މޯލްޑިވްސް އިސްލާމިކް ބޭންކް (އެމްއައިބީ) ބިޒްނަސް އެކްސްޕެންސް ކާޑުން ޕެޓީ ކޭޝް މެނޭޖް ކޮށްލަން މިހާރު މާ ފަސޭހަވެއްޖެ އެވެ.
އެމްއައިބީ ވިސާ ބިޒްނަސް އެކްސްޕެންސް ކާޑަކީ ވިޔަފާރިތަކުން ކުރަން ޖެހޭ ކުދި ކުދި ހަރަދު ކުރުމަށް މާ ރައްކާތެރި މާ ފަސޭހަ ގޮތެކެވެ. އެގޮތުން އެމްއައިބީގެ ބިޒްނަސް އެކްސްޕެންސް ކާޑުން ޕެޓީ ކޭޝް މެނޭޖް ކުރުމުގެ އިތުރަށް އޮންލައިންކޮށް ބިލްތައް ދައްކައި، ކުރެވުނު ހަރަދުތަކުގެ ތަފްސީލު ބަލަން ފަސޭހަވެ އެވެ.
މިހާރުވެސް މިކާޑަކީ ގިނަ ކުންފުނިތަކުން ޕެޓީ ކޭޝް މެނޭޖް ކުރުމަަށް ބޭނުންކުރާ ކާޑެކެވެ.
މި ކާޑާއިއެކު ވިޔަފާރިތަކަށް މީގެ ކުރިން ނަގުދު ފައިސާ ގެންގުޅެން ޖެހުމުން އޮޅުން ބޮޅުންވި ޕެޓީ ކޭޝް މެނޭޖް ކޮށްލަން މިވަނީ ވަރަށް ފަސޭހަކަމަކަށް ވެފަ އެވެ. އެގޮތުން ވެރިފަރާތުން ބޭނުންވާ ސްޕެންޑިން ލިމިޓް ތަކެއް މިހިދުމަތުގައި ސެޓަޕް ކޮށްލެވޭނެ އެވެ.
އޭގެ ތެރޭގައި ކޮންމެ ދުވަހަކު ބޭނުންކޮށްލަން ވަކި ލިމިޓެއް ސެޓް ކޮށްލެވޭނެއެވެ. އަދި ކޮންމެ މަހަކުވެސް ބޭނުން ކުރަން ޖުމްލަ އަދަދެއްވެސް ސެޓު ކުރެވިދާނެއެވެ.
އެމްއައިބީ ބިޒްނަސް އެކްސްޕެންސް ކާޑު: ޕެޓީ ކޭޝް މެނޭޖް ކޮށްލަން ފަސޭހަ ކަމަށް އެމްއައިބީއިން ބުނޭ -- ފޮޓޯ: އެމްއައިބީ
ކަސްޓަމަރު ބޭނުންނަމަ ޑޮލަރު ނުވަތަ ރުފިޔާއިންވެސް މި ކާޑުނެގިދާނެ އެވެ. އެހެންކަމުން ރާއްޖޭން ބޭރުގެ ފަރާތްތަކަށް ދައްކަންޖެހޭ ފައިސާ ދެއްކުމަށްވެސް މި ކާޑު ބޭނުން ކުރެވިދާނެ އެވެ.
މި ވަރަކުން ނިމުނީއެއް ނޫނެވެ، އެކި ބޭނުންތަކަށް އެކި ކާޑު ވެސް ނެގި ދާނެ އެވެ. އެއްކާޑަށްވުރެ ގިނަ ކާޑާއިއެކު އެކި ފަރާތްތަކަށް އެއްފަހަރާ އެކި ބޭނުންތަކަށްވެސް މި ކާޑު ބޭނުން ކުރެވޭނެ އެވެ.
މީގެ އިތުރުން މި ކާޑަކީ ޓޮޕްއަޕް ކޮއްލަން ފަސޭހަ ކާޑެއްވެސްމެ އެވެ. މި ކާޑުގެ އެންމެ ހާއްސަ އެއް ސިފައަކީ ހަރަދު ތަކުގެ ތަފްސީލު އިންޓަނެޓް ބޭންކިން މެދުވެރިކޮށް ބަލައިލެވޭކަމެވެ.
ޒަމާނީ ވަސީލަތްތައް މެދުވެރިކޮށް ރައްކާތެރި ބޭންކިން ހިދުމަތެއް ދެމުން އަންނަ އެމްއައިބީގެ އިންޓަނެޓް ބޭންކިންއަކީ ބޭނުން ކޮށްލަން ރައްކާތެރި އަދި ސަލާމަތީ ސިފަތަކެއް އެކުލެވޭ ހިދުމަތެެކެވެ.
