އިރާންގެ ރައީސް އިބްރާހިމް ރައީސީ ދަތުރުކުރެއްވި ހެލިކޮޕްޓަރު ވެއްޓިފައި އޮއްވާ ފެނިއްޖެ އެވެ. ނަމަވެސް، އެމަނިކުފާނު ދިރިހުރިކަމުގެ އުންމީދެއް ނެތް ކަމަށް އިރާންގެ ރެޑްކްރެސެންޓުން ބުނެފި އެވެ.
އިރާންގެ ރެޑްކްރެސެންޓާ ހަވާލާދީ އަލްޖަޒީރާއިން ބުނީ ހެލިކޮޕްޓަރު ވެއްޓުނު ސަރަހައްދަށް ރެސްކިއު ޓީމުތަކުން ގޮސް ހަރަކާތްތެރިވާން ފަށާފައިވާ ކަމަށާއި، އެ ސަރަހައްދުގެ ހާލަތަށް ބަލާއިރު ރައީސީ ދިރިހުރި ކަމުގެ އުންމީދެއް ކަމަށެވެ.
ރެޑްކްރެސެންޓްއިން ބުނީ ހެލިކޮޕްޓަރު އޮތީ އެއްކޮށް ގޮވާފައިވާ ކަމަށާއި، އެ ސަރަހައްދުން އެއްވެސް މީހެއްގެ ނިޝާނެއް ވެސް މި ވަގުތު ފެންނަން ނެތް ކަމަށެވެ.
ހެލިކޮޕްޓަރު ވެއްޓުނީ އަޒަރުބައިޖާންގެ ޑޭމް ޕްރޮޖެކްޓެއް އިފްތިތާހު ކުރެއްވުމަށް ފަހު ރައިސީ އެނބުރި އިރާނަސް ވަޑައިގެންނެވި މަގުމަތީގަ އެވެ. މޫސުން ގޯސްވުމުގެ ސަބަބުން ހެލިކަޕްޓަރު ހޯދަން ބޮޑެތި ދަތިތައް ދިމާވި އެވެ.
