ފްރާންސްގެ ކުޅުން "ފޫހި" ކަމަށް ބުނާ މީހުންނަށް ޑެޝޯޕްމްސްގެ ރައްދެއް

Jul 9, 2024, 5:35 AM
ފްރާންސްގެ ކުޅުން "ފޫހި" ކަމަށް ބުނާ މީހުންނަށް ޑެޝޯޕްމްސްގެ ރައްދެއް

މިއުނިކް (ޖުލައި 9) - މި އަަހަރުގެ ޔޫރޯގައި ފްރާންސް އިން ކުޅެފައިވާ "ފޫހި" ފުޓްބޯޅައެއް ކަމަށްވާ ބުނެ، ފާޑުކިއުންތައް އަމާޒުކުރާ ފަރާތްތަކަށް އެ ޓީމުގެ ކޯޗު ޑިޑިއޭ ޑެޝޯމްޕްސް ވަނީ މިރޭ ކުޅޭ ޔޫރޯގެ ސެމީ ފައިނަލްގެ ކުރިން ރައްދު ދީފި އެވެ.

ޔޫރޯގެ ސެމީ ފައިނަލްގައި މިރޭ ސްޕެއިންއާ ދެކޮޅަށް ފްރާންސް ނުކުންނައިރު، މި މުބާރާތުގައި ފްރާންސް މިހާތަނަށް ދައްކަމުންދާ ކުޅުމަށް ގިނަ ފާޑުކިއުންތައް ވަނީ އަމާޒުވެފައެވެ.

ގިނަ ފާޑުކިއުންތައް އަމާޒުވަނީ ފްރާންސަށް ބެލުންތެރިން ބަލާހިތްވާ ފަދަ ކުޅުމެއް ނުދެއްކޭތީއެވެ. މުބާރާތުގެ ފޭވަރިޓެއްގެ ގޮތުގައި އޮތް ފްރާންސްއަށް އަދި މިހާތަނަށް މި އަހަރުގެ ޔޫރޯގައި "އޯޕަން ޕްލޭ" އިން ލަނޑެއް ނުޖެހެއެވެ. މިހާތަނަށް ޖެހި ތިން ގޯލުގެ ތެރެއިން ދެ ގޯލަކީ ބައިކޮޅަށް ވަތް ގޯލެެވެ. ދެން ލަނޑެއް ކާމިޔާބުކުރީ ޕެނަލްޓީއަކުންނެވެ.

Advertisement

މިރޭ ކުޅޭ ސެމީ ފައިނަލްގެ ކުރިން އޮތް ނޫސްވެރިންގެ ބައްދަލުވުމުގައި ފްރާންސް އިން "ފޫހި" ފުޓްބޯޅައެއް ކުޅޭ ކަަމަށް ބައެއް ފަރާތްތަކުން ސިފަކުރާތީ ނޫސްވެރިޔަކު ސުވާލުކުރުމުން ޑެޝޯމްޕްސް ވަނީ އެކަމަށް ރައްދު ދީފައެވެ.

"ފްރާންސްގެ ފުޓްބޯޅަ ބަލަން ފޫހިވަންޏާ އެހެން މެޗެއް ބަލާ. ފްރާންސް ކުޅޭތަން ބަލާކަށް ނުޖެހޭ. އެއީ މަައްސަލައެއް ނޫން،" ޑެޝޯމްޕްސް ބުންޏެވެ. "ފަހަރެއްގައި މާޒީގައި ފްރާންސް އިން ދެއްކި ކުޅުން ނުފެނިދާނެ. އެހެންވިޔަސް، ފްރާންސްއަށް މި ދަތި ދަނޑިވަޅުގައިވެސް، ފްރާންސްގެ ރައްޔިތުންނަށް ހިނުތުންވުމަކާއި އުފާވެރިކަން ގެނެވޭނެ ފެންވަރު މި ޓީމުގައި ހުންނާނެ."

ޑެޝޯމްޕްސްގެ ފޯވާޑުންގެ ދިފާއުގައި

ފްރާންސްގެ ލަނޑު މަދުުވުމުގެ އެންމެ ބޮޑު އެއް ސަބަބަކީ ކެޕްޓަން ކިލިއަން އެމްބާޕޭ އާއި އެންޓުއާން ގްރީޒްމަންގެ ފޯމު ދަށްވުމެވެ.

މި އަހަރުގެ ޔޫރޯގައި ކުޅުނު ފުރަތަމަ މެޗުގައި ނޭފަތަށް ލިބުނު އަނިޔާއަކާ ގުޅިގެން އެމްބާޕޭ ދެންހުރި މެޗުތައް ކުޅުނީ މޫނު މަތީގައި މާސްކެއް އަޅައިގެނެވެ. އެހެންކަމުން އެމްބާޕޭއަށް އަސްލު ފެންވަރު ދެއްކުމަށް އުނދަގޫތަކެއް ވަނީ ކުރިމަތިވެފައެވެ.

ގަތަރުގައި 2022 ވަނަ އަހަރު އޮތް ޥޯލްޑް ކަޕްގައި ފްރާންްސް އިން 16 ލަނޑު ޖެހިއިރު، އޭގެ ތެރެއިން 8 ލަނޑު ޖެހީ އެމްބާޕޭއެވެ.

މިރޭގެ ސެމީގައިވެސް ފްރާންސްގެ ފުރަތަމަ 11ގައި އެމްބާޕޭ ކުޅޭނެ ކަމަށް ބެލެވެއެވެ. ޑެޝޯމްޕްސް ބުނީ މާސްކެއް އަޅައިގެން ކުޅެންޖެހުމަކީ ފަސޭހަކަމެއް ނޫން ކަމަށާއި މިރޭ ސްޕެއިންއާ ދެކޮޅަށްވެސް އެމްބާޕޭ "ކުރެވެން އޮތް ހުރިހާ މަސައްކަތެއް ކުރާނެ" ކަމަށެވެ.

ފްރާންސްގެ މުހިންމު ކުޅުންތެރިއެއް ކަމަށްވާ ގްޒީޒްމަނަށް އަދި މުބާރާތުގައި ލަނޑެއް ނުޖެހއެވެ.

މުބާރާތުގައި އެންމެ މޮޅު ކުޅުމެއް ދެއްކީ ސްޕެއިން

މި އަހަރުގެ ޔޫރޯގައި ސައްތައިން ސައްތަ ރެކޯޑަކާއެކު އޮތް ހަމައެކަނި ޓީމަކީ ސްޕެއިންނެވެ.

އެހެންކަމުން މިރޭގެ ސެމީ ފައިނަލްގެ ކުރިން ފްރާންސްގ ކޯޗު ޑެޝޯމްޕްސް ވަނީ ސްޕެއިންގެ ޓީމަށް ތައުރީފްކޮށްފައެވެ. ޑެޝޯމްޕްސް ބުނީ މިހާތަނަށް މުބާރާތުގައި އެންމެ މޮޅު ކުޅުމެއް ދެއްކީ ސްޕެއިންގެ ޓީމުން ކަމަށެވެ.

"ސްޕެއިންއަކީ ވަރަށް މޮޅު ޓީމެއް. މޮޅެތި ކުޅުންތެރިން އެބަތިބި. އަހަރެން ބޭނުމެއް ނޫން ސްޕެއިންއަށް ޕްރެޝަރެއް ދޭކަށް. އެކަމަކު މި މުބާރާތުގައި އަދި އެންމެ މޮޅު ޓީމަކަށް ފެނުނީ ސްޕެއިން،" ޑެޝޯމްޕްސް ބުންޏެވެ.

ޑެޝޯމްޕްސް ބުނީ ސްޕެއިންގެ ދެ ފަޅިއަށް ކުޅޭ ޒުވާން ދެ ކުޅުންތެރިން ކަމަށްވަ ލަމީން ޔަމާލް އާއި ނީކޯ ވިލިއަމްސްއަށް ސަމާލުވާނެ ކަމަށެވެ. އަދި އެ ކުޅުންތެރިން ހުއްޓުވުމަށް ފްރާންސް އިން ގޮތްތަކެއް ރާވާފައިވާ ކަމަށެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox