މުޅި ދުނިޔެ ސިއްސުވާލައި ގްރީސް ހޯދި ކާމިޔާބު

Jun 15, 2024, 5:41 AM
2004 ވަނަ އަހަރު ގްރީސް އިން ޔޫރޯ ކާމިޔާބުކުރި ވާހަކަ ދުނިޔޭގެ ވަރުގަދަ ނޫސްތަކުގެ ފަލަސުރުހީތަކުގައި ގިނަ ދުވަސްތަކެއް ވަންދެން ހިއްސާކުރި،

2004 ވަނަ އަހަރު ގްރީސް އިން ޔޫރޯ ކާމިޔާބުކުރި ވާހަކަ ދުނިޔޭގެ ވަރުގަދަ ނޫސްތަކުގެ ފަލަސުރުހީތަކުގައި ގިނަ ދުވަސްތަކެއް ވަންދެން ހިއްސާކުރި،

ޕޯޗުގަލްގައި 2004 ވަނަ އަހަރު އޮތް ޔޫރޯ މުބާރާތަށް ގްރީސް ކުރިމަތިލިއިރު، އެ ޓީމާމެދު އެ ގައުމުގެ އަމިއްލަ ސަޕޯޓަރުންވެސް މާ ބޮޑު އުންމީދުތަކެއް ނުކުރެ އެވެ. ޔޫރަޕްގެ ސަރަހައްދީ މުބާރާތަށް ކޮލިފައިވުމަކީ ވެސް ގްރީސްގެ ޓީމުން ހޯދި ކާމިޔާބެއްގެ ގޮތުގައި އޮތީ ބެލެވިފަ އެވެ. އޭގެ ކުރިން، ގްރީސް ޔޫރޯއެއްގައި ވާދަކުރީ 1980 ވަނަ އަހަރު އެކަންޏެވެެ. ވޯލްޑް ކަޕްގައި 1994 ވަނަ އަހަރު ކުޅުނެވެ. ޔޫރޯ 2004ގެ ކުރިން ބައިނަލްއަޤްވާމީ ބޮޑު މުބާރާތެއްގައި ކުޅުނު މެޗަކުން ގްރީސް މޮޅެއްނުވެެ އެވެ. ކުޑަމިނުން، ބައިނަލްއަޤްވާމީ ބޮޑު މުބާރާތެއްގައި ލަނޑެއްވެސް ނުޖެހެ އެވެ.

އެހެން ނަމަވެސް، ގްރީސް 2004 ވަނަ އަހަރުގެ ޔޫރޯ ނިންމާލީ މުބާރާތުގެ ތައްޓާއެކުވެ. ކުޅިވަރުގެ ތާރީހުގައިވެސް އެންމެ އާދަޔާ ހިލާފު ކާމިޔާބީގެ ގޮތުގައި ތާރީހުގައި ސަފުހާތަކުން ޖާގަ ހޯދައިގެނެވެ.

ގްރީސް އިން ހޯދި ކާމިޔާބީގެ މުގުލުގައިހުރީ 2001 ވަނަ އަހަރުގެ އެ ޓީމުގެ ކޯޗުކަމާ ހަވާލުވި ޖަރުމަންގެ އޮޓޯ ރެގާލް އެވެ. ރެގާލް މަޝްހޫރުވެފައިވަނީ ޓެކްޓިކަލީ މޮޅު ކޯޗެއްގެ ގޮތުގައެވެ. އޭގެ އިތުރުން، ޑިސިޕްލިނަށް ބަލާ، ޑިސިޕްލިން ހިފަހައްޓާ ކޯޗެއްގެ ގޮތުގައެވެ. ގްރީސްގެ ޓީމުގައިވެސް އެންމެ ފުރަތަމަ އޭނާ ސަމާލުކަން ދިން ކަމަކީ ޓީމުގެ ޑިސިޕްލިން ވަރުގަދަކުރުމެވެ.

"އެންމެ ފުރަތަމަވެސް ރެގާލް އަހަރަމެންނަށް ވިސްނައިދިނީ (ކްލަބުގެ ވާދަވެރިކަމަށްވުރެ) އެންމެ ފުރަތަމަ އިސްކުރަންޖެހޭނީ ގައުމީ ޓީމު ކަމަށް،" 2004 ވަނަ އަހަރުގެ ޔޫރޯގައި ގްރީސްގެ ޓީމުގައި ހިމެނުނު ޓަކިސް ފިޔާސް ބުންޏެވެ، "ޓީމު އެއްބައިވަންތަކޮށް، އެއް އާއިލާއެއްގެ ގޮތަށް ރެގާލް ޓީމު ގެންގުޅުނު."

ރެގާލްގެ ހަރުދަނާ އުސޫލުތަކުގެ ނަތީޖާ ޔޫރޯ ކޮލިފައިންގައިވެސް ފެނުނެވެ. ގްރީސް އިން ބަލިނުވެ 15 މެޗު ހަމަކުރިއެވެ. ސްޕެއިންގެ އަމިއްލަ ދަނޑުގައި އެ ޓީމުވެސް ބަލިކުރިއެވެ.

