ބޭސްފަރުވާއަށް ސަލާން ޖެހުން އިތުރުވެ، ރައްޔިތުން ގޮތް ހުސްވާ ދަރަޖައަށް ހިނގައްޖެ: އައްބާސް

ރައީސް މުހައްމަދު މުއިއްޒު. -- ފޮޓޯ: ރައީސް އޮފީސް

ރައީސް މުހައްމަދު މުއިއްޒު. -- ފޮޓޯ: ރައީސް އޮފީސް

ސިއްހީ ދާއިރާއިން ލިބެމުންދިޔަ އެތައް ހިދުމަތެއް ހުއްޓި، ބޭސްފަރުވާ އަށް ސަލާން ޖެހުން އިތުރުވެ, "ރައްޔިތުން ގޮތް ހުސްވާ ދަރަޖައަށް ގޮސްފި" ކަމަށް ވެލިދޫ ދާއިރާގެ މެންބަރު މުހައްމަދު އައްބާސް ވިދާޅުވެއްޖެ އެވެ.

އައްބާސް އެކްސްގައި ކުރެއްވި ޕޯސްޓެއްގައި ވިދާޅުވީ ކުރިން އާސަންދައިން ލިބުނު އެތައް ބޭހެެއް މިހާރު ނުލިބުމުގެ ޝަކުވާ ބޮޑުވެފައިވާ ކަމަށެވެ. ރަށްރަށުގައި ހުރި އެސްޓީއޯގެ ފާމަސީތަކުން އާންމު ބޭސްތައް ކުރިން ލިބުނު ނަމަވެސް މިހާރު ލިބުން ދަތި ކަމަށް ވެސް އޭނާ ވިދާޅުވި އެވެ.

ރާއްޖޭގައި ކުރެވޭ ބޭސްފަރުވާ އަށް އާސަންދަ ނުލިބޭއިރު، އެފަދަ ސާޖަރީއެއް ރާއްޖޭގައި ސިއްހީ ހިދުމަތްދޭ އަމިއްލަ ތަނަކުން ހަދައިފި ނަމަ، ހަރަދުގެ ބޮޑު ބައެއް އަމިއްލަ އަތުން ދައްކަންޖެހޭ ކަމަށް ވެސް އައްބާސް ވިދާޅުވި އެވެ.

"މީގެ ސަބަބުން މިދިޔަ 10 ވަރަކަށް އަހަރު ތެރޭގައި ލިބެމުންދިޔަ އެތަކެއް ހިދުމަތްތަކެއް ހުއްޓި މިހާރު ބޭސްފަރުވާ އަށް ރައްޔިތުން ސަލާން ޖެހުން އިތުރުވެ، ރައްޔިތުން ގޮތް ހުސްވާ ދަރަޖައަށް ގޮސްފައިވަނީ،" އޭނާ ވިދާޅުވި އެވެ.

މި ހާލަތަށް ރާއްޖެ ދިޔައިރު ވެސް އެ ކަންކަން ހައްލު ނުކޮށް ބޮޑު ވަފުދެއް ގޮވައިގެން ރައީސް މުހައްމަދު މުއިއްޒު ރަށްރަށަށް ވަޑައިގަންނަވާތީ އައްބާސް ކަންބޮޑުވުން ފާޅުކުރެއްވި އެވެ.

"އަޅުގަނޑު އެދެނީ ރައްޔިތުންނަށް އޮޅުވާލުމަށްޓަކައި މުޅި ކެބިނެޓާއި ކުންފުނިތަކުގެ ވެރިން ގޮވައިގެން ސިޔާސީ ބޭނުމަށް ރައްޔިތުންގެ ފައިސާއިން ހަރަދުކުރައްވައިގެން އިސްރާފު ދަތުރުތައް ކުރެެއްވުން މިހާރުން މިހާރައް ހުއްޓާލެއްވުން،" އައްބާސް ވިދާޅުވި އެވެ.

މުއިއްޒު ރާއްޖޭން ބޭރަށާއި ރަށްރަށަށް ގިނަ ދަތުރުތަކެއް ދަނީ ކުރައްވަމުންނެވެ. އެމަނިކުފާނު ރާއްޖޭން ބޭރަށް ކުރައްވާ ދަތުރުގެ ހަރަދު ހާމަ ކުރައްވާތާ ގިނަ ދުވަސްތަކެއް ވެއްޖެ އެވެ.

ރަށްރަށަށް މިހާރު ކުރައްވާ ދަތުރުތަކުގެ މައިގަނޑު އެއް ހަރަކާތަކީ ބީއެމްއެލްގެ އޭޓީއެމް ހުޅުވުމެވެ. އޭގެ އިތުރުން ބައެއް ރަށް ރަށުގައި ތަރައްގީގެ މަޝްރޫއުތައް ފައްޓާވާއިރު، އާ ވައުދުތައް ވެސް ވެވަޑައިގަންނަވަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox