ކުރިއަށް އޮތް އެމެރިކާގެ ރިޔާސީ އިންތިހާބުގައި ވާދަކުރައްވާ އެ ގައުމުގެ ރައީސް ޖޯ ބައިޑެން ކޮވިޑް-19 އަށް ޕޮޒިޓިވްވެ، ކެމްޕޭން އިވެންޓުތައް ކެންސަލްކޮށްފި އެވެ.
ވައިޓްހައުސްއިން ބުނީ ބައިޑެން ޑެލަވެއާއަށް ދަތުރުކުރައްވާ އަމިއްލަ ގެކޮޅުގައި އައިސޮލޭޓްވާނެ ކަމަށާއި އެއަށްފަހު ރައީސް ކަމުގެ މަސްއޫލިއްޔަތު އަދާކުރައްވަމުން ގެންދަވާނެ ކަމަށެވެ.
ބައިޑެން ގެކޮޅަށް ދަތުރުކުރެއްވުމުގެ ކުރިން ނޫސްވެރިންނާ ބައްދަލުކުރައްވާ ވިދާޅުވީ އެމަނިކުފާނުގެ ހާލު ސީރިއަސް ނޫން ކަމަށާއި އެނބުރި އަންނާނެ ކަމަށެވެ.
ބައިޑެން، 81 ކޮވިޑަށް ޕޮޒިޓިވްވީ އެމަނިކުފާނުގެ ސިއްހީ ހާލުކޮޅާމެދު ގިނަ ބަޔަކު ސުވާލު އުފައްދަމުން ދަނިކޮށެވެ. އެގޮތުން ރިޔާސީ އިންތިހާބުގައި ވާދަނުކުރެއްވުމަށް ބައިޑެން ނިންމެވުމުން ބޮޑެތި ފާޑުކިޔުންތައް އަންނަނީ އަމާޒުވަމުންނެވެ.
އެމެރިކާގެ ރިޔާސީ އިންތިހާބު އޮތީ ނޮވެމްބަރު، 5 ގަ އެވެ. އިންތިހާބުގައި ބައިޑެންއާ ވާދަކުރައްވަނީ އެ ގައުމުގެ ކުރީގެ ރައީސް ޑޮނަލްޑް ޓްރަމްޕް އެވެ.