ގްރީސް އިން ވަނީ 2004 ވަނަ އަހަރުގެ ޔޫރޯގެ ފުރަތަމަ މެޗާއި ފަހު މެޗުގައި މުބާރާތް ހޯސްޓްކުރި ގައުމު ޕޯޗުގަލް ބަލިކޮށްފައި.

ޔޫރޯގެ ފުރަތަމަ އަމާޒަކަށްވީ މެޗަކުން މޮޅުވުން

ޔޫރޯ 2004 އަށް ގްރީސްގެ ޓީމު ނިކުތްއިރު، އެ ޓީމުގެ އަމާޒަކަށްވީ މެޗަކުން މޮޅުވުމެވެ. ބައިނަލްއަޤްވާމީ ބޮޑު މުބާރާތެއްގެ މެޗަކުން މޮޅުވެފައި ނެތުމުން، ގްރީސް އިން ބޭނުންވީ 2004 ވަނަ އަހަރުގެ ޔޫރޯގައި އެ ރެކޯޑް ފިލުވާލާށެވެ.

ޔޫރޯ އިން މުބާރާތް ފެށީވެސް ހައިރާންވާންޖެހޭ ނަތީޖާއަކުންނެވެ. މުބާރާތުގެ ފުރަތަަމަ މެޗުގައި، މުބާރާތުގެ ހޯސްޓް ޕޯޗުގަލް އަތުން 2-1 އިން މޮޅުވެގެންނެވެ. ފުރަތަމަ މެޗުގައިވެސް ގްރީސް އިން މުބާރާތަށް ކަނޑައެޅި ފުރަތަމަ ޓާގެޓް ހާސިލްކުރިއެވެ.

އެ މެޗަށްފަހު ގްރީސްގެ ކުޅުންތެރިން ނުނިދައި، މެޗުގެ ރެކޯޑިންތައް ބަލައި، ގްރީސްގެ ކޮމެންޓޭޓަރުން އެ މެޗުގެ ތެރެއިން ދެއްކި ވާހަކަތައް އަޑުއެހިއެވެ. މެޗަކުން މޮޅުވުމުން، މުބާރާތަށް ކުރިމަތިލިއިރު މެޗަކުން މޮޅުނުވެދާނެތީ އިހުސާސްކުރެވުނު ޕްރެޝަރު މުޅިން ފިލައިގެންދިޔައެވެ.

"އެ މެޗުން މޮޅުވުމުން އަހަރަމެންގެ ޕްރެޝަރު ފިލައިިފި. އަހަރަމެންނަށް ހަމަޖެހުން ލިބުނު،" ގްރީސްގެ ޓީމުގައި ހިމެނުނު ވަސީލިއޮސް ޒިރާޓަސް ބުންޏެވެ.

ގުރޫޕް ސްޓޭޖުގައި ކުޅުނު ދެވަނަ މެޗުގައި ގްރީސް ވަނީ ސްޕެއިން އިން ލަނޑެއް ޖަހައިފައި ވަނިކޮށް، ފަހަތުން އަރައި މެޗުގެ ނަތީޖާ އެއްވަރުކޮށް، މުހިންމު ޕޮއިންޓެއް ހޯދައިފައެެވެ.

ގުރޫޕްގެ ފަހު މެޗަށް ގްރީސް ނުކުތީ ދެވަނަ ބުރަށް ދިއުމުގެ އަމިއްލަ ބާރާއެކުއެވެ. ގުރޫޕްގެ ފަހު މެޗުގައި ރަޝިއާ އަތުން މޮޅުވެގެން، ގްރީސްއަށް ދެވަނަ ބުރުގެ ޖާގައެއް ކަށަވަރުވާން އޮތެވެ. އެކަމަކު އެ މެޗުގައި ގްރީސް ވަނީ ރަޝިއާ އަތުން ބަލިވެފައެވެ.

އެެހެން ނަމަވެސް، މި ގުރޫޕްގައި ސްޕެއިން އަތުން ޕޯޗުގަލް މޮޅުވުމުން، ގުރޫޕްގެ ދެވަނަ ޓީމުގެ ގޮތުގައި ގްރީސަށް ކުއާޓާ ފައިނަލްގެ ޖާގައެއް ލިބުނެވެ. ކުއާޓާ ފައިނަލްގައި ގްރީސްއާ ދެކޮޅަށް ނުކުތީ ވަރުގަދަ ފްރާންސްއެވެ. ފްރާންސަކީ އޭރު ޔޫރޯގެ އެންމެ ފަހުގެ ޗެމްޕިއަނެވެ.

ދުނިޔޭގެ ފެންވަރުގެ ތަރިން ކަމަށްވާ ޒިނެދީން ޒިދާން އާއި ތިއޭރީ އޮންރީ އާއި ރޮބަޓް ޕިރޭޒް އަދި ލިލިއަމް ތުރާމް ފަދަ ތަރިންތަކެއް ހިމެނޭ ފްރާންސް އޮތީ ފޭވަރިޓުންގެ ގޮތުގައެވެ.

އެކަމަކު ރެގާލްގެ އެ މެޗަށް ރާވާލައި ޑިފެންސިވް ގޭމްގައި، ފްރާންސްގެ ތަރިންނަށް ކުރި ލިބޭގޮތެއްނުވިއެވެ. ފްރާންސް 1-0 އިން ބަލިވެ، ގްރީސް ސެމީ ފައިނަލަށް ދަތުރުކުރިއެވެ.

ސެމީ ފައިނަލްގައި ޗެކް ރިޕަބްލިކް އަތުން ގްރީސް މޮޅުވީ ފުރިހަމަ ވަގުތ ހަމަވިއިރު ދެ ޓީމު އެއްވަރުވެފައި އޮތުމުން ކުޅުނު އިތުރު ވަގުތުގައި ޓްރައިއާނޮސް ޑެލާސް ޖެހި ލަނޑުންނެވެ. މި ލަނޑަކީ ފުޓްބޯޅައިގެ ތާރީހުގައިވެސް ޖެހި ހަމައެކަނި "ސިލްވާ ގޯލް"އެވެ.

ފައިނަލްގައި ގްރީސްއާ ދެކޮޅަށް ނުކުތީ މުބާރާތް ބާއްވާ ގައުމު ކަމަށްވާ ޕޯޗުގަލްއެވެ. މުބާރާތުގެ އެއް ފޭވަރިޓެވެ.

ގްރީސް އިން ތަށި އުފުލާލީ ގިނަ ބަޔެއްގެ ފާޑުކިޔުން އެ ގައުމުގެ ފުޓްބޯޅަ އަށް އަމާޒުވެފައިވަނިކޮށް.

ފައިނަލަށް ދިޔައިރު އޮތީ ތަފާތު ރޫހެއް

މުބާރާތް ފެށިއިރު ގްރީސްގެ ދެ ގޯލްކީޕަރުން ކަމަށްވާ އެންތޯނިއޮސް ނިކޮޕޮލީޑިސް އާއި ކޮންސްޓާނިއޮސް ޗަލްކިއާސްގެ ދެމެދުގައި ޖެހުނު މައްސަލައަކާ ގުޅިގެން، އެކަކު އެނަކަކާ ވާހަކައެއް ނުދައްކައެވެ. މުބާރާތުގެ ކުރިން މިޑްފީލްޑަރު އެންޖެލޮސް ބަސީނަސް ހުރީ ބޯނަސް ޕޭމަންޓްތަކާހެދި ހިތްހަމަނުޖެހިފަ އެވެ. އަދި ބައެއް ކުޅުންތެރިން ކޯޗު ރެގާލްއާމެދުވެސް ހިތްހަމަނުޖެހުނެވެ. މިހެންގޮސް އެތައް މައްސަލައެއް ގްރީސްގެ ޓީމުގެ ތެރޭގައި އޮތެވެ. އެކަމަކު ފައިނަލާ ހަމައަށްދިޔައިރު، ގްރީސްގެ ކުޅުންތެރިން ތިބީ މައްސަލަތައް ހަނދާން ނައްތާލައި، އެކަތި ގަނޑަކަށްވެފައެވެ.

"އެންމެންވެސް އެއްބަސްވީ ދެން މި ފަދަ ފުރުސަތެއް ނުލިބޭނެކަން. ތާރީހުން ޖާގައެއް ހޯދަން މި ފަަދަ ފުރުސަތެއް ދެން ނުލިބޭނެކަން،" ގްރީސްގެ ފިޔާސް ބުންޏެވެ. "ފައިނަލަށް ދެވުނީމަ އަހަރަމެން ބޭނުންވީ ތަށި ހޯދަން. އެ ހިސާބުން ތަށި ގެއްލޭކަށް އެއްވެސް މީހަކު ބޭނުމެއްނުވި."

ލިސްބަންގެ އެސްޓާޑިއޯ ލުއިޒްގައި، ޕޯޗުގަލްގެ އަމިއްލަ ސަޕޯޓަރުންގެ ކުރިމަތީގައި އެ ޓީމު ރޮއްވާލުމަށްފަހު ގްރީސް އިން ޗެމްޕިއަންކަން ހޯދީ 1-0 އިން މެޗު ކާމިޔާބުކޮށްގެނެވެ.

ގްރީސްގެ މި އަދާޔާ ހިލާފު ކާމިޔާބީއަށް ފާޑުކިޔާ މީހުންވެސް އެބަތިއްބެވެ. އެންމެ ބޮޑު ފާޑުކިއުމަކީ އެ ޓީމުން ކުޅުނު ޑިފެންސިވް ފުޓްބޯޅައާ ގުޅިގެނެވެ. އެކަމަކު އެއީވެސް ފުޓްބޯޅައިއެއް ބައެކެވެ. ގްރީސްގެ ޓެކްޓިކްސް މަސައްކަތްކުރިއެވެ. ގްރީސް ފުޓްބޯޅައިގައި ރަންވަނައެއް އެ ޓީމުން އޮތީ ޓީމުން ކުރި ބުރަ މަސައްކަތާއި ހިތްވަރުގެ ސަބަބުންނެވެ.

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox