ސްޕޯޓިންގެ ކޯޗު އަމޮރިމް، ލިވަޕޫލާ އެކު މަޝްވަރާތައް ފަށައިފި: ރިޕޯޓް

Apr 6, 2024, 4:11 AM
ސްޕޯޓިންގެ ކޯޗު އަމޮރިމް، ލިވަޕޫލާ އެކު މަޝްވަރާތައް ފަށައިފި: ރިޕޯޓް

ލިޒްބަން (އޭޕްރީލް 6) - ސްޕޯޓިން ލިޒްބަންގެ ކޯޗު ރުބެން އަމޮރިމް، ލިވަޕޫލްގެ ކޯޗުކަމާ ހަވާލުވާން މަޝްވަރާކުރަން ފަށާފައިވާ ކަމަށް ޕޯޗުގީސް މީޑިއާ އިން ރިޕޯޓްކޮށްފި އެވެ.

ލިވަޕޫލްގެ ކޯޗުކަމުން ޔާގަން ކްލޮޕް މި ސީޒަނަށް ފަހު ވަކިވާން ވަނީ ނިންމައިފަ އެވެ. އެހެންވެ، އާ ކޯޗެއް ހަމަޖެއްސުމުގެ މަސައްކަތް ލިވަޕޫލުން އަންނަނީ ކުރަމުންނެވެ. ލިވަޕޫލުން އެންމެ ބޮޑަށް ފާރަލި އެއް ކޯޗު، ބަޔާ ލެވަކޫސަންގެ ޒަބީ އަލޮންސޯ ވަނީ އެ ޓީމުގައި މަޑުކޮށްފަ އެވެ. ދެން، ލިވަޕޫލުން ބަލަނީ، ބްރައިޓަންގެ ކޯޗު ރޮބާޓޯ ޑި ޒާބީ އާއި ސްޕޯޓިންގެ ކޯޗު އަމޮރިމް އަށް ކަމަށް މީޑިއާ އިން ވަނީ ރިޕޯޓްކޮށްފަ އެވެ.

އެ ގޮތުން، މިހާރު ލިވަޕޫލުން ވަނީ އަމޮރިމްއާ އެކު މަޝްވަރާތައް ފަށާފައި ކަމަށް ޕޯޗުގީސް މީޑިއާތަކުން ވަނީ މި ފަހުން ރިޕޯޓްކޮށްފަ އެވެ.

އަމޮރިމް، މި ވަގުތު ސްޕޯޓިންގެ ކޯޗަކަށް ހުރީ 2026 ވަނަ އަހަރުގެ ޖޫން މަހުގެ ނިޔަލަށް ހަދާފައިވާ ކޮންޓްރެކްޓެއްގަ އެވެ. އެ އެއްބަސްވުމުގައިވާ ގޮތުން، މި ސީޒަނަށް ފަހު، އަމޮރިމް އެދޭނަމަ، 15 މިލިއަން ޑޮލަރުގެ ފީއެއް ދައްކައިގެން، ކޮންޓްރެކްޓް އުވާލެވޭނެ އެވެ.

އަންނަ ސީޒަނުގައި ސްޕޯޓިން އިން ފެންނާނެ ކަމުގެ ޔަގީންކަމެއް އަމޮރިމް އަށް ނުދެވުނު

ޕޯޗުގީސް ލީގުގެ އެއް ވަނައިގައި މި ވަގުތު އޮތް ސްޕޯޓިންގެ މި ހަފްތާގެ މެޗުތަކުގެ ކުރިން އަމޮރިމް އަށް ވަނީ އޭނާގެ މުސްތަގުބަލާ ގުޅުވައިގެން ގިނަ ސުވާލުތަކެއް އަމާޒުވެފަ އެވެ.

އެ ގޮތުން، އަމޮރިމް އަށް މީޑިއާ އިން އަމާޒުވި އެއް ސުވާލަކީ، ބަޔާ ލެވަކޫސަންގައި މަޑުކުރާނެކަން އަލޮންސޯ ހާމަކުރި ގޮތަށް އަމޮރިމް އަށް މަގާމުގައި ދެމިހުރެވޭނެ ކަމުގެ ޔަގީންކަން ދެވިދާނެތޯ އެވެ.

"އަހަންނަށް އެކަމުގެ (އަންނަ ސީޒަނުގައި ސްޕޯޓިން އިން ފެންނާނެ ކަމުގެ) ޔަގީންކަމެއް ނުދެވޭނެ،" އަމޮރިމް ބުންޏެވެ.

"ސްޕޯޓިންގެ މުސްތަގުބަލާ މެދު އެ ކްލަބުން ގޮތްތަކެއް ނިންމާނެ. އަހަރެންގެ ވިސްނުމަކީ އަހަރެން އަބަދުވެސް ބުނެފައި އޮންނާނެ ގޮތަށް ކަންކަން ކުރުން. އެއީ ޓާގެޓްކުރާ ކަންކަން ނުވެއްޖެނަމަ އަހަރެން ކްލަބް ދޫކޮށްލާނަން،"

ލިވަޕޫލާ މަޝްވަރާތަކެއް ކުރިއަށްދޭތޯ އޮޅުންފިލުވަން ކުރި ސުވާލުތަކަށް އަމޮރިމް ސީދާ ޖަވާބެއް ނުދެ އެވެ. އަމޮރިމް ބުނީ، މި ވަގުތު ފޯކަސް އަކީ، ސްޕޯޓިން އަށް މި ސީޒަނުގެ މުބާރާތްތައް ކާމިޔާބުކޮށްދިނުން ކަމަށާއި ސީޒަން ނިމުމުން މުސްތަގުބަލުގެ ކަންކަމާ ގުޅޭ ވާހަކަ ދައްކަން ވަގުތު ލިބޭނެ ކަމަށެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox