ކޮމްޕެނީ ދެކޭގޮތުގައި ބަޔާން ކޯޗުކަމަކީ ފުޓްބޯޅައިގެ ބޮޑު ޝަރަފެއް

May 30, 2024, 4:12 AM
ކޮމްޕެނީ ދެކޭގޮތުގައި ބަޔާން ކޯޗުކަމަކީ ފުޓްބޯޅައިގެ ބޮޑު ޝަރަފެއް

މިއުނިކް (މެއި 30) - ބަޔާން މިއުނިކްގެ ކޯޗުކަމާ ތިން އަހަރުގެ ކޮންޓްރެކްޓެއްގެ ދަށުން ހަވާލުވުމަށް ފަހު، ވިންސެންޓް ކޮމްޕެނީ، އެ ޓީމުގެ ކޯޗުކަމަކީ ފުޓްބޯޅައިގެ ބޮޑު ޝަރަފެއް ކަމަށް ބުނެފި އެވެ.

ބަޔާންގެ ކޯޗަކަށް ހުރި ޖަރުމަނުގެ ކޯޗު ތޯމަސް ޓުޗެލް، ނިމިދިޔަ ސީޒަނަށް ފަހު، އެ ޓީމުގެ ކޯޗުކަމުން ވަކިވިއިރު، މިއީ، 11 އަހަރު ތެރޭ ބަޔާންގެ އެންމެ ދަށް ސީޒަނެވެ. އެ ޓީމަށް ޖަރުމަނު .ލީގުގެ ޗެމްޕިއަންކަން ގެއްލުނުއިރު، ޖުމްލަ ގޮތެއްގައި މުޅި ސީޒަނުގެ ތެރޭގައި ވެސް ނަތީޖާ ނެރުމުގައި މައްސަލަ ދިމާވި އެވެ.

Advertisement

އާ ކޯޗެއް ހޯދުމުގެ މަސައްކަތުގައި ބަޔާނުން ވަނީ ގިނަ ކޯޗުންނާ ވާހަކަ ދައްކައިފަ އެވެ. އެ ގޮތުން، ޖަރުމަނު ގައުމީ ޓީމުގައި ހުރި ބަޔާންގެ ކުރީގެ ކޯޗު ހޫލިއަން ނާގަލްސްމަން އާއި ސްޕޯޓިން ލިޒްބަންގެ ކޯޗު ރުބެން އަމޮރިމް އަދި ބަޔާ ލެވަކޫސަނަށް ޖަރުމަނު ލީގާއި ކަޕް ކާމިޔާބުކޮށްދިން ޒަބީ އަލޮންސޯއާ ވާހަކަ ދެއްކުމަށް ފަހު، އެންމެ ފަހުން، ބަޔާނުން ގެނައީ، އިނގިރޭސި ޕްރިމިއާ ލީގުން ރެލިގޭޓްވި ބާންލީގައި ހުރި ކޯޗު ކޮމްޕެނީ އެވެ.

ފާޑުކިޔުންތަކަށް ރައްދުދެމުން ކޮމްޕެނީ ބުނީ، އަމިއްލަ ނަފްސާ މެދު އިތުބާރު އެބައޮތް ކަަމަށެވެ.

"މި ކްލަބަށް (ބަޔާން މިއުނިކަށް) ކޯޗުކޮށްދިނުމަކީ، ފުޓްބޯޅައިގައި ލިބޭނެ އެންމެ ބޮޑު އެއް ޝަރަފް، އަހަންނަށް ވަރަށް ޔަގީންކަން އެބައޮތް،" ކޮމްޕެނީ ބުންޏެވެ.

ބާންލީގެ ކޯޗަކަށް 2028 ވަނަ އަހަރުގެ ޖޫން މަހުގެ ނިޔަލަށް ކޮންޓްރެކްޓެއްގައި ހުރި، ކޮމްޕެނީގެ އެ އެއްބަސްވުން އުވާލަން ދައްކަން ޖެހޭ ފީ ކަމަށްވާ 15 މިލިއަން ޑޮލަރު ބަޔާނުން ދެެއްކި އެވެ.

ޖަރުމަނުގެ މީޑިއާ ރިޕޯޓްތައް ބުނާގޮތުން، ބަޔާން އިން ކޯޗަކަށް ކޮމްޕެނީ ހަމަޖެއްސުމުގެ ކުރިން، މެންޗެސްޓާ ސިޓީގެ ކޯޗު ޕެޕް ގާޑިއޯލާގެ ލަފާ ހޯދި އެވެ. ކުރިން ބަޔާން އަށް ކޯޗުކޮށްދިން، ގާޑިއޯލާގެ އިރުޝާދުގެ ދަށުން ކޮމްޕެނީ ވަނީ ސިޓީ އަށް ކުޅެފަ އެވެ. ސިޓީގައި ކޮމްޕެނީ ހޭދަކުރި 11 އަހަރުގެ ތެރެއިން، ފަހު ތިން އަހަރު ކުޅުނީ ގާޑިއޯލާގެ ކޯޗުކަމުގަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox