މޯލްޑިވިއަން އިން އޭ-330 ބޯޓުގެ ދަތުރުތައް ނޮވެމްބަރު މަހު ފަށަނީ

އޭ 330-200 ގެ މަތިންދާ ބޯޓެއް ކުއްޔަށް ހިފުމަށް، އައިލެންޑް އޭވިއޭސަން ސާވިސް (އައިއޭއެސް) އާއި ޓްރޯނޯޑް އާ އެކު އިއްޔެ އެއްބަސްވުމުގައި ސޮއި ކުރުމުގެ ރަސްމިއްޔާތު -- ފޮޓޯ/ އައިއޭއެސް

އޭ 330-200 ގެ މަތިންދާ ބޯޓެއް ކުއްޔަށް ހިފުމަށް، އައިލެންޑް އޭވިއޭސަން ސާވިސް (އައިއޭއެސް) އާއި ޓްރޯނޯޑް އާ އެކު އިއްޔެ އެއްބަސްވުމުގައި ސޮއި ކުރުމުގެ ރަސްމިއްޔާތު -- ފޮޓޯ/ އައިއޭއެސް

އައިލެންޑް އޭވިއޭޝަން ސާވިސް (އައިއޭއެސް) އިން ޓްރޫނޯޑް ކުންފުންޏާ އެކު އިއްޔެ ވި އެއްބަސްވުމުގެ ދަށުން ގެންނަ ފުރަތަމަ އެއާބަސް އޭ 330-200 މަތިންދާބޯޓުގެ ދަތުރުތައް މި އަހަރުގެ ނޮވެމްބަރު މަހުގެ ތެރޭގައި ފެށޭނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.

މިނިވަން ދުވަރުގެ ރަސްމީ ޖަލްސާގައި ޒުވާނުންގެ މަރުކަޒުގައި ރޭގައި ވާހަކަ ދައްކަވަމުން މުއިއްޒު ވިދާޅުވީ އައިއޭއެސް އިން ގެންނަ ބޯޓު ޗައިނާ އާއި އެނޫން ބައެއް ދުރު މަންޒިލުތަކަށް ދަތުރު ކުރާނެ ކަމަށެވެ.

"މިއަދު އަޅުގަނޑުމެން މި ސޮއި ކުރީ އެއާބަސް އާ އެކީގައި، އޭ 330 ވައިޑްބޮޑީ އެއާކްރާފްޓެއް ހޯދީ، އެއީ އަޅުގަނޑުމެންގެ މެނިފެސްޓޯގައި ލިޔެފައި އޮތް އެއްކަންތައް، ފަތުރުވެރިކަން ކުރިއެރުވުމަށްޓަކައި، އޭރުން ނޮން ސްޓޮޕް ޑައިރެކްޓް ފްލައިޓްތައް ޗައިނާގެ އެތައް ޑެސްޓިނޭޝަނަކާއި އަދި ދުރު އެހެން ދިމަދިމާލަށް ވެސް ޓޫރިޒަމް ފުޅާ ކުރެވިގެންދާނެ،" މުއިއްޒު ވިދާޅުވި އެވެ.

Advertisement

ރައީސް ވިދާޅުވީ އާ މަތިންދާ ބޯޓުގެ ދަތުރުތަކުގެ ސަބަބުން، ސަރުކާރުން މި އަހަރަށް ކަނޑައަޅާފައިވާ ދެ މިލިއަން ޓޫރިސްޓުންގެ ޓާގެޓަށްވުރެ ވެސް އިތުރަށް ޓޫރިސްޓުން ނެގެވޭނެ ކަމަށެވެ.

ވެލާނާ އިންޓަނެޝަނަލް އެއާޕޯޓް ތަރައްގީ ކުރުމުގެ މަސައްކަތާއި ބޭހޭ ގޮތުން ވެސް ރައީސްގެ ވާހަކަފުޅުގައި އަލިއަޅުއްވާލެއްވި އެވެ.

"މި އަހަރު ތެރޭގައި އިރާދަ ކުރެއްވިއްޔާ އޭރޯ ބްރިޖު ތަކުގެ ގިނަ ބްރިޖުތައް ބޭނުން ކުރަން ފެށުން އަމާޒަކީ. އިރާދަ ކުރެއްވިއްޔާ އެކަން ވާނެ. ދެން އަންނަ އަހަރު މެދަކާ ހަމައަށް ދާއިރު، އެއްކޮށް ނިންމާލެވޭނެ،" މުއިއްޒު ވިދާޅުވި އެވެ.

އެއާބަސް އާއެކު ސޮއި ކުރި ކަމަށް ރައީސް ވިދާޅުވި ނަމަވެސް، އައިއޭއެސް އިން އޭ 330-200 މަތިންދާބޯޓެއް ކުއްޔަށް ހިފުމަށް އިއްޔެ ސޮއިކުރީ މަތިންދާބޯޓު ކުއްޔަށް ދޫކުރުމުގެ ވިޔަފާރި ކުރާ ޓްރޫނޯޑް އާއެކު އެވެ. އެ އެއްބަސްވުމުގައި ސޮއި ކުރިކަން އިއުލާނު ކުރުން ފިޔަވާ، އެއްބަސްވުމާ ބެހޭ ތަފްސީލެއް އައިއޭއެސް އިން ހާމައެއް ނުކުރެ އެވެ.

އައިއޭއެސް އިން އޭ 330-200 މަރުކާގެ ބޯޓެއް ފަސް އަހަރު ދުވަހުގެ މުއްދަތަށް ކުއްޔަށް ހިފުމަށް އިއުލާނު ކުރީ މިދިޔަ ޑިސެމްބަރު މަހު އެވެ. އެއީ ގިނަވެގެން 406 ސީޓު ހަރުކުރެވޭ، 7،250 ނޯޓިކަލް މޭލުގެ ދުރުމިނުގެ މަންޒިލުކަތަށް ދިގު ދަތުރުތައް ކުރުމުގެ ގާބިލުކަން ހުރި ބޯޓެކެވެ. އޭގެ ބޯޓެއްގެ މަހު ކުއްޔަކީ ގާތްގަނޑަކަށް 250،000 ޑޮލަރެވެ.

އައިއޭއެސް އިން ވަނީ ބޯއިން 8-787 (ޑްރީމްލައިނާ) ގެ މަތިންދާ ބޯޓެއް ކުއްޔަށް ދޭނެ ފަރާތެއް ހޯދުމަށް ވެސް ޖެނުއަރީ މަހު އިއުލާނެއް ކޮށްފަ އެވެ. އަދި އޭ-319 ނުވަތަ އޭ-320 މަރުކާގެ އެއް ބޯޓު ހޯދުމަށް ވެސް މި އަހަރުގެ މޭ މަހު އިއުލާނު ކޮށްފައިވެ އެވެ.

ކޮމެންޓް

ފަހުގެ ޚަބަރު

ތިމަރަފުށްޓާއި ފޮނަދޫގައި ސިޓީ ހޮޓާ އަޅަން ހުޅުވާލައިފި

ތ. ތިމަރަފުށްޓާއި ލ. ފޮނަދޫގައި ފަތުރުވެރިކަން ފުޅާކުރުމަށްޓަކައި، އެ ދެ ރަށުގައި ސިޓީ ހޮޓާ އަޅައި ހިންގާނެ ފަރާތްތައް ހޯދުމަށް ޓޫރިޒަމް މިނިސްޓްރީން ބީލަމަށް ހުޅުވާލައިފި. މިއީ ރާއްޖޭގެ އެކި ސަރަހައްދުތަކަށް ފަތުރުވެރިކަން ފުޅާކުރުމަށް ސަރުކާރުން ގެންގުޅޭ ސިޔާސަތުގެ ދަށުން ކުރިއަށްގެންދާ މަސައްކަތެއް.

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

Newsletter

Get the latest news delivered straight to your inbox