ލަންކާގެ މަޝްހޫރު ސްޕާ ސިލޯންގެ ފިހާރައެއް ތަފާތު ގިނަ އުފެއްދުންތަކާއެކު ރާއްޖޭގައި ހުޅުވައިފި އެވެ.
ޖާގަ ތަނަވަސްކޮށް، ތިން ފަންގިފިލާއަށް ހަދާފައިވާ ސްޕާ ސިލޯން ހުންނަނީ މ. އޯޝަން ރީޑް، ފަރީދީ މަގުގަ އެވެ. މިއީ ސްޕާ ސިލޯންއިން ހުޅުވި އެ ބްރޭންޑުގެ 138 ވަނަ ފިހާރަ އެވެ.
ސްޕާ ސިލޯންގެ މާލޭ ފިހާރަ ހުޅުވުމުގެ ރަސްމިއްޔާތު. އަކީ ސްރީލަންކާގައި މަޝްހޫރު ބްރޭންޑެއް. ފޮޓޯ: މިރާން ނާޝިމް/އަދަދު
ސްޕާ ސިލޯން ތަފާތުވަނީ އެތަނުން ވިއްކާ ހުރިހާ އުފެއްދުންތަކަކުން ވެސް ކޮންމެ ވެސް މީރު ވަހެއް ދުވާތީ ކަމަށްވާއިރު، ފިހާރައަށް ވަދެލުމުން ވެސް އެތަނުން ދުވާ މީރު ވަހުން މީހާއަށް ހިތްހަމަ ޖެހުން ލިބެ އެވެ.
އެފިހާރައިން ވިއްކާ އުފެއްދުންތަކުގެ ތެރޭގައި މީރުވަސް ދުވާ ފިރިހެން އަދި އަންހެން ކޮލޯންއާއި ސެންޓު ހިމެނޭއިރު، ސްކިން ކެއާ އަދި ހެއާ ކެއާގެ އުފެއްދުންތައް ވެސް ހުރެ އެވެ.
މީގެއިތުރުން ޝަވަ ޖެލްއާއި ހޭންޑް ވޮޝް، ހޭންޑް އަދި ބޮޑީ ލޯޝަން، ހޭންޑް އަދި ބޮޑީ ކްރީމް، ހެއާ ކްރީމް، ހެއާ ސްޕްރޭ، ލިޕް ބާމްއާއި ލިޕް ސްކްރަބް، ސައިބޯނީގެ އެކި ވަައްތަރުތައް ވެސް ލިބެން ހުރެ އެވެ.
ގޭތެރޭގައި މީރުވަސް ދުއްވަން ބޭނުންކުރާ އެކި އުފެއްދުންތައް އެ ފިހާރައިން ލިބެން ހުރި އިރު، އޭގެ ތެރޭގައި އުށްބައްތީގެ އިތުރުން އެކި ކަހަލަ ސްޕްރޭތައް ހިމެނެ އެވެ.
އެ ފިހާރައިން ލިބެން ހުންނަ ހުރިހާ އުފެއްދުންތަކެއް ވެސް ލިބެން ހުރީ އަތްފޯރާ ފަށުގަ އެވެ. މިގޮތުން އެންމެ އަގުބޮޑު ސެންޓު ފުޅި ވެސް 1000ރ. އަށްވުރެ އަގު ހެވެވެ.
