"ހައި އެންޑް" އިން ކުޑަކުދިންނަށް ހާއްސަ އަދި ތަފާތު ބަންކް އެނދެއް މާކެޓަށް ނެރެފި އެވެ.
ކުޑަކުދިންގެ ރައްކާތެރިކަމަށް ވަރަށް ބޮޑަށް ވިސްނައިގެން ފަރުމާ ކޮށްފައިވާ އެ ބަންކް އެނދުގައި ހުންނަނީ ބާރަށް ޖެހި އަނިޔާ ނުވާ ގޮތަށް ތައްޔާރު ކޮށްފައި ހުންނަ ސޮފްޓް ހެޑް ބޯޑެކެވެ. އަދި އެނދުގެ ވަށައިގެން ކުދިން އުޅޭއިރު، ފައިގެ ރައްކާތެރިކަމަށްޓަކައި އެނދުގެ ކަންތަކުގައި ވެސް ހުންނަނީ ސޮފްޓް ފެބްރިކް ބޭނުން ކޮށްފަ އެވެ.
އެ އެނދަށް އަރައި ފޭބުމަށް ހުންނަނީ ސޮލިޑް އޯކް ވުޑްއިން ހަދާފައި ހުންނަ ސިޑިއެކެވެ. އަޅި ކުލައާއި ހުދު ކުލައިން ލިބެންހުރި މި ބަންކު ބެޑު ހުރިހާ އިންޓީރިއާ ޑެކެރޭޝަނަކަށް ވެސް ބޭނުން ކުރެވޭނެ ކަމަށް ހައި އެންޑުން ބުނެ އެވެ.
އެނދަށް ބަރާބަރަށް ފިޓުވާ ހަ ފޫޓު ހަތަރު އިންޗި x ތިން ފޫޓުގެ ގެލެކްސީ ސިންގަލް ގޮދަޑި ވެސް ހައިއެންޑުން ލިބެން ހުރެ އެވެ.
އެނދާއި ގޮދަޑީގެ އިތުރުން ވެސް ހައި އެންޑުން ދަނީ ފަރުނީޗަރުގެ އެކި ބާވަތްތައް ވިއްކަމުންނެވެ. އެގޮތުން މޫނު ބަލާ ލޯގަނޑާއި ގޮނޑިއާއި އެކި ޑިޒައިންތަކުގެ މެޓުގެ އިތުރުން ޓްރޭ އަދި ކަބަޑު ސެޓު ވެސް ހައި އެންޑުން ވިއްކަ އެވެ.
ހައިއެންޑުގެ މާލެ ފަރުނީޗަރުގެ ފިހާރަ ހުންނަނީ މެދުޒިޔާރަތް މަގުގައި ހުންނަ އަރަބިއްޔާ ސްކޫލް ކުރިމަތީގަ އެވެ. އަދި ހައިއެންޑްގެ ހުޅުމާލެ ފިހާރަ ހުންނަނީ ނިރޮޅު މަގުގައި ހުންނަ 149 ވަނަ ފްލެޓްގެ ކުރިމަތީގަ އެވެ.
