އާސަންދައިން ޔޫއޭއީ އާއި ތައިލެންޑަށް ބަލިމީހުން ފޮނުވޭނެ ދުވަހެއް ނޭނގޭ

ސޯޝަލް އެންޑް ފެމިލީ މިނިސްޓަރު ޑރ. އާއިޝަތު ޝިހާމް ރައްޔިތުންގެ މަޖިލީހުގެ މެންބަރުންނަށް ޖަވާބުދެއްވަނީ. ފޮޓޯ: މަޖިލީހުގެ އިދާރާ

ސޯޝަލް އެންޑް ފެމިލީ މިނިސްޓަރު ޑރ. އާއިޝަތު ޝިހާމް ރައްޔިތުންގެ މަޖިލީހުގެ މެންބަރުންނަށް ޖަވާބުދެއްވަނީ. ފޮޓޯ: މަޖިލީހުގެ އިދާރާ

ރައީސް ޑރ. މުހައްމަދު މުއިއްޒު ވެވަޑައިގެންނެވި ވައުދާ އެއްގޮތަށް، ދައުލަތުގެ ހެލްތު އިންޝުއަރެންސް ސްކީމް، އާސަންދައިގެ ހަރަދުގައި ޔޫއޭއީ އާއި ތައިލެންޑުން ބޭސްކުރުމުގެ ހިދުމަތް ދޭން ފެށޭނެ ތާރީހަކާ ބެހޭ ގޮތުން، ސަރުކާރުގެ އެއްވެސް ނިންމުމެއް އަދި ނެތް ކަން އެނގިއްޖެ އެވެ.

ރައްޔިތުންގެ މަޖިލީހުގެ މިއަދުގެ ޖަލްސާގައި ވަޒީރުންނާ ސުވާލުކުރުމުގެ ވަގުތުގައި އެކި މެންބަރުން ތަކުރާރުކޮށް ސުވާލުކުރުމުން ވެސް ތާރީހަކާ ބެހޭގޮތުން އެއްޗެއް ވިދާޅުނުވެ، ސޯޝަލް އެންޑް ފެމިލީ ޑިވެލޮޕްމެންޓް މިނިސްޓަރު ޑރ. އާއިޝަތު ޝިހާމް ސަރުކާރުން މަސައްކަތް ކުރަމުން އަންނަނީ ވީހާ އަވަަހަކަށް އެ ހިދުމަތް ފެށުމަށް ކަމަށެވެ.

މިނިސްޓަރު އެގޮތަށް ޖަވާބުދެއްވަމުން ގެންދަވާތީ ބައެއް މެންބަރުން އެކަން ފާހަގަ ކުރައްވައި، ކަންބޮޑުވުން ވެސް ފާޅުކުރެއްވި އެވެ. މެންބަރުން އެ ސުވާލު އެ ގޮތް ގޮތަށް ބަދަލުކޮށް އިތުރަށް ތަފްސީލު ވެސް ކޮށްދެއްވި އެވެ.

Advertisement

"ވީ އެންމެ އަވަހަކަށް، އެބަ މަސައްކަތް ކުރަން، އެއީކީ އަޅުގަނޑުމެންނަށް ރައްޔިތުންނަށް ދެވޭނެ ޖަވާބެއް ނޫން. ރައީސުލް ޖުމްހޫރިއްޔާ ވިދާޅުވެފައި އެބަ އޮތް، މިއަދުގެ ސުވާލަކީ ވެސް އާސަންދަ، ތައިލެންޑާ ޔޫއޭއީން ލިބޭނެ ކަމަށް ، ކޮބައިތޯ އެ ދުވަހަކީ؟ ކޮން އިރަކުން އެކަން ވާނެތޯ؟" މިނިސްޓަރުގެ ޖަވާބާ މެދު ނުރުހުން ފާޅުކުރައްވަމުން މެދު ހެންވޭރު ދާއިރާގެ ދަ ޑިމޮކްރެޓްސް މެންބަރު އަލީ އާޒިމް ވިދާޅުވި އެވެ.

އާޒިމް އެގޮތަށް ސުވާލުކުރެއްވުމުން މިނިސްޓަރު އާއިޝަތު ޝިހާމް ވިދާޅުވީ އެެކަހަަލަ މަސައްކަތެއް ކުރާ އިރު އެންމެ މުހިއްމީ ދެމެހެއްޓެނިވި ގޮތެއްގައި ކުރިއަށް ގެންދޭނެ ގޮތަކަށް ކުރުން ކަމަށެވެ.

"މިކަހަލަ މަސައްކަތެއް ކުރަމުން ދާއިރު އެންމެ މުހިންމު ވެގެން ދަނީ ހަމަ ކުރީގައި އަޅުގަނޑު ދެންނެވި ފަދައިން ސަސްޓެއިނަބުލް ސިސްޓަމެއް، އެކަހަލަ ކަމެއް ތައްޔާރުކުރުމަށް ވަރަށް ވިސްނުންތެރިކަމާ އެކު މީގައި ދެން އަނެއްކާ ދުވަސްކޮޅަކުން ބަދަލުކުރަން ނުޖެހޭނެ ކަހަލަ ނިޒާމެއް ތައްޔާރުކުރުން. އެކަމަކު ހަމަ އެއާ އެކީގައި ތިޔަ ފާހަގަކުރެއްވިހެން އެ މުއްދަތްތައް އެނގުމަކީ ހަމަ ތިޔަ ބޭފުޅުންނަށް ވަރަށް މުހިންމު ކަމެއް،" މިނިސްޓަރު ވިދާޅުވި އެވެ.

މިނިސްޓަރު ވިދާޅުވި ގޮތުގައި ޔޫއޭއީއާއި ތައިލެންޑުުން ބޭސްކުރުމަށް އާސަންދަ ހަމަ ޖެއްސުމަށް ޓަކައި މިހާރުު ކުރަމުން އަންނަނީ ދިރާސާ މަސައްކަތްތަކެވެ. އެކަން ވީހާވެސް އަވަހެއް ކުރަން މަސައްކަތް ކުރަމުން އަންނަ ކަމަށް ވެސް ވިދާޅުވި އެެވެ.

"މިހާރު މިކުރެވޭ މަސައްކަތްތަކުގެ ތެރެއިން [އެއީ] މި ގައުމުތައް ބެލުމާއި ހަރަދުތައް ބެލުމާއި މި މަސައްކަތްތަކުގެ ތެރޭގައި ހަމަ ވީހާ އެންމެ އަވަހަކަށް ތިޔަ ބޭފުޅުންނަށް އެ މައުލޫމާތު ހިއްސާކުރާނަން،" އައިޝަތު ޝިހާމް ވިދާޅުވި އެވެ.

މިނިސްޓަރު އެގޮތަށް ޖަވާބު ދެއްވުމުން ހެންވޭރު ދެކުނު ދާއިރާގެ އެމްޑީޕީ މެންބަރު ހުސައިން ޝަހީމް (އަނދުން ހުސައިން) ކަންބޮޑުވުން ފާޅުކުރައްވައި ސުވާލު އިތުރަށް ތަފްސީލު ކުރެއްވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox