އެލްޖީއޭއިން ބުނީ ކައުންސިލުތައް މޮނިޓަރުކޮށް ތަމުރީނު ޕްރޮގުރާމުތައް ނުހިންގެނީ ބަޖެޓު ނެތީމަ ކަމަށް

އެލްޖީއޭގެ ސީއީއޯ، މަރިޔަމް ޒުލްފާ: އެންމެ ބޭނުންވާ ވަރަށް ކައުންސިލުތަކަށް ތަމްރީން ޕްރޮގްރާމުތައް ނުހިންގޭ ކަމަށް އެއްބަސްވި -- ފޮޓޯ: އެލްޖީއޭ

އެލްޖީއޭގެ ސީއީއޯ، މަރިޔަމް ޒުލްފާ: އެންމެ ބޭނުންވާ ވަރަށް ކައުންސިލުތަކަށް ތަމްރީން ޕްރޮގްރާމުތައް ނުހިންގޭ ކަމަށް އެއްބަސްވި -- ފޮޓޯ: އެލްޖީއޭ

ކައުންސިލަރުން ހޭލުންތެރި ކުރުމާއި ތަމްރީނު ޕްރޮގުރާމުތައް އެކަށީގެންވާ މިންވަރަށް ނުހިންގެނީ އެކަން ކުރެވޭނެ ވަރުގެ ބަޖެޓެއް ނުލިބޭތީ ކަމަށް ލޯކަލް ގަވަމެންޓު އޮތޯރިޓީ (އެލްޖީއޭ)އިން ބުނެފި އެވެ.

މަޖިލީހުގެ ލާމަރުކަޒީ ކޮމެޓީއަށް މިއަދު އެލްޖީއޭގެ ބޭފުޅުން ތައާރަފުވުމަށް ވަޑައިގެންނެވި ބައްދަލުވުމުގައި މެންބަރަކު ކުރެއްވި ސުވާލަކަށް ޖަވާބު ދެއްވަމުން އެ އިދާރާގެ އިސް ބޭފުޅަކު ވިދާޅުވީ ރަށު ކައުންސިލުތަކާއި ސިޓީ ކައުންސިލުތަކަށް ހާއްސަކޮށް ތަމްރީނާއި ހޭލުންތެރިކަން އިތުރު ކުރުމުގެ ޕްރޮގުރާމުތައް ހޯދުމަކީ އެލްޖީއޭގެ އެންމެ ބޮޑު ޒިންމާ ކަމަށެވެ.

ނަމަވެސް އެކަންކަމަކީ ވަރަށް ހަރަދު ހިނގާ ކަންކަން ކަމަށާއި ލިބޭ ބަޖެޓަށް ބަލާއިރު ވަކިވަކީން ކޮންމެ ރަށަކަށް ގޮސް ތަމުރީނުތައް ނުހިންގޭނެ ކަމަށް އެލްޖީއޭއިން ބުންޏެވެ.

Advertisement

"މިއިން ކޮންމެ ތަނަކަށް ވަކިން އަޅުގަނޑުމެންނަށް ގޮސްގެން މިކަންކަން ކުރުމަކީ އެއީ ވާވަރުކަމެއް ނޫން، އެވަރުގެ ބަޖެޓެއް ނުއެއް ލިބޭ، އެހެންވީމާ އަޅުގަނޑުމެން ބޭނުންވާ މިންވަރަށެއް ތަމްރީނެއް ވެސް ނުދެވޭ، އަޅުގަނޑުމެން ބޭނުންވާ މިންވަރަކަށް މޮނިޓާއެއް ވެސް ނުކުރެވޭ، އަޅުގަނޑުމެން ބޭނުންވާ މިންވަރަކަށް ހޭލުންތެރި ކުރުމުގެ ޕްރޮގުރާމުތަކެއް ވެސް ނުހިންގޭ، މި ހުރިހާ ކަމެއް ވެސް ގުޅިފައި މިއޮންނަނީ ފައިސާއާ، އެހެންވީމަ އެކަމެއް ނުކުރެވޭ ބޭނުންވާ މިންވަރަކަށް،" އެލްޖީއޭއިން ބުންޏެވެ.

