ފުޅާ ދާއިރާއެއްގައި ހިޔާލުތައް ހޯދައިގެން ގާނޫނު އަސާސީއަށް ގެންނަ ބަދަލުތަކުގެ ޖުމުލަ ބިލެއް ހުށަހަޅަނީ

އެޓާނީ ޖެނެރަލް އަހުމަދު އުޝާމް: ގާނޫނު އަސާސީއަށް އިސްލާހުތައް ގެނައުމުގެ ޖުމުލަ ބިލެއް ހުށަހަޅަން ނިންމައިފި - ފޮޓޯ: އޭޖީ އޮފީސް

އެޓާނީ ޖެނެރަލް އަހުމަދު އުޝާމް: ގާނޫނު އަސާސީއަށް އިސްލާހުތައް ގެނައުމުގެ ޖުމުލަ ބިލެއް ހުށަހަޅަން ނިންމައިފި - ފޮޓޯ: އޭޖީ އޮފީސް

ދައުލަތް ހިންގުން ހަރުދަނާ ކުރުމަށް ޓަކައި ގާނޫނު އަސާސީއަށް ގެންނަން ފެންނަ ބަދަލުތަކާ ގުޅޭ ޖުމުލަ ބިލެއް، ރައްޔިތުންގެ މަޝްވަރާއާއި ހިޔާލު ހޯދުމަށް ފަހުގައި ހުށަހަޅުއްވާނެ ކަމަށް އެޓާނީ ޖެނެރަލް އަހުމަދު އުޝާމް މިއަދު ވިދާޅުވެއްޖެ އެވެ.

ސަރުކާރުގެ ލެޖިސްލެޓިވް އެޖެންޑާގެ ބިލުތަކުގެ ލިސްޓު ތައްޔާރުކޮށް ކެބިނެޓުން ފާސްކުރުމުން މިއަދު ބޭއްވި ނޫސްވެރިންގެ ބައްދަލުވުމުގައި އުޝާމް ވިދާޅުވީ ދައުލަތް ހިންގުން ހަރުދަނާ ކުރުމުގެ އިތުރުން ރައީސް ޑރ. މުހައްމަދު މުއިއްޒުގެ ރިޔާސީ މެނިފެސްޓޯގައި ހިމެނޭ ކަންކަން ތަންފީޒުކުރަން ގާނޫނު އަސާސީއަށް ވެސް ގެންނަން ޖެހޭ ގިނަ ބަދަލުތަކެއް އޮތް ކަން ފާހަގަ ކުރެވިފައިވާ ކަމަށެވެ.

ސަރުކާރުގެ ވިސްނުމަކީ ގާނޫނު އަސާސީއަށް ގެންނަން ފެންނަ ބަދަލުތައް ވަކިވަކިން ހުށަހެޅުމުގެ ބަދަލުގައި ހުރިހާ ބަދަލުތަކެއް ޖުމުލަކޮށް ހިމެނޭ އެއް ބިލު ރައްޔިތުންގެ މަޖިލީހަށް ހުށަހެޅުން ކަން އުޝާމް ފާހަގަ ކުރެއްވި އެވެ. އެ ބިލު ހުށަހަޅާނީ ވީހާވެސް ގިނަ މުއައްސަސާތަކާއި އާންމުންގެ ފުޅާ ދާއިރާއެއްގައި މަޝްވަރާ ކުރުމަށް ފަހު ކަމަށް އޭނާ ވިދާޅުވި އެވެ.

Advertisement

ގާނޫނު އަސާސީއަށް ގެންނަ ބަދަލުތަކުގެ ތެރޭގައި ރައްޔިތުންގެ މަޖިލީހުގެ މެންބަރުންގެ އަދަދު ހިފެހެއްޓުމާއި މަޖިލީސް އެކުލެވިގެންވާ ގޮތުގެ އިތުރުން ޖުޑިޝަލް ސާވިސް ކޮމިޝަން (ޖޭއެސްސީ) އެކުލެވިގެންވާ ގޮތް ބަދަލު ކުރުން ވެސް ހިމެނެ އެވެ. އިންތިހާބުތައް އެއް ތާރީހެއްގައި ބޭއްވުމާއި ވަޒީރުންނަށް ރުހުން ދިނުން ފަދަ ކަންކަމުގައި ދިމާވާ މައްސަލަތައް ހައްލުކުރަން ގެންނަން ޖެހޭ ބަދަލުތައް ފާހަގަ ކުރެއްވި އެވެ.

"އަޅުގަނޑުމެންގެ ވިސްނުން ހުރީ ގާނޫނު އަސާސީއަށް ގެންނަން ޖެހޭ އިސްލާހުތައް ހަމަ އެއް ފަހަރާ ހުށަހެޅުން، އެހެންވެގެން އަޅުގަނޑު މި ދެންނެވީ، އަޅުގަނޑުމެން ބޭނުންވާ ބަދަލުތަކުގެ އިތުރުން އެހެން އިދާރާތަކުގެ ހިޔާލުން ފެންނަ ބަދަލުތައް ވެސް ހިމަނައިގެން ހުށަހަޅާ ވާހަކަ، ރަނގަޅު ކޮންސަލްޓެންޓިން ޕްރޮސެސްއަކަށް ފަހު ހުށަހެޅުން،" އުޝާމް ވިދާޅުވި އެވެ.

ގާނޫނު އަސާސީއަށް ގެންނަ ބަދަލުތަކުގެ ތެރެއިން މަޖިލީހުގެ މެންބަރުންގެ އަދަދު ހިފެހެއްޓުމާއި ސިޔާސީ ނުފޫޒު ނުފޯރާ ގޮތަށް ޖޭއެސްސީގެ އެކުލެވުން ބަދަލުވުމަކީ ރައްޔިތުން ވަރަށް ބޮޑަށް އެދެމުން އަންނަ ދެ ކަމެކެވެ.

އެ ބިލުތައް ޑްރާފްޓް ކުރުމުގެ މަސައްކަތް އަދި ނުނިމޭ ކަމަށް އުޝާމް ވިދާޅުވި އެވެ. ސަރުކާރުގެ ވިސްނުމަކީ ވީހާވެސް އަވަހަށް ހިޔާލު ހޯދުމުގެ މަސައްކަތް ނިންމުމަށް ފަހު މަޖިލީހަށް ޖުމުލަ ބިލެއް ހުށަހެޅުން ކަމަށް އޭނާ ވިދާޅުވި އެވެ. މަޖިލީހަށް ބިލު ދިރާސާ ކުރުމާއި ފުޅާ ދާއިރާއެއްގައި ބަހުސް ކުރުމާއި، އިތުރަށް ހިޔާލުތައް ހޯދަން ވަގުތު ވެސް ލިބޭނީ އެ ބިލު ވީހާވެސް އަވަސް ކުރުމުން ކަމަށެވެ.

ސަރުކާރުގެ ލެޖިސްލެޓިވް އެޖެންޑާގައި 213 ބިލެއް ހިމަނާފައިވެ އެވެ. ފަސް އަހަރުގެ ދައުރަށް ކަނޑައެޅި އެޖެންޑާއެއް ނަމަވެސް ކޮންމެ އަހަރަކު އެ އެޖެންޑާ ރިވިއުކޮށް އެ އަހަރު ކުރިމަތިވާ ކަންކަމަށް ބަލައި އުނިިއިތުރު ކުރަން ޖެހޭ ބިލުތައް ކަނޑައަޅާނެ ކަމަށް އޭނާ ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox