ނާޒިމް ވިދާޅުވަނީ ރައްޔިތުންގެ ގުރުބާނީއާ ގާތްކުރާ ހިދުމަތެއް ނުދެވޭ ކަމަށް

ރައްޔިތުންގެ މަޖިލީހުގެ ނައިބުރައީސް އަހުމަދު  ނާޒިމް  ޖަލްސާއެއްގެ ރިޔާސަތު ބަލަހައްޓަވަނީ. މަޖިލީހުގެ މަސައްކަތް އިސްލާހުކުރަން ޖެހޭ ކަމަށް އޭނާ ގަބޫލުކުރައްވާ. ފޮޓޯ: މަޖިލީހުގެ އިދާރާ

ރައްޔިތުންގެ މަޖިލީހުގެ ނައިބުރައީސް އަހުމަދު ނާޒިމް ޖަލްސާއެއްގެ ރިޔާސަތު ބަލަހައްޓަވަނީ. މަޖިލީހުގެ މަސައްކަތް އިސްލާހުކުރަން ޖެހޭ ކަމަށް އޭނާ ގަބޫލުކުރައްވާ. ފޮޓޯ: މަޖިލީހުގެ އިދާރާ

"ރައްޔިތުންގެ ގުރުބާނީއާއި އެމީހުންނަށް ލިބޭ ހިދުމަތާ ދެމެދު އޮތް ފަރަގު ބޮޑު" ކަމަށް، އިނގިރޭސި އާ ބޮޑުވަޒީރު ކިއާ ސްޓާމާ އޭނާގެ ފުރަތަމަ ތަގުރީރުގައި ވިދާޅުވި ވިދާޅުވުން ރާއްޖޭގެ ހާލަތާ ގުޅޭ ކަމަށް ރައްޔިތުންގެ މަޖިލީހުގެ ނައިބުރައީސް އަހުމަދު ނާޒިމް މިއަދު ވިދާޅުވެއްޖެ އެވެ.

ރައްޔިތުންގެ މަޖިލީހުގެ މެންބަރުންނަށް އަމާޒުކޮށްގެން ވެސްޓްމިންސްޓަރ ފައުންޑޭޝަން ފޮރ ޑިމޮކްރަސީން ކުރިއަށް ގެންދާ މަސައްކަތު ބައްދަލުވުމެއް ފަށަން ކްރޮސްރޯޑްސްގައި މިއަދު ބޭއްވި ރަސްމިއްޔާތުގައި ނާޒިމް ވިދާޅުވީ ވެރިކަން ކުރުމުގެ ވައްޓަފާޅިއާމެދު އަލުން ވިސްނައި، ބަދަލުތައް ގެނަސް، ކަންކަން އިސްލާހުކޮށް، ބައެއް ކަންކަން އަލުން މުރާޖައާ ކުރަން ޖެހޭ ކަމަށެވެ.

އެއާ އެކު އޭނާ ވިދާޅުވީ އިނގިރޭސި ބޮޑުވަޒީރު (ކިއާ ސްޓާމާ)ގެ ފުރަތަމަ ތަގުރީރުން، ކްއޯޓްކުރަން ( އޭނާ ވިދާޅުވެފައިވާ ގޮތަށް ބައެއް ނަކަލުކުރަން) މިއީ މުނާސަބު ވަގުތެއް ކަަމަށެވެ.

Advertisement

"ރައްޔިތުން ވެފައިވާ ގުރުބާނީއާއި ސިޔާސީ މީހުންގެ ފަރާތުން އެމީހުންނަށް ލިބޭ ހިދުމަތާ ދެމެދު އޮތް ފަރަގު މިހާ ބޮޑުވުމުން، ގައުމެއްގެ ހިތް ވަރުބަލިވާން މެދުވެރިވޭ. މީހުންގެ އުއްމީދުތައް ފޫދިގެންދޭ، ރޫހު ގެއްލޭ، އުޖާލާ މުސްތަގުބަލަކަށް ކުރާ އުއްމީދު ގެއްލޭ" އެހެން ވިދާޅުވެ ނާޒިމު ނަކަލު ކުރެއްވި ބައިގައި ސްޓާމާ ވިދާޅުވެފައި ވެ އެވެ.

ސްޓާމާގެ ތަގުރީރުން ނާޒިމް ނަކަލުކުރެއްވި ބައިގައި ދެން އޮތް ވާހަކައަކީ އެންމެން އެކުގައި ކުރިއަށް ދާން ޖެހޭ ވާހަކަ އެވެ. މީހުންގެ ހިތްތަކުގައި އުފެދިފައިވާ ޒަހަމް ފަސޭހަ ވާނީ ސްޓާމާ ވިދާޅުވެފައިވާ ގޮތުގައި ދައްކާ ވާހަކަތަކުން ނޫނެނެވެ. އަމަލީ ގޮތުން ކުރާ މަސައްކަތްތަކަކުންނެވެ.

ނާޒިމް ވިދާޅުވި ގޮތުގައި ރައްޔިތުންގެ މަޖިލީހުގެ ތަޅުމުން އިވެނީ އެފަދަ ވާހަކަތަކެކެވެ.

"އަޅުގަނޑުމެން ކުރަން ޖެހޭ މަސަައްކަތް ސާފު،" އޭނާ ވިދާޅުވި އެވެ.

އެއާ އެކު އޭނާ ދެއްވީ މަޖިލީހުގައި މިހާރު އެޑްރެސް ކުރަން ޖެހިފައިވާ ކަންތައްތަކެއްގެ ލިސްޓެކެވެ.

މަޖިލީހުގައި އެޑްރެސް ކުރަން ޖެހިފައިވާ ކަންތައްތައް

- ކަންތައްތައް ހިނގާ ނުހިނގާ ގޮތް ބެލުމާއި ޒިންމާދާރުކުރުމުގެ މަސައްކަތް ކުރުމަށް ޓަކައި ކޮމިޓީތަކުގެ ނިޒާމު ހަރުދަނާކުރުން.

- ކަންކަން ގާތުން ބެލުމާއި ރިޕޯޓްކުރުމުގެ ނިޒާމު ހަރުދަނާކޮށްގެން ޓްރާންސްޕޭރެންސީއާއި ޒިންމާދާރުކުރުވުން ހަރުދަނާކުރުން

- އައުޓްރިޗް ޕްރޮގްރާމްތަކާއި ރައްޔިތުން ބައިވެރިވާ ޕްލެޓްފޯމްތައް އުފައްދައި ރައްޔިތުންނާ ގާތުން މަސައްކަަތް ކުރުން

އެ ކަންތައްތަކަށް އެޑްރެސް ކުރަން ޖެހޭކަން ފާހަގަކުރައްވައި އޭނާ ވިދާޅުވީ މިނިވަން ގާނޫނުހަދާ މަޖިލީހެެއްގެ މުހިއްމުކަމުގެ ވާހަކަ ދައްކައި ކޮޅުން ނުލާނެ ކަމަށެވެ. ބާރުގެ ބޭނުން ނަހަމަ ގޮތުގައި ހިފުން ހުއްޓުވުމަށް ޓަކައި ޑިމޮކްރަސީ ހަރުދަނާކޮށް، ބާރުތައް ވަކިވެފައި އޮތުން ކަށަވަރުކުރަން ޖެހޭ ކަމަށް ވެސް ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox