ބާޒާރުގައި ލެޓިއުސް ކިލޯއެއްގެ އަގު މިއަދު 120ރ. އަށް އަދި ކިއުކަމްބާ ކިލޯއެއްގެ އަގު 60ރ. އަށް އުފުލިއްޖެ އެވެ.
މާލޭ ދަތުރުވެރިންގެ މާރުކޭޓުގައި ލެޓިއުސް ކިލޯއެއްގެ އަގު ހުރީ 100ރ. އާއި 150ރ. އާ ދެމެދުގެ އަގެއްގަ އެވެ. އެކި ގޮޅިތަކުން ލެޓިއުސް ވިއްކަމުން ދިޔައީ އެކި އަގުތަކުގަ އެވެ.
ބާޒާރުން "އަދަދު" އާ ވާހަކަ ދެއްކި މީހަކު ބުނީ ދިވެހިންގެ މެދުގައި ބޮޑު ޑިމާންޑެއް އޮތް ލެޓިއުސްގެ އަގު ބޮޑުވެފައި ވަނީ އެ ލިބޭ އަގު ބޮޑުވެ، ލިބޭ މިންވަރު ވެސް މަދުވުމުން ކަމަށެވެ.
"ކުރިއަށް އޮތް ދުވަސްތަކުގައި ވެސް ލެޓިއުސް ލިބުން މަދުވާނަމަ އަގު އުފުލޭނެ. އިއްޔެ ހުރި އަގަށްވުރެ ވެސް މައްޗަށް މިއަދު މިވަނީ އަގު އުފުލިފައި،" ބާޒާރުން ވާހަކަ ދެއްކި މީހާ ބުނި އެވެ.
ރޯދަ މަސް ފެށުނުއިރު ލެޓިއުސްގެ އަގު ހުރީ 60ރ. އާއި 70ރ. އާ ދެމެދުގެ އަގެއްގަ އެވެ.
ކިއުކަމްބާގެ އަގު މިއަދު 60ރ. އާއި 70ރ. އާ ދެމެދު ހުރިއިރު، ރޯދަ މަސް ފެށުނުއިރު ކިއުކަމްބާ ކިލޯއެއްގެ އަގު ހުރީ 30ރ. އާއި 35ރ. އާ ދެމެދުގެ އަގެއްގަ އެވެ.
ކެރެޓް ކިލޯއެއްގެ އަގު 35ރ. އާއި 40ރ. އާ ދެމެދު ހުރިއިރު، ކެބެޖު ކިލޯއެއްގެ އަގު ހުރީ 25ރ. އާއި 30ރ. އާ ދެމެދުގެ އަގެއްގަ އެވެ. އަދި ލީކްސް ކިލޯއެއް 70ރ. އާއި 75ރ. އާ ދެމެދު ހުއިރު، ކެޕްސިކަމް ކިލޯއެއް 60ރ. އާއި 65ރ. އަށް ލިބެ އެވެ.
މޭވާގެ އަގުތައް މަޑުމަޑުން ވަނީ ދަށްވެފަ އެވެ. އެގޮތުން އޮރެންޖެއްގެ އަގު 6ރ. އާއި 7ރ. އަށް ހުރިއިރު، ރަތް އާފަލެއް 6ރ. އަށް ލިބެ އެވެ. އަދި ފެހި އާފަލެއް 7ރ. އަށް ލިބެ އެވެ.
މިއަދު ދިވެހި ޖުމްހޫރީ މޭވާ ބާޒާރުގައި ތިޔާގިވެފައިވާއިރު ކިލޯއެއްގެ އަގު ހުރީ 140ރ. އަށެވެ. އަންނާރު ކިލޯއެއް 100ރ. އަށް ހުރިއިރު، ލުނބޯ ކިލޯއެއް ހުރީ 65ރ. އަށެވެ. އަދި މެންޑެރިން ކިލޯއެއްގެ އަގު ހުރީ 70ރ. ގަ އެވެ.
ކަނޑުމަހުގެ ބާވަތްތަކަށް ބަލާއިރު ކަންނެލި ކިލޯއެއް 35ރ. އާއި 40ރ. އާ ދެމެދު ހުރިއިރު، ކަނޑު މަސް ކިލޯއެއް ހުރީ 35ރ. އާއި 40ރ. އާ ދެމެދުގެ އަގެއްގަ އެވެ.
