވަތަ އެ ގައުމެއްގެ ނެޝަނަލް އިންޓްރެސްޓް ކޮމްޕްރޮމައިޒްކުރާ ސިޔާސަތެއް ނޫން ކަމަށް ވެސް އޭނާ ވިދާޅުވި އެވެ.

އާޒިމާ މިހެން ވިދާޅުވެފައިވާއިރު މި ސަރުކާރުން ވެރިކަމަށް އައުމަށް އެންމެ ބޮޑަށް ޕޯޑިއަމްތަކުގައި ބޭނުންކުރި ސްލޯގަންއަކީ "އިންޑިއާ އައުޓް" އެވެ. އެއަށްފަހު ވެރިކަމަށް ވަޑައިގަތުމަށްފަހު ވެސް އިންޑިއާއާ އޮތް ގުޅުން ވަރަށް ބޮޑަށް ގޯސްވި އެވެ.

އެ ގުޅުން އެންމެ ބޮޑަށް ގޯސްވެގެން ދިޔައީ ސަރުކާރުގެ ޑެޕިއުޓީ މިނިސްޓަރުންތަކެއް އިންޑިއާގެ ބޮޑުވަޒީރު ނަރެންދުރަ މޯދީއަށް ކުޑައިމީސްކޮށް ސޯޝަލް މީޑިއާގައި ޕޯސްޓުތަކެއް ކުރުމުންނެވެ. އެއާއެކު، އެ ޑެޕިއުޓީ މިނިސްޓަރުން އަދިވެސް ސަސްޕެންޝަންގައި ތިބިއިރު، އިންޑިއާ ފަތުރުވެރިން ރާއްޖެ ނައުމަށް ބޮޑު ބޮއިކޮޓް ކެމްޕެއިނެއް ވެސް އެ ގައުމުގެ އެކްޓިވިސްޓުން ކުރި އެވެ.

ނަމަވެސް މި ސަރުކާރުން ފަހުން ޕޯޑިއަމްތަކުގައި ބުނަމުން އަންނަނީ ސަރުކާރުގެ ހާރިޖީ ސިޔާސަތަކީ "ނޭޝަން ފަސްޓް" ކަމަށެވެ. އެގޮތުން ބައިނަލްއަގުވާމީ އުސޫލުތަކަށް ތަބާވާ ހުރިހާ ގައުމަކާއެކު ވެސް ގާތް ގުޅުމެއް ބާއްވާނެ ކަމަށް ސަރުކާރުން އަންނަނީ ބުނަމުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox