ލާޖް ސްކޭލް އެންމެ ޕްރިންޓަރަކާއި ތިން މުވައްޒަފުން ލައިގެން 2009 ގައި މަސައްކަތް ފެށި ޕްރިންޓް ލެބްއަށް 15 އަހަރު ފުރުނުއިރު، އެންމެ ބޮޑު ހިތްހަމަޖެހުމަކީ ކަސްޓަމަރުން ހަވާލުކުރާ މަސައްކަތް ދުވަހުން ދުވަހަށް ނިންމައި އެ އިތުބާރު ދެމެހެއްޓުން ކަމަށް އެ ކުންފުނީގެ މެނޭޖިން ޑިރެކްޓަރު، މަދީހު ޖަމާލު ވިދާޅުވެއްޖެ އެވެ.
ޕްރިންޓް ލެބްގެ އެމްޑީ މަދީހު "އަދަދު" އަށް ވިދާޅުވީ ފާއިތުވި ދުވަސްތަކުގައި ކަސްޓަމަރުން މިހައިތަނަށް ހަވާލުކުރި މަސައްކަތެއް ދުވަހަކު ވެސް ނުވެގެން ޝަކުވާއެއް އައިސްފައިނުވާ ކަމަށާއި، ލިބުނު އެންމެ ބޮޑު ކުރިއެރުމަކީ ވެސް އެއީ ކަމަށެވެ.
އެ މަސައްކަތް ފެށީ ރާއްޖޭގައި އޭރު ޕްރިންޓު ކުރެވެން ނުހުންނާތީ އެކަން ކުރުމަށް ބޮޑު ހޭދައެއްކުރަން މީހުންނަށް މަޖުބޫވެފައި އޮންނާތީ އެކަމަށް ހައްލެއް ގެނެސްދިނުމުގެ ގޮތުން ކަމަށް މަދީހު ވިދާޅުވި އެވެ.
މި މަސައްކަތް ފެށީ ގިނަ ބަޔަކު ބޭރުން ޕްރިންޓިން މަސައްކަތް ކުރާތީ، އަމިއްލައަށް ބޭރަށް ގޮސް ބޭނުންވާ ސާމާނާއެކު ޓްރެއިންޑް މީހުން ގެނެސްގެން،" މަދީހު ވިދާޅުވި އެވެ.
މިގޮތުން މަދީހު ވިދާޅުވީ ރާއްޖޭގައި ޕްރޮފެޝަނަލްކޮށް ޕްރިންޓިން މަސައްކަތް ފެށުމާއެކު، މީހުން ކުރަން ޖެހުނު ހޭދަތައް ކުޑަވުމުގެ އިތުރުން ވަޒީފާގެ ފުރުސަތުތަކެއް ވެސް އުފެދިގެން ދިޔަ ކަމަށެވެ.
"ރާއްޖޭގައި އަޅުގަނޑުމެން ހިދުމަތް ނުދޭ އެއްވެސް މިނިސްޓްރީއެއް، ސަރުކާރު ކުންފުންޏެއް، އިދާރާއެއް، ކައުންސިލެއް އަދި ޖަމިއްޔާއެއް ނުހުންނާނެ. ރާއްޖޭގައި އަމިއްލަ 80 ޕަސަންޓު ކުންފުނީގެ އިތުރުން 90 ޕަސެންޓު ރިސޯޓަށް މިދިޔަ 15 އަހަރު އަޅުގަނޑުމެން ހިދުމަތް ދިނިން،" މަދީހު ވިދާޅުވި އެވެ.
ޕްރިންޓް ލެބުން ދޭ ހިދުމަތްތައް:
- ލާޖް ފޯމެޓް ޕްރިންޓިން އިވެންޓްސް އެންޑް ބެކްޑްރޮޕްސް
- ލޭޒާ ކަޓިން އެންޑް އެންގްރޭވިން
- ސީއެންސީ ކަޓިން އެންޑް އެންގްރޭވިން
- ޔޫވީ ޕްރިންޓިން އެކްރިލިކް، މެޓަލް އެންޑް ވުޑް
- އެކްރިލިކް އެންޑް ވުޑް ސައިނޭޖެސް
- ކަސްޓަމް ވުޑް އެންޑް މެޓަލް ވޯކްސް
- ފްލެގްސް އެންޑް ފެބްރިކް ޕްރިންޓިން
- ފޮޓޯ ފްރޭމިން
- އެވޯޑްސް އެންޑް ޕްލޭގްސް
- ސްޓޭމްޕްސް
މީގެއިތުރުން މަދީހުއަށް ލިބޭ އެންމެ ބޮޑު ހިތްހަމަޖުމަކީ ގެންގުޅޭ މެޝިންތައް ސާވިސްކުރަން އެނގޭ މުވައްޒަފުން ކުންފުނީގައި ތިބުން ކަމަށް އޭނާ ވިދާޅުވި އެވެ. އޭގެ ސަބަބުން މަސައްކަތަށް ބުރޫ އެރުން ކުޑަވެ، މަސައްކަތް ދުވަހުން ދުވަހަށް ނިންމަން ވެސް ފަސޭހަ ވެގެންދެ އެވެ.
މިއަދު ޕްރިންޓު ލެބުން 8،000 ފޫޓުގެ ބިމެއްގައި މަސައްކަތް ކުރަމުން ދަނީ 50 އަށްވުރެ މުވައްޒަފުން ލައިގެންނެވެ. އަދި އެތަނުގައި މިއަދު އެންމެ ޒަމާނީ މެޝިންތަކާއެކު ދުވާލަކު 60،000 ފޫޓުގެ ކެންވަސް ޕްރިންޓު ކުރުމުގެ ގާބިލުކަން އެބަ ހުއްޓެވެ. އަދި ކަސްޓަމަރުން ބޭނުންވާ އެއްޗެހި ކޮންމެ ތަނަކަށް ވެސް ޕްރިންޓު ލެބުން ޑެލިވާ ކޮށްދެ އެވެ.
އަމީނީ މަގު ގ. ލައިލެކްގައި ހުންނަ ޕްރިންޓްލެބްއާ ގުޅޭ އިތުރު މައުލޫމާތު އެ ކުންފުނީގެ ވެބްސައިޓުން ލިބެން ހުންނާނެ އެވެ.
