އެސްޓީއޯގެ 2023 ވަނަ އަހަރުގެ އަހަރީ އާންމު ޖަލްސާ އަންނަ ޖުލައި 12، ވާ ހުކުރު ދުވަހު ބޭއްވުމަށް ނިންމައި ހިއްސާދާރުންނަށް ނޯޓިސް ފޮނުވައިފި އެވެ.
އެސްޓީއޯއިން ބުނީ އަހަރީ އާންމު ޖަލްސާ އޮންނާނީ ހުޅުލެ ނީރި ލައުންޖުގައި ކަމަށާއި ތިން ގޮތަކަށް ޖަލްސާގައި ބައިވެރިވެވޭނެ ކަމަށެވެ. އެއީ ޖަލްސާއަށް ހާޒިރުވާ ގޮތަށް ނުވަތަ ޕްރޮކްސީ މެދުވެރިކޮށް ނުވަތަ މައިކްރޮސޮފްޓް ލައިވް އިވެންޓްސް މެދުވެރިކޮށް އޮންލައިންކޮށެވެ.
ޖަލްސާގައި އެސްޓީއޯގެ ޕޯޓަލް މެދުވެރިކޮށް ރަޖިސްޓްރީ ވެވޭނެ ކަމަށާއި އަދި ލިންކް މެދުވެރިކޮށް ޖަލްސާއާ ބެހޭ އިތުރު މައުލޫމާތު ލިބޭނެ ކަމަށް އެސްޓީއޯއިން ބުނެ އެވެ.
މި ޖަލްސާގައި ބައިވެރިވެވޭނީ ޖޫން 26، ގެ ނިޔަލަށް ކުންފުނީގެ ހިއްސާދާރުންގެ ދަފްތަރުގައި ހިމެނޭ ފަރާތްތައް ކަމަށް ވެސް އެސްޓީއޯއިން ބުނެ އެވެ.
އަހަރީ އާންމު ޖަލްސާގައި މިދިޔަ އަހަރު އެސްޓީއޯގެ ޕާފޯމަންސް ރިޕޯޓު ހުށަހެޅުމާއި، ހިއްސާދާރުން ހުށަހަޅާފައިވާ ސުވާލުތަކަށް ޖަވާބު ދިނުމުގެ އިތުރުން ޖަލްސާގައި ފާސްކުރުމަށް ހުށަހަޅާ އައިޓަމްތަކަށް ވޯޓަށް އަހާނެ އެވެ.