ނަމަވެސް އެކި ގޮތްގޮތުން، ބައެއް ފަހަރު އަތޮޅު ކައުންސިލުތަކާއި ގުޅިގެން ނުވަތަ އެލްޖީއޭއާއި ވަކިވަކި ރަށު ކައުންސިލުތަކާ ގުޅިގެން ކައުންސިލުތަކަށް ބޭނުންވާ ހާއްސަ ލަފަޔާއި މަޝްވަރާ ދިނުމަށް އެކި ސެޝަންތައް ހިންގާ ކަމަށް އޭނާ ވިދާޅުވި އެވެ.

އޭގެ އިތުރުން ކޮންމެ ދުވަހަކު ވެސް ރަށު ކައުންސިލުތަށް ހާއްސަކޮށް އޮންލައިންކޮށް ތަމުރީނު ދެވޭނެ ގޮތަށް ސެޓަޕު ވެސް ތައްޔާރު ކޮށްފައި ހުންނަ ކަމަށް އެލްޖީއޭއިން ބުންޏެވެ. ނަމަވެސް އޮންލައިކޮށް ދޭ ތަމުރީނަކުން އެންމެ ފުރިހަމަ ނަތީޖާ ނުނެރެވޭ ކަމަށް އެ އޮތޯރިޓީން ބުންޏެވެ.

"އޮންލައިންކޮށް ހިނގާ ޓްރެއިނިން ޕްރޮގުރާމުތަކާއި އެވެއާނެސް ކަންކަމަކީ، އަޅުގަނޑުގެ ތަޖުރިބާއަކީ އެހާ ބޮޑަށް އެ ޝައުގުވެރިކަން މަތީގައި ބައިވެރިވުން، ޝާމިލުވުން ލިބޭ ކަންކަމެއް ނޫނޭ، އެހެންވީމާ އޭގެ ނަތީޖާއެއް އެންމެ ރަނގަޅަށް ނުނިކުމޭ އޮންލައިންކޮށް ޕްރޮގުރާމުތައް ހިންގީމަކާ،" އެލްޖީއޭއިން ބުންޏެވެ.

އެހެން ނަމަވެސް އެލްޖީއޭގައި މިހާރު ވެސް ކޮންމެ މީހަކު ވެސް ބޭނުންވާ ވަގުތެއްގައި އަމިއްލައަށް ފުރިހަމަ ކުރެވޭ ތަމުރީނު ކޯސްތައް ހިމެނޭ ޕޯޓަލެއް ގާޢިމު ކޮށްފައިވާ ކަމަށް އެ އޮތޯރިޓީން ބުންޏެވެ.

"ހަމަ ކޮންމެ ބޭފުޅަކަށް ވެސް އަމިއްލައަށް ކޯސްތައް ހެދޭ ގޮތަށް ކޯސްތައް ޑިޒައިން ކުރެވިފައި ހުންނާނީ އެ ބޭފުޅުންގެ އަމިއްލަ ހުސް ވަގުތުގައި އެ ކޯސްތައް ފުރިހަމަ ކުރެވޭ ގޮތަށް، އެހެންވީމާ ވަރަށް ގިނަ ކަންތައް އިންތިޒާމު ކުރެވިފައި އެބަހުރި އެކަމަކު ފިޒިކަލީ މި ބާއްވަންޖެހޭ އެޓެންޑުވާން ޖެހޭ، ދޭންޖެހޭ ޓްރެއިނިންތަކާއި ތަމްރީނުތަކާ އެއްޗެހި، އެ އެކަށީގެންވާ މިންވަރަށް ނުދެވޭތީވެ އޭގެން ފައިދާ ކުރަންވީ މިންވަރަކަށް ފައިސާ ކުރާ ކަމަށް ގަބޫލެއް ނުކުރެވޭ،" އެލްޖީއޭއިން ބުންޏެވެ.

ބަޖެޓު ނެތިގެން ކައުންސިލަރުންނާއި ކައުންސިލުތަކުގެ މުވައްޒަފުން ހޭލުންތެރިކުރުމުގައި ގޮންޖެހުންތައް ދިމާވާކަމަށް އެލްޖީއޭއިން ބުނެފައިވާއިރު، ގާނޫނުތަކާއި ގަވާއިދުތަކަށް އަހުލުވެރިނުވުމުގެ ސަބަބުން ކައުންސިލުތަކުގެ އިދާރީ އަދި މާލީ މައްސަލަތައް ނިކުމެ، އެންމެ ރަނގަޅަށް ކައުންސިލުތައް ނުހިންގޭ މައްސަލަތައް އަންނަނީ އިތުރުވަމުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox