އަނަސްގެ މަރަށް ހަތް އަހަރު ފުރުން ފާހަގަކުރަން މީދޫގެ މަގުބައްތިތައް މިރޭ ނިވާލަނީ

މީގެ ހަތް އަހަރު ކުރިން އަނިޔާވެރި ގޮތަކަށް މަރާލި އަނަސް -- ފޮޓޯ: އާއިލާ

މީގެ ހަތް އަހަރު ކުރިން އަނިޔާވެރި ގޮތަކަށް މަރާލި އަނަސް -- ފޮޓޯ: އާއިލާ

ދުޝްމަނެއް ކަމަށް ހީކޮށް ގޭންގަކުން ހަމަލާދީ މަރާލި ރ. މީދޫ، ފެންފިޔާޒުގޭ، މުހައްމަދު އަނަސްގެ މަރަށް ހަތް އަހަރު ފާހަގަކުރަން މީދޫގެ ހުރިހާ މަގުބައްތިތަކެއް ނިވާލައި ޝުއޫރު ފާޅު ކުރުމުގެ ހަރަކާތެއް އެރަށުގައި ކުރިއަށް ގެންދިޔުމަށް ތައްޔާރުވެއްޖެ އެވެ.

އެ ރަށު ހުރިހާ ރައްޔިތުން ބައިވެރިވާ އެ ހަރަކާތް ކުރިއަށް ގެންދަން ނިންމާފައި ވަނީ މިރޭ 9:15 އިން 9:30 އަށެވެ. އެއީ މީގެ ހަތް އަހަރު ކުރިން، ޖުލައި 31، 2017 ގައި އަނަސްގެ ގަޔަށް 24 ފަހަރު ވަޅި ހަރައި މަރާލި ވަގުތެވެ.

އޭނާ މަރާލީ ސައިކަލުތަކެއްގައި މޫނު ނިވާކޮށްގެން ދިޔަ ބަޔަކު، އަނަސްގެ ފަހަތުން ދުވަމުން ގޮސް ލިޓަސް ގަރާޖު އޭރު ހިންގަމުންދިޔަ ތަނަށް ވަދެގަނެ އެވެ.

Advertisement

މިރޭގެ ހަރަކާތާ ގުޅިގެން އަނަސްގެ ބޭބެ، އަބްދުﷲ ޝިޔާމް "އަދަދު" އަށް ބުނީ މިރޭ ކުރިއަށް ގެންދާ ހަރަކާތަކީ އަނަސް މަރާލިތާ ހަތް އަހަރު ފުރުނުއިރު ވެސް އިންސާފު ނުލިބޭތީ އެ ހިތާމައިގައި ކުރިއަށް ގެންދާ ހަރަކާތެއް ކަމަށެވެ.

"މިރޭ އޮންނާނީ ޝޫއޫރު ފާޅުކޮށްލުން ސައިލެންޓުކޮށް، އަނދިރީގައި އެ ވަގުތުކޮޅު، އަދިވެސް އަޅުގަނޑުމެން ހަމަ، އެއީ ހިތާމަވެރި ވަގުތުކޮޅެއްކަން، މުޅި ރަށަށް އަނދިރި ބަނަ ކަޅު ވަގުތުކޮޅެއްކަން ހާމަ ކުރަން މުޅި ރަށުގެ ރައްޔިތުން ޝާމިލުވެގެން ކުރިއަށް ގެންދާ ހަރަކާތެއް، މުޅި ރަށުގެ މަގުތައް އަނދިރި ކޮށްލައިގެން ކުރިއަށް ގެންދަނީ 9:15 އިން 9:30 އަށް،" ޝިޔާމް ބުންޏެވެ.

އަނަސްގެ މަރަށް މިރޭ ހަތް އަހަރު ފުރޭއިރު، ލިޓަސް ގަރާޖުގައި ހުރި ކެމެރާތަކަށް އަނަސް މަރާލި މަންޒަރުތައް ރިކޯޑުވެފައި ހުރި ނަމަވެސް އޭނާއަށް ހަމަލާ ދިންކަމުގެ ތުހުމަތު ކުރެވުނު ހަތް މީހުންގެ މައްޗަށް ކުށް ސާބިތު ނުވާ ކަމަށް ކްރިމިނަލް ކޯޓުން ވަނީ ފެބްރުއަރީ 25، ގައި ހުކުމް ކޮށްފަ އެވެ.

ދައުލަތުން ވަނީ އެ މައްސަލަ ހައިކޯޓުގައި އިސްތިއުނާފު ކޮށްފަ އެވެ.

އެ މައްސަލައިގައި ތޫނު އެއްޗެއް ބޭނުންކޮށްގެން ގަސްތުގައި މީހަކު މެރުމުގައި ބައިވެރިވުމުގެ ދައުވާ އުފުލާފައިވާ ހަތަރު މީހުންނަކީ ލ. ގަން، ތުނޑި، ޖުނައިހު އަބްދުﷲ އާއި ސ. ފޭދޫ, ވެސްޓަންވިލާ, ހަސަން މަހްފޫޒާއި، ތ. ކިނބިދޫ, ގުލްފާމުގޭ, މުހައްމަދު ޝާޒާއި، ދަފްތަރު ނަންބަރު 1746، ސިމާހް މޫސާ އެވެ.

ތޫނު އެއްޗެއް ބޭނުންކޮށްގެން ގަސްތުގައި މީހަކު މަރާލުމުގެ ދައުވާ ކުރި ތިން މީހުންނަކީ ޅ. ކުރެންދޫ އަސުރުމާގޭ އަހްމަދު ޒަޔާނާއި މ. ދިމިޝްގުގޭ އުސްމާން ޝަރީފް އަދި މ. ލޮނުމިދިލިގޭ އަފްރާހު އަބްދުއްރައްޒާގެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox