ޕްރޮޖެކްޓްތައް ދިގުލުމާއި މުދާ ނުބެލެހެއްޓުމުގެ މައްސަލަ އެމްއޭސީއެލްގައި ބޮޑު: އޮޑިޓް ރިޕޯޓް

މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ހިންގާ ވެލާނާ އިންޓަނެޝަނަލް އެއާޕޯޓު-- އަދަދު ފައިލް ފޮޓޯ

މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ހިންގާ ވެލާނާ އިންޓަނެޝަނަލް އެއާޕޯޓު-- އަދަދު ފައިލް ފޮޓޯ

ޕްރޮޖެކްޓްތައް މުއްދަތަށް ނުނިންމުމާއި މުދަލާއި ފައިސާގެ ކަންކަން ބެލެހެއްޓުމުގައި ގޯސްތައް ހުރިކަން މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)ގެ 2021 ވަނަ އަހަރުގެ އޮޑިޓް ރިޕޯޓުގައި ފާހަގަ ކޮށްފި އެވެ.

މިދިޔަ ބުދަ ދުވަހު އާންމުކުރި އޮޑިޓް ރިޕޯޓުގައި އެމްއޭސީއެލް އިން ލޭންދޭނަށް ދޫކުރާ މުދަލަށް އަނބުރާ ފައިސާ ނުލިބުމުގެ މައްސަލަ އާއި ޕްރޮޖެކްޓްތައް ނުނިމި ދިގުލައިގެން ދިއުމާއި އެއާ ނެވިގޭޝަން ފީ މަދުން ނެގުމާއި މުދާ ނުބެހެއްޓުމުގެ މައްސަލަތައް ފާހަގަ ކޮށްފައިވެ އެވެ.

ރިޕޯޓުގައި ބުނެފައިވާ ގޮތުގައި އެމްއޭސީއެލް އިން ކުރިއަށްގެންދާ ޕްރޮޖެކްޓުތައް ކަނޑައަޅާފައިވާ ތާރީހަށް ނުނިމި ވަރަށް ބޮޑުތަން ދިގުލައިގެ ދާކަން އޮޑިޓުން ވަނީ ފާހަގަވެފަ އެވެ. މިގޮތުން، މިދިޔަ އަހަރުގެ މޭ މަހު ހަލާތު ބެލި ބައެއް ޕްރޮޖެކްޓް ތަކަކީ އޭގެ އެތައް ދުވަހެއް ކުރިން ނިމެންޖެހޭ ޕްރޮޖެކްޓް ތަކަކަށްވި ނަމަވެސް އޭރުވެސް ނިމިފައި ނުވާކަން ފާހަގަ ކޮށްފައިވެ އެވެ. މިގޮތުން 2017 ވަނަ އަހަރާއި 2020 ވަނަ އަހަރާ ދެމެދު ފަށައި 2018 އަދި 2020 ވަނަ އަހަރުގެ ތެރޭގައި ނިންމަން ޖެހޭ ހަ ޕްރޮޖެކްޓެއް 2023 ގެ މޭ މަހާއި ހަމައަށް އައިރުވެސް ނިމިފައި ނުވާކަން ފާހަގަ ކޮށްފައިވެ އެވެ.

އެމްއޭސީއެލްގެ އޮޑިޓް ރިޕޯޓުގައި ވާ ގޮތުން އެއާ ނެވިގޭޝަން ފީ ނެގުމުގައި އެ ކުންފުނިން އިހުމާލުވެ، އަމަލުކުރަމުން ދަނީ ކަނޑައަޅާފައިވާ ގޮތާއި ހިލާފަށެވެ. އެއާލައިން ތަކުން އަގު ނެގުމުގައި ނަގަން އޮންނަ އަގަށްވުރެ ކުޑަކޮށް އަގު ނަގާފައިވާކަން ވަނީ ރިޕޯޓުގައި ފާހަގަކޮށްފަ އެވެ.

އޮޑިޓް ރިޕޯޓުގައި ބުނެފައިވާ ގޮތުގައި، 2021 ވަނަ އަހަރަށް ބަލާއިރު، އެއާ ނެވިގޭޝަން ޗާޖުގެ ގޮތުގައި ލިބުނު 1.2 މިލިއަން ޑޮލަރުގެ ދެގުނަ، އެ ހިދުމަތަށް އަގުނަގަން އޮންނަ ގޮތަށް އަގު ނެނގިނަމަ ލިބުނީހެވެ.

އެމްއޭސީއެލްގެ ގިނަ ދުވަސްވީ ދަރަންޏަށް ބަލާއިރު، އެކި ފަރާތްތަކުން އެ ކުންފުންޏަށް ނުލިބި 776 މިލިއަން ރުފިޔާ އެބަ އޮތްކަން އޮޑިޓް ރިޕޯޓުގައި ފާހަގަ ކޮށްފައިވެ އެވެ. އޭގެ ތެރެއިން 52 ޕަސެންޓަކީ ސަރުކާރު ހިއްސާވާ ކުންފުނިތަކުން ނުލިބިވާ ފައިސާ އެެވެ. އެއް ކުންފުންޏަކުން އެންމެ ބޮޑު އަދަދެއްގެ ގޮތުގައި 351 މިލިއަން ރުފިޔާ އައިލެންޑް އޭވިއޭޝަން ސާވިސް (އައިއޭއެސް) އިން އެމްއޭސީއެލް އަށް ނުލިބި އެބައޮތެވެ.

ކުންފުނީގެ ރިސްކު މެނޭޖުކުރުމަކީ ބޯޑުގެ ޒިންމާ އަކަށްވާއިރު، ރިސްކް މެނޭޖުމަންޓް ޑިޕާޓްމަންޓުގައި ހުރީ އެންމެ މުވައްޒަފެއް ކަމާއި، އެ ޔުނިޓުން ކުރާ ކަމަކީ ހަމައެކަނި އެއާޕޯޓުގެ ސަލާމަތީ ކަންކަން ބެލުން ކަމަށް އޮޑިޓް ރިޕޯޓުގައި ބުނެފައިވެ އެވެ. އަދި ކުންފުނީގެ ހަރުމުދާ ހަމައަށް ހުރިކަން ޔަގީން ނުކުރާތާ އަހަރުތަކެއް ވެފައިވާއިރު، ރަޖިސްޓްރީގައި ހިމެނޭ ބައެއް މުދާ ވީރާނަވެ ގޮސްފައި ވެދާނެ ކަމާއި އިންވެންޓްރީ ބެލެހެއްޓުން ދޯދިޔާކަމަށް ވެސް އެ ރިޕޯޓުގައި ވެ އެވެ.

އެމްއޭސީއެލް އަށް ޑިޔުޓީފްރީ ވިޔަފާރިން 384 މިލިއަން ރުފިޔާ 2021 ވަނަ އަހަރު ލިބިފައިވެ އެވެ. އޮޑިޓް ރިޕޯޓުގައި ވާ ގޮތުގައި ޑިއުޓީޕްރީ ގެ ވިޔަފާރީގެ ހިސާބު މެނުއަލް ކޮށް ސިސްޓަމަށް އެޅުމަކީ އާމްދަނީ ގެއްލުމުގެ ރިސްކް އޮތް ކަމެކެވެ.

ކޮމެންޓް

ފަހުގެ ޚަބަރު

ތިމަރަފުށްޓާއި ފޮނަދޫގައި ސިޓީ ހޮޓާ އަޅަން ހުޅުވާލައިފި

ތ. ތިމަރަފުށްޓާއި ލ. ފޮނަދޫގައި ފަތުރުވެރިކަން ފުޅާކުރުމަށްޓަކައި، އެ ދެ ރަށުގައި ސިޓީ ހޮޓާ އަޅައި ހިންގާނެ ފަރާތްތައް ހޯދުމަށް ޓޫރިޒަމް މިނިސްޓްރީން ބީލަމަށް ހުޅުވާލައިފި. މިއީ ރާއްޖޭގެ އެކި ސަރަހައްދުތަކަށް ފަތުރުވެރިކަން ފުޅާކުރުމަށް ސަރުކާރުން ގެންގުޅޭ ސިޔާސަތުގެ ދަށުން ކުރިއަށްގެންދާ މަސައްކަތެއް.

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

Newsletter

Get the latest news delivered straight to your inbox