ޕޮއިޒްއިން "އޭން އިވްނިން ވިތު ޕޮއިޒް" ގެ ނަމުގައި މިދިޔަ ދެ ދުވަހު ބޭއްވި ކާމިޔާބުކަމާއެކީ ނިންމާލައި، ލަކީ ޑްރޯގެ ނަސީބުވެރިޔާއާ އިނާމު ހަވާލުކޮށްފި އެވެ.
ސެމްސަންގް ގެލެކްސީ S23 ފޯނު ލިބޭ ލަކީ ޑްރޯގައި ބައިވެރިވާން ފުރުސަތު ލިބުނީ އިވެންޓުގެ ތެރެއިން ވިޔަފާރިކޮށްގެން ސެންޓުފުޅިއެއް ގަތް މީހުންނަށެވެ. އެގޮތުން ގުރުއަތުން ހޮވިގެން އެ ފޯނު ލިބުނީ އައިމިނަތު ޖުމާނާ އަށެވެ.
އިވެންޓުގައި ޕޮއިޒްއިން ވިއްކާ 12 ބްރޭންޑެއްގެ 12 ސްޓޯލު ބެހެއްޓައި، ހުރިހާ އުމުރުފުރާއަކަށް ހާއްސަކޮށްގެން ގޭމްތައް ބޭއްވައި، ހިލޭ އިނާމުތައް ވެސް ވަނީ ބަހާފަ އެވެ.
ޕޮއިޒްގެ އެމްޑީ އިލްޔާސް މުހައްމަދު "އަދަދު" އަށް ވިދާޅުވީ މިދިޔަ އަހަރުން ފެށިގެން ބާއްވާ މި އިވެންޓަކީ އެ ފިހާރައިން ވިއްކާ އުފެއްދުންތައް އެއްތަނަކުން ދައްކާލައި، ވީހާވެސް ގިނަ ބަޔަކަށް ތަޖުރިބާކޮށްލަން ފުރުސަތު ދިނުމުގެ ގޮތުން ބޭއްވި އިވެންޓެއް ކަމަށެވެ.
ޕޮއިޒްއިން އަންނަނީ ނަން މަޝްހޫރު ޕާފިއުމްސްއާއި ސްކިން ކެއާ އަދި ހެއާ ކެއާގެ އޮރިޖިނަލް އުފެއްދުންތައް ވިއްކަމުންނެވެ.
ޕޮއިޒްއިން އަންނަނީ މިދިޔަ އަހަރުން ފެށިގެން އެ އިވެންޓު ބާއްވަމުންނެވެ. އެގޮތުން މިދިޔަ އަހަރު ހުޅުމާލޭގެ ރުއްގަނޑު ސަރަހައްދުގައި ވަނީ އެ އިވެންޓު ކާމިޔާބުކަމާއެކު ބާއްވާފަ އެވެ.
