ހައިދަރުގެ ވާހަކަތައް ދޮގުކޮށް، ކަސްޓަމްސްއިން ބުނީ 100 ފްލެޓް ދޭން އެއްބަސްވި ކަމަށް

ކަސްޓަމްސްގެ އޮފީސް: ހައިދަރުގެ ވާހަކަތައް ދޮގުކޮށް، ކަސްޓަމްސްއިން ބުނީ 100 ފްލެޓް ދޭން އެއްބަސްވި ކަމަށް -- ފޮޓޯ: އަދަދު ފައިލް

ކަސްޓަމްސްގެ އޮފީސް: ހައިދަރުގެ ވާހަކަތައް ދޮގުކޮށް، ކަސްޓަމްސްއިން ބުނީ 100 ފްލެޓް ދޭން އެއްބަސްވި ކަމަށް -- ފޮޓޯ: އަދަދު ފައިލް

ހައުސިން މިނިސްޓަރު ޑރ. އަލީ ހައިދަރުގެ ވާހަކަތައް ދޮގުކޮށް، ގެދޮރުވެރިޔާގެ 4،000 ފްލެޓުގެ ތެރެއިން 100 ފްލެޓް ކަސްޓަމްސްއަށް ދިނުމަށް ކުރީ ސަރުކާރުން ނިންމި ނިންމުމާ އެއްގޮތަށް، އެ ފްލެޓްތައް ކަސްޓަމްސްއަށް ދިނުމަށް ހައުސިން މިނިސްޓްރީން އެއްބަސްވި ކަމަށް ކަސްޓަމްސްއިން ނެރުނު އިންޓާނަލް މެމޯއެއްގައި ބުނެފި އެވެ.

"އަދަދު" އަށް ކޮޕީ ލިބިފައިވާ އެ މެމޯގައި ބުނީ އެތަނުގެ މުވައްޒަފުންނަށް ބޯހިޔާވެހިކަން ފޯރުކޮށްދިނުމާ ގުޅޭގޮތުން ހައުސިން މިނިސްޓްރީއާއި ހައުސިން ޑިވެލޮޕްމަންޓް ކޯޕަރޭޝަނާއެކު މަޝްވަރާކޮށްގެން ކުރިއަށް ގެންދިޔުމަށް ހުށަހަޅާ އޮޕްޝަންތަކެއް ހުށަހެޅުމަށް ރައީސް އޮފީހުން ފެބްރުއަރީ، 25 ގައި އެދިފައިވާތީ އެކަމާ ގުޅޭގޮތުން މާޗު، 18، ގައި ކަސްޓަމްސްއާއި މިނިސްޓަރު ހައިދަރުއާއެކު ބައްދަލުވުމެއް ބޭއްވި ކަމަށެވެ.

އެ ބައްދަލުވުމުގައި ގެދޮރުވެރިޔާ ޕްރޮގްރާމުގެ ދަށުން މުވައްޒަފުންނަށް ދިނުމަށް ނިންމާފައިވާ 100 ފްލެޓު، އިތުރު ބަދަލެއް ނުގެނެސް ކުރިން ވެސް ނިންމާފައިވާ ގޮތަށް މުވައްޒަފުންނަށް ދިނުމަށާއި ކަސްޓަމްސްގެ އިތުރު މުވައްޒަފުންނަށް ފްލެޓް އެޅުމަށް ބޭނުންވާ ބިމެއް ހައުސިން ޑިވެލޮޕްމަންޓް ކޯޕަރޭޝަނާ ގުޅިގެން ހޯދުމަށް އެއްބަސްވެވުނު ކަމަށް ކަސްޓަމްސްއިން ބުނެ އެވެ.

ނަމަވެސް ރައްޔިތުންގެ މަޖިލީހުގެ ޕެޓިޝަން ކޮމިޓީގައި ހައިދަރު ވިދާޅުވީ 4،000 ފްލެޓުގެ ތެރޭގައި ކަސްޓަމްސްއަށް 100 ފްލެޓު ދިނުމަށް އޮތް ކަމެއް މިހާތަނަށް ފާހަގަކުރެވިފައި ނުވާ ކަމަށާއި އެ 100 ފްލެޓް ކަސްޓަމްސްގެ ވެރިން އެތަނުގެ މުވައްޒަފުންނަށް ހޯދައި ދިނުމުގެ ޝައުގުވެރިކަމެއް ނެތް ކަމަށެވެ.

އެހެން ނަމަވެސް ކަސްޓަމްސްގެ މެމޯގައި ބުނީ އެ 100 ފްލެޓު ލިބޭ ކަސްޓަމްސްގެ މުވައްޒަފުން ކަނޑައެޅުމަށްފަހު މިދިޔަ އަހަރުގެ ނޮވެމްބަރު، 16 ގައި އެ ލިސްޓު ހައުސިން މިނިސްޓްރީއަށް ފޮނުވި ކަމަށައި ނަމަވެސް ފްލެޓުގެ ކަންތަކާ ގުޅިގެން ހައުސިން މިނިސްޓްރީން އަމަލުކުރާ ގޮތް ބެލުމަށް އަޕްޑޭޓެއް ހޯދުމަށް ފެބްރުއަރީ، 17 ފޮނުވި ސިޓީއަށް ލިޔުމުން ޖަވާބެއް ނުލިބޭ ކަމަށެވެ.

ކަސްޓަމްސްގެ މުވައްޒަފުންގެ ހައްގުތައް ކަށަވަރު ކުރުމާއި، މުވައްޒަފުންގެ ވެލްފެއާއަށް ކުރަންޖެހޭ ކަންކަން ކުރުމަކީ ކަސްޓަމްސްއިން އެންމެ އިސްކަން ދޭނެ ކަންތައްތައްކަން ފާހަގަކޮށް ކަސްޓަމްސްއިން ބުނީ 100 ފްލެޓު ހޯދުމުގެ އިތުރުން ކަސްޓަމްސްގެ މުވައްޒަފުންނަށް ފްލެޓު އެޅުމަށް ބޭނުންވާ ބިން ހޯދުމަށްޓަކައި ކުރަން ޖެހޭ މަސައްކަތް ސަރުކާރާއި ކަމާބެހޭ އިދާރާތަކާ ގުޅިގެން ކުރަމުންދާ ކަމަށެވެ.

ކަސްޓަމްސްއަށް 100 ފްލެޓު ދިނުމަށް ކުރީގެ ރައީސް އިބްރާހިމް މުހައްމަދު ސޯލިހު ނިންމަވައި، ރައީސް އޮފީހުން މިދިޔަ އަހަރުގެ ސެޕްޓެމްބަރު، 19 ގައި އެކަން ސިޓީއަކުން ކަސްޓަމްސްއަށް އެންގި އެވެ. އެއީ ތިން ކޮޓަރީގެ 85 ފްލެޓާއި، ދެ ކޮޓަރީގެ 15 ފްލެޓެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox