ޕްރޮފެޝަނަލް ޗާޓާޑް އެކައުންޓެންޓުން ތަމްރީނު ކުރަން "ޕްރޮފެޝަނަލަ އެކައުންޓެންޓްސް ޓްރެއިނިން ސްކޮލާޝިޕް ސްކީމް 2024" ގެ ނަމުގައި 100 ފުރުސަތު ހުޅުވާލައިފި އެވެ.
އެކައުންޓެންޓުން ތަމްރީނު ކުރުމަށް ހަޔާ އެޑިއުކޭޝަން މިނިސްޓްރީން ހުޅުވާލި 100 ފުރުސަތު ބަހާލާފައިވަނީ ޕަބްލިކް ކެޓަގަރީ އާއި އޯޕަން ކެޓަގަރީ އަށެވެ. އެއީ ދައުލަތުގެ އިދާރާތަކުގައި މަސައްކަތްކުރާ މީހުންނަށް ހުޅުވާލި 50 ފުރުސަތާއި އަމިއްލަ އިދާރާތަކުގައި މަސައްކަތް ކުރާ މީހުންނާއި ވަޒީފާގައި ނޫޅޭ މީހުންނަށް ހުޅުވާލި 50 ފުރުސަތެވެ.
މި ސްކޮލާޝިޕްގެ ދާއިރާއަކީ އެސޯސިއޭޝަން އޮފް ޗާޓާޑް ސެޓިފައިޑް އެކައުންޓެންޓްސް (ACCA) ސްކިލްސް ލެވެލް އަދި ޕްރޮފެޝަނަލް ލެވެލް އަދި ޗާޓާޑް އިންސްޓިޓިއުޓް އޮފް މެނޭޖްމެންޓް އެކައުންޓެންޓްސް (CIMA) މެނޭޖްމަންޓް ލެވެލް އަދި ސްޓްރެޓީޖިކް ލެވެލް އެވެ.
ސްކޮލާޝިޕަށް ހުށަހެޅުމުގެ ޝަރުތުތަކަކީ:
- އޭސީސީއޭ ސްކިލްސް ލެވެލް ނުވަތަ ޕްރޮފެޝަނަލް ލެވެލްއަށް ވަނުމުގެ ޝަރުތު ފުރިހަމަވުން
- ސީމާ މެނޭޖްމަންޓް ލެވެލް ނުވަތަ ސްޓްރެޓީޖިކަލް ލެވެލްއަށް ވަނުމުގެ ޝަރުތު ހަމަވުން
- މިނިސްޓްރީން ކިޔެވުމަށް ލޯނެއް ނަގާފައިވާ ނަމަ ޑީފޯލްޓެއް ނެތި އެ ލޯނު ގަވައިދުން ދައްކަމުންދާ މީހަކަށް ވުން
- ކުރިމަތިލާ ކޯހަކީ މިހާރު ފުރިހަމަކޮށްފައިވާ ކޯހަށްވުރެ މަތީ ފެންވަރުގެ ކޯހަކަށް ވުން, އަދި ކުރިމަތިލާ ކޯހާ އެއްފެންވަރެއްގެ ކޯހެއް ދައުލަތުގެ ހަރަދުގައި މިހާރު ފުރިހަމަ ކުރަމުންދާ ދަރިވަރަކަށް ނުވުން
މި ސްކޮލާޝިޕަށް އެޕްލިކޭޝަން ހުށަހަޅަން ޖެހެނީ ހަޔާ އެޑިއުކޭޝަން މިނިސްޓްރީގެ ވެބްސައިޓް މެދުވެރިކޮށެވެ. މިއަހަރު ސްކޮލާޝިޕަށް އެދުމުގެ ފުރުސަތު ހުޅުވާލީ ޖުލައި 31، ގެ މެންދުރު 1:00 ގެ ނިޔަލަށެވެ.
ޗާޓާޑް އެކައުންޓެންޓުން ތަމްރީނު ކުރުމަށްޓަކައި މިއަހަރު 100 ސްކޮލާޝިޕް ފުރުސަތު ހުޅުވާލިއިރު, މިދިޔަ އަހަރު 200 ފުރުސަތު އަދި އޭގެ ކުރީ އަހަރު 150 ފުރުސަތު ހުޅުވާލި އެވެ.
