މަގާމުތަކަށް މުވައްޒަފުން އައްޔަނުކުރުމުގެ ބާރު އިދާރާތަކުގެ ވެރިންނަށް ދެނީ

ސީއެސްސީގެ ރައީސް މުހައްމަދު ނާސިހު -- ފޮޓޯ: އަދަދު

ސީއެސްސީގެ ރައީސް މުހައްމަދު ނާސިހު -- ފޮޓޯ: އަދަދު

ސަރުކާރު އިދާރާތަކަށް ނަގާ މުވައްޒަފުން މަގާމުތަކަށް އައްޔަނުކުރުމުގެ ބާރު އެތަނެއްގެ ވެރިންނަށް ލިބޭ ގޮތަށް ސިވިލް ސާވިސް މުވައްޒަފުންގެ ވަޒީފާއާ ބެހޭ މައުލޫމާތު ބަލަހައްޓާ ސޮޕްޓްވެއާ ސީއެސް ވިއުގާ އަށް ބަދަލު ގެނެސްފައިވާ ކަމަށް ސިވިލް ސާވިސް ކޮމިޝަން (ސީއެސްސީ)ން ބުނެފި އެވެ.

މިއަދު އޮތް "ސިވިލް ސާވިސް ފޯރަމް 2024" ފެށުމުގެ ރަސްމިއްޔާތުގައި ވާހަކަ ދައްކަވަމުން ސީއެސްސީގެ ރައީސް މުހައްމަދު ނާސިހް ވިދާޅުވީ އެ ކޮމިޝަނުގެ މަސައްކަތްތައް ލާމަރުކަޒުކުރުމުގެ ސިޔާސަތުގެ ދަށުން މިނިސްޓްރީތަކާއި ލޯކަލް ކައުންސިލުތަކަށް މުވައްޒަފުން އައްޔަނުކުރުމުގެ މަސައްކަތް ހަލުވި ކުރުމަށް ސީއެސް ވިއުގާއަށް ބަދަލުތަކެއް ގެނެވިފައިވާ ކަމަށެވެ.

މި ބަދަލާއެކު އިދާރާތަކުގެ ޕާމަނެންޓް ސެކެޓްރީންނާ ސެކެޓްރީ ޖެނެރަލުންނަށް ނުވަތަ އިދާރާއެއްގެ ކަނޑައެޅޭ އިސް މުވައްޒަފަކަށް، އެ ފަރާތެއް ނިސްބަތްވާ އިދާރާއަކަށް ވަޒީފާއަށް ނެގޭ މުވައްޒަފުން އައްޔަނުކުރުމުގެ ބާރު ލިބިގެންދާނެ ކަން ނާސިހު ފާހަގަކުރެއްވި އެވެ.

Advertisement

"އިދާރާތަކަށް ބޭނުންވާ ސީއެސް ވިއުގާގެ އެޕްރޫވަލް ރައިޓްސް ދިނުމަށް ސީއެސް ވިއުގާއަށް ގެންނަންޖެހޭ ހުރިހާ ބަދަލުތަކެއް މިހާރު ވަނީ ގެނެވިފަ. މި ދެންނެވި ގޮތަށް ލާމަރުކަޒުކުރުމުން އިދާރާއެއްގެ ކަނޑައެޅޭ އިސް މުވައްޒަފަކަށް އެ ފަރާތެއް ނިސްބަތްވާ އިދާރާއަކަށް ވަޒީފާއަށް ނެގޭ މުވައްޒަފުން އައްޔަނުކުރުމުގެ ބާރު ލިބިގެންދާނެ،" ނާސިހު ވިދާޅުވި އެވެ.

ނާސިހު އިތުރަށް ވިދާޅުވީ ވަޒީފާއަށް މުވައްޒަފުން އައްޔަނުކުރުމަކީ މިހާތަނަށް ސީއެސްސީން ކުރަމުން އައި މަސައްކަތެއް ނަމަވެސް، އެ މަސައްކަތްތަކެއް ކޮމިޝަނުން ކުރުމުގެ ބަދަލުގައި އިދާރާތަކުގެ ޒިންމާދާރު އިސްވެރިންގެ އަތްމައްޗަށް އެ ބާރު ދޫކޮށްލުމުން މަސައްކަތްތައް އަވަސްވެގެންދާނެ ކަމަށެވެ.

އެގޮތުން މިހާރު ވެސް ބައެއް މިނިސްޓްރީތަކުން އެ މުވައްޒަފުން އައްޔަނުކުރުމަށް ގެނެވުނު ބާރުގެ ބަދަލާއި އެއްގޮތަށް އަމަލުކުރަމުންދާކަން ނާސިހު ފާހަގަކުރެއްވި އެވެ. އަދި އެ ކޮމިޝަނުގެ އަމާޒަކީ މުޅި ސިވިލްސާވިސްގެ ހުރިހާ އިދާރާތަކެއްގައި ވެސް ލާމަރުކަޒީ އުސޫލުން އައްޔަނުކުރުމުގެ މަސައްކަތް ކުރިއަށް ގެންދިއުން ކަމުގައި ވިދާޅުވި އެވެ.

"ކުރިއަށް އޮތް ތާގަ އަޅުގަނޑުމެންގެ އަމާޒަކީ މުޅި ސިވިލްސާވިސްގެ ހުރިހާ އިދާރާތަކެއްގަ ވެސް ލާމަރުކަޒީ އުސޫލުން އައްޔަނުކުރުމުގެ މަސައްކަތް ކުރިއަށް ގެންދިއުން،" ނާސިހު ފާހަގަކުރެއްވި އެވެ.

މި ބަދަލު ގެނައުމާއެކު ސީއެސްސީގެ ދައުރަކަށް ވާނީ ވަޒީފާތައް އޮޑިޓްކުރުމުގެ މަސައްކަތް ހަރުދަނާކޮށް، ވިއުގައިގެ ތެރެއިން މުވައްޒަފުން ނެގުމުގެ މަސައްކަތް ހިނގާ ނުހިނގާ ގޮތް ބެލުމާއިއެކު ރަނގަޅުކުރަންޖެހޭ ކަންކަން ފާހަގަކޮށް، އިދާރާތަކުން ބޭނުންވާ އިރުޝާދު ދިނުމެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox