ލިޓަސް އޮޓޯމޯބައިލްސްގެ ރޯދަ ހަދިޔާގެ ދަށުން 10 ނަސީބުވެރިޔަކަށް 10،000ރ. ގެ ފައިސާގެ އިނާމު ހުށަހަޅައިފި އެވެ.
ލިޓަސްއިން ބުނީ، މި ޕްރޮމޯޝަންގެ ދަށުން 25،000ރ. އާ ހަމައަށް ޑިސްކައުންޓު ލިބުމުގެ އިތުރުން އެކި ސައިކަލުތަކުން އެކި ވަރުގެ ޑިސްކައުންޓު ލިބޭނެ ކަމަށެވެ.
އެއާއެކު ލިޓަސްއިން ކުރިއަށްގެންދާ ފަތިސް ޗެލެންޖުގެ ދަށުން ރޯދަ މަހު ކޮންމެ ދުވަހު ފަތިހު 5:00 އިން 06:00 ޖަހަންދެން ލިޓަސްގެ ފޭސްބުކް ޕޭޖުގައި ޕޯސްޓުކުރާ ސުވާލުގެ ޖަވާބު ދިމާކޮށްގެން ފައިސާގެ އިނާމު ހޯދުމުގެ ފުރުސަތު ވެސް ވަނީ ހުޅުވާލާފަ އެވެ.
މި ޕްރޮމޯޝަންގެ ދަށުން އެންމެ ގިނަ ސުވާލު ޖަވާބު ދިމާ ކުރާ ފަރާތަށް 8،000ރ. ލިބޭއިރު، ދެވަނައަށް 5،000ރ. ލިބެ އެވެ. އަދި ތިންވަނައަށް 2،000ރ. ލިބެ އެވެ.
އެންމެ ގިނަ ސުވާލުގެ ޖަވާބު ދިމާކޮށްފައިވަނީ އެއް ބައިވެރިއަކަށްވުރެ ގިނަ ބައިވެރިން ނަމަ ނަގާނީ ގުރެއް ކަމަށް ލިޓަސްއިން ބުނެ އެވެ.
ރޯދަ މަހާ ދިމާކޮށް ލިޓަސްއިން ކޮންމެ އަހަރަކު ވެސް އަގުހުރި އިނާމުތައް ލިބޭ ޕްރޮމޯޝަންތައް ކުރިއަށް ގެންދެ އެވެ.
