މިއުނިކް (ޖުލައި 10) - ޔޫރޯ ފުޓުބޯޅަ މުބާރާތުގެ ގްރޫޕް ސްޓޭޖުގައި ޕޯޗުގަލުން ތުރުކީ އާ ދެކޮޅަށް ކުޅުނު މެޗަށްފަހު, ޕޯޗުގަލްގެ ތަރި ކްރިސްޓިއާނޯ ރޮނާލްޑޯ, ތުރުކީގެ ޒުވާން މިޑްފިލްޑަރު އަރްދާ ގުލާ އަށް އޭނާގެ ޖާޒީ ހަދިޔާ ކޮށްފި އެވެ.
ޕޯޗުގަލުން 3-0 ގެ ނަތީޖާ އަކުން ތުރުކީގެ މައްޗަށް ކުރިހޯދި މެޗަށްފަހު ރޮނާލްޑޯ ގުލާ އަށް އޭނާގެ ޖާޒީ ހަދިޔާ ކުރީ ތުރުކީގެ ޗޭންޖިންގް ރޫމަށް ގޮސްފަ އެވެ.
މީޑިއާ އަކަށް ދިން އިންޓަވިއުއެއްގައި ގުލާ ބުނީ މެޗު ނިމުމުން, ރޮނާލްޑޯގެ ޖާޒީ އެއް ބޭނުންވެ ހުރި ކަމަށެވެ. އެކަމަކު، ރޮނާލްޑޯ ކައިރީ ބުނަން ނުކެރި ހުރީ ކަމަށް ގުލާ ބުންޏެވެ. ރޮނާލްޑޯ ކައިރީ ބުނުމުގެ ބަދަލުގައި ގުލާ އިހުތިޔާރުކުރީ އޭނާގެ ޕޯޗުގަލްގެ ޒުވާން ފޯވާޑް, ޖާއޯ ފީލިކްސް ކައިރީ ރޮނާލްޑޯގެ ޖާޒީ އެއް ހޯދައިދިނުމަށް އެދުމަށެވެ.
"މެޗު ނިންމާފައި އަހަރެން ހުރީ ރޮނާލްޑޯގެ ޖާޒީ ބޭނުންވެފަ. އެކަމަކު ރޮނާލްޑޯ ކައިރީ އެހަން އަހަރެން އަށް ނުކެރުނީ. އެހެންވެ, އަހަރެން އެހީ ފީލިކްސް ކައިރީ. ފީލިކްސް އަކީ އަހަރެންގެ ކުރީއްސުރެ ރައްޓެއްސެއް." ގުލާ ބުންޏެވެ.
ގުލާ ބުނީ އޭނާ އަށް ހައިރާންކަން ލިބުނީ ރޮނާލްޑޯ އޭނާގެ ޖާޒީ ހިފައިގެން ތުރުކީގެ ޗޭންޖިންގް ރޫމަށް ދިއުމުން ކަމަށެވެ. އަދި އެ މެޗަށްފަހު, ރޮނާލްޑޯ ތުރުކީ ކުޅުންތެރިންނާ ބައްދަލުކުރި ކަމަށް ގުލާ ބުންޏެވެ.
"ރޮނާލްޑޯ ޖާޒީ ހިފައިގެން އައީ އަހަރެމެން ޓީމު ޗޭންޖިންގް ރޫމަށް. އައިސް އަހަރެން އަށް ޖާޒީ ހަދިޔާ ކުރީ. މި ފެންވަރުގެ ކުޅުންތެރި އެއް އެގޮތަށް އަމަލުކުރުމުން އަހަރެން އަށް ލިބުނީ ހައިރާން ކަމެއް. އެކަމަކު އަހަރެންގެ އައިޑަލް އާ ބައްދަލުވުމުން މިހުރީ އުފަލުން" ގުލާ ބުންޏެވެ.
ފުޓުބޯޅަ ކެރިޔަރުގައި ގުލާ އައިޑަލުންގެ ގޮތުގައި ބަލަނީ ޖަރުމަނުގެ މިޑްފިލްޑަރު މެސެޓް އޮޒިލް އާއި ޕޯޗުގަލްގެ ތަރި ކްރިސްޓިއާނޯ ރޮނާލްޑޯ އެވެ.
