ސްލޮވޭނިއާގެ ގާނޫނު ހަދާ މަޖިލީހުން ފަލަސްތީނަކީ މިވަން ދައުލަތެއް ކަމަށް އިއްޔެ ބަލައިގެންފި އެވެ.
ފަލަސްތީނަކީ މިނިވަން ދައުލަތެއް ކަމަށް ސްލޮވޭނިއާ ސަރުކާރުން ނިންމައި، މަޖިލީހަށް އެކަން ފާސްކުރުމަށް ހުށަހެޅުމުން 52 މެންބަރުން ވަނީ އެ ހުށަހެޅުން ފާސްކުރަން ވޯޓު ދީފަ އެވެ.
ޖުމްލަ 90 މެންބަރުން ތިބޭ މަޖިލީހުގެ 38 މެންބަރުން ނެގި ވޯޓުގައި ބައިވެރިނުވެ އެވެ. އަދި ހުށަހެޅުމާ ދެކޮޅަށް އެއްވެސް މެންބަރަކު ވޯޓު ދީފައެއް ނުވެ އެވެ.
ސްލޮވޭނިއާގެ އިތުރުން 27 މެމްބަރު ގައުމު ހިމެނޭ ޔޫރަޕިއަން ޔޫނިއަން (އީޔޫ) ގެ ސްވިޑެން، ސައިޕްރަސް، ހަންގޭރީ، ޗެކް ރިޕަބްލިކް، ސްލަވާކިއާ، ރޮމޭނިއާ އަދި ބަލްގޭރިއާއިން ވަނީ ފަލަސްތީނަކީ މިނިވަން ދައުލަތެއް ގޮތުގައި ބަލައިގެންފަ އެވެ.
ސްލޮވޭނިއާގެ ބޮޑުވަޒީރު ރޮބަޓް ގޮލޮބް ވިދާޅުވީ މިއީ ސުލްހަ ގާއިމުކުރުމަށް ދޭ މެސެޖެއް ކަމަށާއި، ސްލޮވޭނިއާއިން އަބަދުވެސް އެދެނީ ހަމަޖެހުން ކަމަށެވެ.
ސްލޮވޭނިއާއަކީ މިނިވަން ގައުމެއް ކަމަށް 140 އަށް ވުރެ ގިނަ ގައުމު ބަލައިގަނެ އެވެ.
ފަލަސްތީނުގައި ސްލޮވޭނިއާގައި ހިންގަމުންދާ ގަތުލްއާންމުގައި މިހާތަނަށް 36،000 އަށްވުރެ ގިނަ ފަލަސްތީނު މީހުން ވަނީ މަރުވެފަ އެވެ. އަދި ގައުމުތަކުން އަންނަނީ ފަލަސްތީނުގައި އިޒްރޭލުން ހިންގާ ގަތުލްއާންމު ހުއްޓާލަން ގޮވާލަމުންނެވެ.
