ކަރަންޓު ދިނުމުގައި މާލެ އާއި އަތޮޅުތަކުގެ ތަފާތު ނައްތާލަން ވ. އަތޮޅު ކައުންސިލުން ގޮވާލައިފި

ކަރަންޓު ދިނުމުގައި މާލެ އާއި އަތޮޅުތަކުގެ ތަފާތު ނައްތާލަން ވ. އަތޮޅު ކައުންސިލުން ގޮވާލައިފި

ކަރަންޓުގެ ހިދުމަތް ފޯރުކޮށްދިނުމުގައި އަތޮޅުތަކުގައި ހިންގާ ސަރުކާރުގެ އިދާރާތަކާއި މާލެ ސަރަހައްދުގައިވާ ސަރުކާރުގެ އިދާރާތަކުން ނަގަމުންދާ "ބޭންޑް" އަދި "ރޭޓް" ގެ ތަފާތު ނައްތާލަން ފެލިދުއަތޮޅު ކައުންސިލްގެ ރައީސް ޝުޖާއު އަލީ ގޮވާލައިފި އެވެ.

ޔޫޓިލިޓީ ރެގިއުލޭޓަރީ އޮތޯރިޓީގެ ޗީފް އެގްޒެކެޓިވް ޔަޒީދު އަހުމަދުއަށް ފޮނުއްވި ސިޓީއެއްގައި ޝުޖާއު ވަނީ އެ އަތޮޅުގައި ކަރަންޓުގެ ހިދުމަތް ފޯރުކޮށްދޭ ސްޓެލްކޯއިން ކަރަންޓުގެ ހިދުމަތް ފޯރުކޮށްދިނުމުގައި މާލެ ސަރަހައްދުގައިވާ ސަރުކާރުގެ އިދާރާތަކުންނާއި ކައުންސިލްތަކުން ނަގަމުންދާ "ބޭންޑް" އަދި "ރޭޓް" ތަފާތު ބޮޑުކަން ފާހަގަކުރައްވާ، ކަންބޮޑުވުން ފާޅުކުރައްވާފަ އެވެ.

ހިންގުމުގެ ހަރަދުތަކުގެ ތެރެއިން ކަރަންޓަށް ކުރަންޖެހޭ ހޭދަ މަހުން މަހަށް ބޮޑުވުމަކީ ކައުންސިލްތަކަށް އެކަމުން ދަތިތައް ފޯރާ ކަމެއް ކަމަށާއި، މާލޭގެ ސަރުކާރުގެ އިދާރާތަކާއި އަތޮޅުތަކުގައި ގާއިމުކުރެވިފައިވާ ސަރުކާރުގެ އިދާރާތައް ގާއިމުކުރެވިފައި ވަނީ އެއް މަގްސަދެއް ހާސިލު ކުރުމަށް ކަމަށް ޝުޖާއު ވިދާލުވި އެވެ.

ނަމަވެސް ކަރަންޓުގެ ހިދުމަތް ފޯރުކޮށްދިނުމުގައި އަތޮޅުތަކުގައި ހިމެނޭ ސަރުކާރުގެ އިދާރާތަކާއި މާލެ ސަރަހައްދުގައިވާ އިދާރާތަކުން ނަގަމުންދާ "ބޭންޑް" އަދި "ރޭޓް" ގެ ތަފާތު ބޮޑުވުމަކީ ވަރަށް ބޮޑު ބޭއިންސާފާއި، "ތަފާތުކުރުން" ކަމަށް ދެކޭ ކަމަށް ވެސް ޝުޖާއު ވިދާޅުވި އެވެ.

"ރާއްޖޭގެ އާންމު ބޭނުންތަކުގެ ހިދުމަތުގެ ގާނޫނު ނަންބަރު 4/96 ގައި ބަޔާންކުރާ އާއްމު ބޭނުންތަކުގެ ހިދުމަތުގެ ތެރެއިން، ކަރަންޓުގެ ހިދުމަތަކީ ރައްޔިތުންގެ އާއްމުދިރިއުޅުމާއި ގުޅިފައިވާ ޒަރޫރީ ގޮތުން ބޭނުންވާ ހިދުމަތްތަކުގެ ތެރެއިން އެންމެ މުހިއްމު އެއް ހިދުމަތް. އަދި ގާނޫނު ނަންބަރު 26/2020 ޔޫޓިލިޓީ ރެގިއުލޭޓަރީ އޮތޯރިޓީ ގާނޫނު އެއްވަނަ ބާބުގެ ރ. ގައި އާންމު ބޭނުންތަކުގެ ހިދުމަތްތައް ފޯރުކޮށްދިނުމުގައި ހަމަހަމަކަމާއި އިންސާފުވެރިކަން ކަށަވަރު ކުރުމަށް މަގުފަހިކުރުން މި ގާނޫނުގެ މަގްސަދުތަކުގެ ތެރޭގައި ފާހަގަކުރައްވާފައިވޭ،" ޝުޖާއު ބުންޏެވެ.

އާންމު ބޭނުންތަކުގެ ހިދުމަތްތައް ފޯރުކޮށްދިނުމުގައި ހަމަހަމަކަމާއި އިންސާފުވެރިކަން ކަށަވަރު ކުރުމަށް މަގުފަހިކުރުން އެއީ ޔޫޓިލިިޓީ ރެގިއުލޭޓަރީ އޮތޯރިޓީގެ ގާނޫނީ މަގްސަދަކަށްވީ ހިނދު، ޔޫޓިލިޓީ ހިދުމަތް ވ. އަތޮޅުގައި ފޯރުކޮށްދޭ ސްޓްލެކޯއިން ކަރަންޓު ހިދުމަތް ފޯރުކޮށްދިނުމުގައި އޮތް ތަފާތު ނައްތާލަން އެ ފަރާތަށް އެންގުމަށް ޝުޖާއު ވަނީ މި ސިޓީގައި އެދިފަ އެވެ.

އޭގެ އިތުރުން ޝުޖާއު ވިދާޅުވީ ކަރަންޓުގެ ހިދުމަތް ފޯރުކޮށްދިނުމުގަ އަތޮޅުތަކުގަ އަދި މާލޭ ގައި ހިންގޭ ސަރުކާރުގެ އިދާރާތަކުން ތަފާތު ބޮޑުކޮށް އަގު ނެގުން ބަލައެއް ނުގަނެވޭނެ ކަމަށާއި ދެކޮޅު ނުޖެހޭ މި ސިޔާސަތު ބަދަލުކުރަން ޖެހޭ ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox