ލިވަޕޫލްގެ ފޯކަސް ސްޕޯޓިންގެ ކޯޗު އަމޮރިމް އަށް

Mar 31, 2024, 3:41 AM
ލިވަޕޫލްގެ ފޯކަސް ސްޕޯޓިންގެ ކޯޗު އަމޮރިމް އަށް

ލިޒްބަން (މާޗް 31) - ލިވަޕޫލުން މިހާރު އެ ޓީމަށް ގެންނަން އެންމެ ބޮޑަށް ފާރަލަމުން އަންނަ ކޯޗަކީ، ސްޕޯޓިން ލިޒްބަންއާ ހަވާލުވެހުރި ޒުވާން ކޯޗު، ރުބެން އަމޮރިމް އަށް ކަމަށް ރިޕޯޓްތައް ބުނެފި އެވެ.

ލިވަޕޫލްގެ ކޯޗުކަމުން ޔާގަން ކްލޮޕް މި ސީޒަނަށް ފަހު ވަކިވާން ވަނީ ނިންމައިފަ އެވެ. ނުވަ އަހަރު ލިވަޕޫލްގެ ކޯޗުކަން ކުރި ކްލޮޕްގެ މަގާމަށް ދެން އަންނާނީ ބަޔާ ލެވަކޫސަންގައި ހުރި ސްޕެއިނުގެ ކޯޗު ޒަބީ އަލޮންސޯ ކަމަށް މީޑިއާ އިން ރިޕޯޓްކުރި އެވެ.

އެހެން ނަމަވެސް، އަލޮންސޯ ވަނީ ލެވަކޫސަންގައި މަޑުކުރަން ނިންމާފައިވާކަން މީޑިއާގައި ހާމަކޮށްފަ އެވެ.

Advertisement

އިނގިރޭސި އާއި ޕޯޗުގީސް މީޑިއާތަކުން ރިޕޯޓްކުރާގޮތުގައި ލިވަޕޫލުން މިހާރު މަސައްކަތް ފަށާފައިވަނީ އަމޮރިމް، 39، އެ ޓީމުގެ ކޯޗަކަށް ހަަމަޖެއްސުމަށެވެ.

ސްޕޯޓިން ލިޒްބަންގައި 2020 އިން ފަށައިގެން މަސައްކަތް ކުރަމުން އަންނަ އަމޮރިމް ވަނީ އެ ޓީމަށް 19 އަހަރު ތެރޭ ފުރަތަމަ ފަހަރަށް ލީގު ޗެމްޕިއަންކަން ހޯދައިދީފަ އެވެ. މި ވަގުތު ޕޯޗުގީސް ލީގުގެ އެއް ވަނައިގައި އޮތީ ވެސް ސްޕޯޓިން އެވެ.

ބްރާގާ އަށް މީގެ ކުރިން ކޯޗުކޮށްދިން އަމޮރިމް، މި ވަގުތު ސްޕޯޓިންގެ ކޯޗަކަށް ހުރީ 2026 ވަނަ އަހަރުގެ ޖޫން މަހުގެ ނިޔަލަށް ހަދާފައިވާ ކޮންޓްރެކްޓެއްގަ އެވެ.

އެކަަމަކު، އެ އެއްބަސްވުމުގައިވާ ގޮތުން، މި ސީޒަނަށް ފަހު، އަމޮރިމް އެދޭނަމަ، 15 މިލިއަން ޑޮލަރުގެ ފީއެއް ދައްކައިގެން، ކޮންޓްރެކްޓް އުވާލެވޭނެ އެވެ. އެެހެން ނަމަވެސް ޕޯޗުގީސް މީޑިއާ އިން ކުރި ސުވާލަކަށް ދިން ޖަވާބުގައި އަމޮރިމް ބުނީ، "ސްޕޯޓިންގައި ހުރީ ހިތްހަމަޖެހިގެން ކާމިޔާބު ސީޒަނެއް ނިންމުމަށް" ކަމަށެވެ.

މުސްތަގުބަލާ ގުޅޭގޮތުން އަބަދުވެސް ވިސްނާނެ ކަމަށާއި ކަންކަމާ ވާހަކަ ދެއްކުން އޮންނަނީ ސީޒަން ނިމުމުން ކަމަށެެވެ.

ލިވަޕޫލުން ދެން ވާހަކަ ދައްކަމުން އަންނަ އެއް ކޯޗަކީ، ބްރައިޓަންގައި ހުރި އިޓަލީގެ ރޮބާޓޯ ޑި ޒާބީއާ އެވެ.

އިނގިރޭސި ޕްރިމިއާ ލީގުގައި މިއަދު ލިވަޕޫލް ދަނޑުގައި ޒި ޒާބީގެ ބްރައިޓަންއާ ބައްދަލުކުރާނެ އެވެ. އެ މެޗުގެ ކުރިން ބޭއްވި ނޫސްވެރިންގެ ބައްދަލުވުމުގައި ޑި ޒާބީ ބުނީ، ބްރައިޓަންއާ އެކު އޭނާގެ މުސްތަގުބަލު އޮތްގޮތެއް "ސީދާ ބުނަން ނޭނގޭ" ކަމަށާއި ކޮންޓްރެކްޓެއް އޮތުމުން އަބަދުވެސް އެ އަށް އިހުތިރާމްކުރާނެ ކަމަށެވެ.

ބްރައިޓަން އިން އެންމެ ފަހުން، ޑި ޒާބީގެ ކޮންޓްރެކްޓް އާ ކޮށްފައިވަނީ، 2026 ވަނަ އަަހަރުގެ ޖޫން މަހުގެ ނިޔަލަށެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox