ސިންގަރ އިން "އޮނާ" ބްރޭންޑުގެ ހަތަރު މޮޑަލްއެއްގެ ފޯނު ރާއްޖެ މާކެޓަށް ނެރެފި

ސިންގާ ބްރޭންޑް އެންޑް ޗޮއިސެސްއިން "އޮނާ" ބްރޭންޑުގެ ހަތަރު މޮޑަލްއެއްގެ ފޯނު ރާއްޖޭގެ މާކެޓަށް ތައާރަފުކޮށްފި އެވެ.

ހުޅުމާލެ ހިޔާ ޕާކުގައި ރޭ ބޭއްވި ހާއްސަ އިވެންޓެއްގައި މި ފޯނުތައް ދައްކާލިއިރު، އިވެންޓުގައި ބައިވެރިވި ފަރާތްތަކުގެ ތެރެއިން ގުރުއަތުން ހޮވުނު ނަސީބުވެރި ހަ ފަރާތަކަށް ފޯނު ވަނީ ހަވާލުކޮށްފަ އެވެ.

ދުނިޔޭގައި ނަން މަޝްހޫރު މި ބްރޭންޑުގެ ފޯނުތަކަކީ ގިނަ ވަގުތު ޗާޖު ހިފެހެއްޓުމުގެ އިތުރުން އަގު ހެޔޮ ކޮލެޓީ ފޯނުތަކެކެވެ.

ރާއްޖޭގެ މާކެޓަށް ނެރުނު އޮނާގެ ހަތަރު މޮޑެލްގެ ފޯނު:

އޮނާ އެކްސް 9b - މި މޮޑެލްގެ ފޯނު ފުލް ޗާޖު ކޮށްގެން ތިން ދުވަސް ވަންދެން ވެސް ބެޓަރި ހުސްނުވެ ގެންގުޅެވެ އެވެ. 256 ޖީބީ މެމޮރީއަކާއި 12 ޖީބީގެ ރެމެއް ހުންނަ މި ފޯނުގައި ސްނެޕްޑްރެގަން 6 ޖެން 1 އެއް ވެސް ހުރެ އެވެ. އަދި 108 މެގަ ޕިކްސެލްގެ ކެމެރާއެއް ހުންނަ މި ފޯނުގެ ފްރޮންޓު ކެމެރާގައި 16 މެގަޕިކްސެލް ހުރެ އެވެ.

މި ފޯނަކީ ވޯޓާޕްރޫފް އަދި ވެއްޓުމުން ގެއްލުންވުމުގެ ފުރުސަތު ވެސް ކުޑަ ފޯނެކެވެ. މި މަރުކާގެ މިޑްނައިޓް ބްލެކް އަދި ސަންރައިޒް އޮރެންޖު ރާއްޖެއިން ލިބެން ހުންނާނެ އެވެ.

އޮނާ އެކްސް 9b ފޯނު ރާއްޖޭގައި ވިއްކަން ފަށާ އަގަކީ 6،999ރ. އެވެ.

އޮނާ އެކްސް 8b - ބަރުދަނުގައި 166 ގްރާމު ހުންނަ މި ފޯނުގެ ބޯމިނަކީ 6.78 މިިލިމީޓަރު ކަމުން މި ފޯނު ވަރަށް ލުއިވެފައި، ގެންގުޅެން ފަސޭހަވާނެ އެވެ. 50 މެގަ ޕިކްސެލް ހުންނަ މި ފޯނުގެ ފްރޮންޓު ކެމެރާއާއެކު ސެލްފީ ލައިޓެއް ވެސް ހުރެ އެވެ. އަދި މި ފޯނު ފަރުމާކޮށްފައި ހުރި ގޮތުން، ވެއްޓުމުން ހަލާކުވުމުގެ ފުރުސަތު ވަރަށް ކުޑަ އެވެ.

މި ފޯނުގައި 512 ޖީބީގެ މެމޮރީއަކާއި 8 ޖީބީގެ ރެމެއް ހުރެ އެވެ. އަދި 108 މެގަޕިކްސެލްގެ ކެމެރާއެއް ވެސް މި ފޯނުގައި ހުރެ އެވެ.

އޮނާ އެކްސް 8b ފޯނު ރާއްޖޭގައި ވިއްކަން ފަށާ އަގަކީ 5،699ރ. އެވެ.

ސިންގާ ބްރޭންޑް އެންޑް ޗޮއިސެސްއިން ރާއްޖެއަށް ތައާރަފު ކުރި ފޯނުތައް -- ފޮޓޯ: މިރާން ނާޝިމް / އަދަދު

އޮނާ އެކްސް 7b - ފުލް ޗާޖުކޮށްގެން ތިން ދުވަހު ގެންގުޅެވޭ މި ފޯނުން އަޑު ބާރުކޮށް ލަވަ ޖަހައި ފިލްމު ވެސް ބެލެ އެވެ. 108 މެގަ ޕިކްސެލްގެ ކެމެރާއެއް ހުންނަ މި ފޯނުގައި 256 ޖީބީގެ މެމޮރީއެއްގެ އިތުރުން 16 ޖީބީގެ ރެމެއް ހުރެ އެވެ. އަދި މި ފޯނު ޗާޖުވާން ނަގާ ވަގުތު ވަރަށް އަވަހެވެ.

އޮނާ އެކްސް 7b ފޯނު ރާއްޖޭގައި ވިއްކަން ފަށާ އަގަކީ 3،999ރ. އެވެ.

އޮނާ އެކްސް 6b - މެމޮރީގައި 128 ޖީބީ ހުންނަ މި ފޯނުގައި 50 މެގަ ޕިކްސެލްގެ ޓްރިޕަލް ކެމަރާއެއް ހުރެ އެވެ. އަދި މި ފޯނަކީ 20 މިނެޓުން 31 ޕަސެންޓު ޗާޖުކޮށްލެވޭ ފާސްޓު ޗާޖިން ފޯނެކެވެ. މި ފޯނުގައި 28،000 ފޮޓޯއާއި 11،000 ލަވަ އަދި 100 ފިލްމު ސްޓޯކުރަން އެއްވެސް ހުރަހެއް ދިމަލެއް ނުވާނެ އެވެ.

އޮނާ އެކްސް 6b ފޯނު ރާއްޖޭގައި ވިއްކަން ފަށާ އަގަކީ 3،099ރ. އެވެ.

ސިންގާއިން އަންނަނީ ސެމްސަންގް، ސޮނީ، ފިލިޕްސް، ޕެނެސޮނިކް، އެލްޖީ، ހިޓާޗީ، ޕްރެސްޓިޖް ބީކޯ، ކެންވުޑް އަދި އިތުރު ބްރޭންޑުތަކުގެ އިލެކްޓްރޯނިކްސް ވިއްކަމުންނެވެ.

އޭގެ އިތުރުން ސިންގާއިން އަންނަނީ މެލޭޝިއާއިން އުފައްދާފައިވާ އެކި ފަރުނީޗަރު ވެސް ވިއްކަމުންނެވެ. އޭގެ ތެރޭގައި ކޮޓަރިއާއި ބަދިގެއަށް ބޭނުންވާ ފަރުނީޗަރު ވެސް ހިމެނެ އެވެ.

ކުދިކުދި ޖާގަތަކަށް ބޭނުން ގޮތަކަށް އަދި ބޭނުން ސައިޒަކަށް ސޯފާ ތައްޔާރު ކޮށްދީ ކުޑަދުވަސްކޮޅެއްގެ ތެރޭގައި ކަސްޓަމަރަށް ސިންގާއިން ޑެލިވާކޮށްދެ އެވެ.